انه دكان للخردوات نبيع فيه الخواطر والذكريات.. ونشارك بالقصص ونقرأ من خلاله أفكار اهل الدكاكين المجاوره ونسمع منهم كما نحكى لهم - هو مكان لتواصل جيل أوشك على الرحيل مع جيل هو بطل المستقبل القريب ...

Monday, September 15, 2008

مريض بمستشفى محمد كمال

عطل جهازنا المنزلى ...فذهبنا به الى صديقنا محمد كمال خبير الكومبيوتر (باطنه وجراحة وتخدير معا) فجاب كرشه وفرمط هارده ..وغير كابله ..ولكنه لم يفق من البنج بعد الجراحة وظل قابعا عنده من أول رمضان وحتى تاريخه كتبت له هذه الأبيات لعله يحن علينا ----------
أتانى أبيت اللعن أن مريضنا
بأنبوب السوائل والدواء معلق
فلو أن الدواء بديل هارد
فداوينى بهارد فالمريض هزيل
وإن فاد الدعاء دعونا فجرا
وفى التراويح يتبعه العويل
ألا ابن الكمال وعدت ماكسا
بتصليح ..فهل مات العليل
فإن فلسع ..فهات إلى القرافه
فندفنه سويا ...ياجميــــل

51 comments:

Beram ElMasry said...

بسم الله الرحمن الرحيم
اسعدالله صباحك كما اسعدتنى بالنفد البناء الدال على صدق الرؤيه وثقافتكم الواسعة ، اسرعت فى الرد على نقدكم المفيد وغدا انشاء الله يكون الحوار النافع وبما يليق بكركم فى النقد والتوجيه
والسلام عليكم ورحمة الله وبركاته

عبرات الكلمة said...

عارف انو دمك زي الشربات وانا اقول انت انتقدت كتاباتي اللي كلها هموم ليه؟؟؟ أتاري حضرتك ما شاء الله قمه في المرح وروحك عاليه فووووووق وان شاء الله تكون على طول كده واتمنى لما اصير في عمرك أكون خلاص طلعت كل شحنة النكد اللي في وأتحلى بروحك المرحه
الله يسعدك على طوووووووووووول
وادعي لبنتك الكتكوته الصغننه ان ربي يهنيها ويريح قلبها

Beram ElMasry said...

استاذى الجليل . maxbeta3zaman
بعد خالص التحية والتقدير ، اشكرك على ملاحظتك الدقيقة فى اصطياد الخلل فى ميزان البيت الرابع ، وكيف يغضبنى توجيهك ،وهو ارشاد لاصلاح خلل معيب ، واسمح لى ان اقول انه بالفعل شعرت بهذا الخلل ، ولو حاولت الاصلاح لاختل المعنى من وجهة نظرى
دام دكانكم مفتوح لنا ، فمنه الزاد والزواد ليستقيم عودى ويشتد ساعدى
صار حق عليك نقد ما اكتب من شعر ونثر

maxbeta3zaman said...

ياخطوه عزيزه وحلوه ولذيذه باخونا اللى شرف ..دا بيرم كمان
كمان احنا لازم ..نرد التحيه ونفرح ونجرى لعنده ..عشان
دا صادق وواعد ..وزجله معاند ..لكل اللصوص ..أو بتوع النشان
يوماتى حازورك ..وأشرب ماجورك ..وأقرا اللى كاتبه ..واعلق كمان

maxbeta3zaman said...

الى عبرات الكلمات
اذا كنت ترين أن دمى خفيف فذلك لا لشىء إلا لكثرة شربى للماء ..هو الذى جعله هكذا ..أما المرح فذلك من فضل الله على.. أحب البشاشة والمرح جدا ..وأضحك من قلبى وأنا أسطر كتاباتى الهزليه التى ترينها على صفحات دكانى المتواضع ..لماذا نحمل الهموم ولنا رب نتوكل عليه ..لمذا نحزن والأيام دول.. والمثل يقول" ماضاقت الا اما فرجت" لا أنكر تعرضى لصعوبات بالغة فى مقتبل حياتى كدت أن استسلم للكآبة معها لكنى ولا أدرى كيف اخذت أردد آيتين فقط هما " فإن مع العسر يسرا..إن مع العسر يسرا"ووالله يابنيتى لم يمر سوى يومين إلا وجاء الفرج من حيث لاندرى ولا نحتسب وحلت المشاكل كلها ..فقوليها إذا حزنت وقوليها إذا ظلمت فليس اوثق من تأكيد رب السماوات على شىء مرتين بنيتى ...فصوصوى وغردى وغيرى اسم البلوج من عبرات ...إلى بسمات الكلمات

Migo Mishmish said...

معلش مسيرة يوم وهايطلب منك حاجة وساعتها قوله لا...لا يا بابا لا
Love,
MishMish

maxbeta3zaman said...

الى ميجو ومشمش
تعرف اللى غيظنى فى موضوع الكومبيوتر ده ايه ..اننا لما حد زميل أو حتى غريب يقصدنى فى تصليح حاجه أو حتى عربيه فيها حاجه مغلباه ..باسيب الدنيا كلها وأقف معاه مهما كان ورايا من مشغوليات وباعتبر قضيته قضيتى ...أنا كده عشان كده باتوقع من الناس تعاملنى بالمثل ...لكنهم بيطنشو وياخد الموضوع اسابيع وشهور ..ومصيره يعوزنى ف حاجه ..والله حاتلاقينى نسيت وعملتهاله فريره ...يالا على رأى الشاعر : ولست بمستبق أخا لا تلمنه
على شعث ..أى الرجال المهذب

كلام على بلاطة said...

كل عام وانت بخير

mahasen saber said...

السلام عليكم ..مدونة حضرتك رائعه بكل معنى الكلمه ..
ونسيبنا من كل البوستات واتكلم عن الملحمه الفولايه مش كده اصلى نسيت ..
بس فاكره الموضوع يعنى كاتبها فى فرح ابن حضرتك الكبير ربنا يسعده..
يعنى ممكن قوى اتحف عبدالرحمن ابنى بحاجه كده فى فرحه..
اى بوست فيه ريحة ابوه او امومه بيجذبنى علطول ...
اسعدتنى زيارة حضرتك قوى قوى جدا ..
وربنا يخرجنا من كوكب النسيان على خير..تخيل حضرتك معايا الكوكب ده..

Empress appy said...

ميرسي ليك على زيارتك وكلامك
والله مش عارفه اعمل ايه فى الحشرات الطائره اللى بتغيير من الناس
ومبسوطه انه بيعرفنى بناس محترمه اوي زيك

maxbeta3zaman said...

على بلاطه
أهلا بك فى دكاننا ..الذى هو بدل فاقد
واحنا بقى كلامنا على سيراميك ..لزوم الموضه...كل عام وانت بكامل الصحة
ملحوظه محدش فى اخوانا البلوجاويه يعرف يدلنى ازاى اشيل الوورد فريفيكيشن المهبب اللى موش عارف طلعلى منين وانا ملصم البلوج ده موش عاوز العب فيه لا يروح زى سابقه واقعد فى الشارع انوميناص تانى ...هوه ده اللى بيغيظنى فى البلاليج فالح بس يقوللك انت مين ؟ طب دول كام ؟ ايه لون كعب جزمة اللى جنبك فى الترماى ؟ ايه ده

maxbeta3zaman said...

الى أكثر المدونات شعبيه محاسن صابر
انه من محاسن الصدف أن شرف بلوجنا الأقل من متواضع شخص مثلك دانت أكثر شعبية من ابوتريكه البوست الواحد عليه تلتميت تعليق ..فنحن بالنسبة لك قاعدين ورا الجون ..انا لمست فى كتاباتك روح مرحه أحبها وبساطة تشعر القارئ بالألفة وانه مازال وسط عيلته وأهله وكمان تعليقات الناس تحس انهم كده "جيهه" وده تعبير سكندرى لما يكون الناس من حته واحده ومترابطين وقلوبهم على بعض ..ناهيك عن خفة الدم ..هو انت بتشربى كام لتر مايه\يوم ؟
شرفتنى زيارتك والدكان نور

maxbeta3zaman said...

الى آببى
المرسيه كل الميرسيه لك أن شرفتينا فى دكاننا الحديث نوعاما ..وإليك اقول :
وهش النمل والدبان أجدى
بشبشوب أو بطوب أو ماشابه
كمان فيه كهربا لسعتها حلوه
تلبه وتلسعه وتكسرلو نابــه
لكن جوه النفوس ازاى نشوفه؟
دا غل وقرصنه تجيب الكآبـــه
فشوفى ..إزبلى وادى احنا عرفنا
بلوجك ماشى ما تهمه الديابــه
كل التحيه على الزياره

☼♫♪ عمــاد الدين يــوسف ☼♫♪ said...

استاذي الكريم اشكرك جزيل الشكر على مرورك بمدونتي وترك تعقيبكم المفيد وانه لشرف لي تكرار الزياره ويا حبذا لو غدوت ضيفا عزيزا متابعا مستديما
ابياتك لا تخلو من الطرفه والتناول الشيق
دمت بخير استاذنا الجليل
تحياتي

emad.algendy said...

السلام عليكم
ايه الجمال ده
بتدعي في الترويح مرة واحدة
شكله عزيز عليك خالص الكمبيوتر
نلحق بقى ندعيله في ليلة القدر
بجد دحكتني اوي كلماتك
ربنا يسعد ايامك يا رب
افضل العمل سرور تدخله على قلب مسلم
تحياتي

ليه في تاكيد الكلمة تحت
ينفع تلغيه؟

الشريف / جمال طة said...

نصاب الشقق التمليك بالمعادى / محافظة القاهرة
الـــــى السيد المستشار / النائب العام
الى السيد اللواء / حبيب العادلى وزير الداخلية
الى السيد اللواء / أحمد جمال الدين
مساعد وزير الداخلية مدير ادارة تنفيذ ألأحكام
الى السيد اللواء / مدير مباحث أمن الدولة
الى السيد اللواء/ مدير مباحث ألأموال العامة

مطلـــــــــوب القبــــــض
علـــــى نصاب عائلـة الزينــــى

نصاب الشقق التمليك بزهراء المعادى / بالمعادى / بمحافظة القاهرة

المهندس / ايهاب فراج محمد ابراهيم الزينى

وهذا النصاب تم تأييد الحكم علية بالسجن فــى القضية رقم 9443 لسنة 2007 م جلسة 11/4 /2007 م وهـذا النصاب صادرا ضدة اكثر من سبعون حكما قضائيا

وعنوان سكنه وعنوان الشركة

شركة الزينى للتعمير 56 طريق مصرحلوان الزراعى / برج بدر أمام فندق المعادى
بطاقة رقم 27003211203839و النصاب يتنقل بين
مدينة 6 أكتوبر بمحافظة الجيزه

و مدينة المنصورة بمحافظة الدقهلية

ومركز بشبيش بطنطا بمحاظة الغربية

واليكم على سبيل المثال لا الحصر بعضا من القضايا المحكوم فيها على هذا النصاببالسجن وهــــى :ــ
ـقضية رقم 5124 لسنة 2007 م ثلاث سنوات جلسة 6/12/2007م
قضية رقم 4075 لسنة 2007م جلسة 3/12/2007 م
قضيه رقم 4073 لسنة 2007م جلسة 3/12/2007م
قضية رقم 28965 لسنة 2006 م جلسة 5/11/2007م
قضية رقم 32112 لسنة 2004 م جلسة 29/7/2007م
قضية رقم 13421 لسنة 2003م سنه حضورى جلسة 12/3/2005و

قضية رقم 5977 لسنة 2008حصر رقم 3316 لسنة 8002 ( ستة أشهر حبس ) بتاريخ 25/6/2008
قضية رقم 6098 لسنة 2008 حصر رقم 2906لسنة 2008 شهرين حبس بتاريخ 4/6/ 2008
قضية رقم 5978 لسنة 2008 حصر رقم 3039 لسنة 2008 / حبس 6 أشهر سجن بتاريخ 11/6/2008

قضيه رقم 6099لسنة 2008م حصر 2947لسنة 2008 ستة أشهر سجن جلسة 5/6/ 2008

قضية رقم 10030 لسنة 2008 حصر برقم 5979 لسنة 2008 سنــــــــــــــــة سجن جلسة 3/7/2008

بالاضافة الــــــى أربعة عشر حكما صدرت ضده باحكام بالحبس شهرا لسرقته التيار الكهربائى بعمارات الرقابة ألأدارية بالبساتين رقم 13 و 23



وماخفــــــــى كان أعظم

همس الحنين said...

استاذى القدير نورت المدونة وصاحبة المدونة وبجد رفعت من روحى المعنوية كتير اما بنسبة ادخل برجلك اليمين علشان ربنا يجعلنا من اهل اليمين علطول ان شاء الله وياريت تشرفنى على طول

Desert cat said...

طيب جيبه وانا اصلحه لك ومش ها ادفعك كتير
هغير لك هارد ومازر بورد ورام ميمورى
وتستلم جهاز جديد خالص هتشكرنى الحقيقة عليه
كل ده ومش هدفعك غير عشرتلاف جنيه
وسيبك من محمد كمال ومحمد فؤاد وعمرو دياب
ها قولت ايه

maxbeta3zaman said...

الى الصحفى تشى جيفارا الشهير بعماد
أستذك الله فوق كل الأساتيذ وجعل بلوجك اشهر البلاليج ...طبعا حازورك كتير بس انت حضر الشاى والكحك ...وانا باتشرف بمرور الشباب بادى النشاط والحيويه والثوره على التقليدى مثلك فذلك يذكرنى بشبابى واستعيده بالتواصل معكم ..أهلا بك فى الدكان ...وشوف لى واحد يشيل لى البتاع أبو كرسى بعجل ده أبو شخابيط فى مستطيل ابيض ده اللى اسمه word varification لحسن بايننى حا لبه قصيده تنطره هو وكرسيه بره البلاليج كلها

maxbeta3zaman said...

يانووووور ..اسمك عزيز على.. انه اسم ابنى الكبير أيضا ..وأنا بقى ياسيدى بتاع السرور وكان مفروض يحطونى فى مجلس الشعب عشان املا الدنيا سرور لكنهم وجدوا الشخص اللى اسمه مطابق للوظيفه وكمان دكتور فكرفونى وحطوه ..مع انه موش بيضحك الشعب ..ودايما ماسك الشاكوش الخشب وبيخبط بيه ويقول كلمه واحده بس ...موافقه..أأأأيواااااه أديك جيت عالوجيعه..تعرفشى يانور يابنى تشيل لى البتاعه دى اللى اسمها تفنيط الكلمه ...دا أنا مفقوع منها ..دانا بادخل بصعوبه دكانى منها ومن شخابيطها المعوجه وحروفها التى تشبه كتابة الدكاتره ..امسحها لى أو قول لى الخطاوى وانا أحط عليها كلور

maxbeta3zaman said...

لشريف جمال طه
لا بد طبعا من كمش الزينى بركات ده وانا أوعدك انى أحلق عليه لو طب اسكندريه واخللى الجماهير تديله علقه وتكسر له عضامه ..بس لازم نعرف شكله ..موش هى دى صورته اللى جنب صرختك؟؟ ..وياريت شوية معلومات كده عنه كمان بيلبس ايه جينز وكوتشى والا عمه ولاسه وهكذا نجيبه من قفاه

maxbeta3zaman said...

الى همس الحنين
النور منك ياهمس ..والشرف لنا ..أن زرتى دكاننا ..ومادمت من آل الحاسوب ومبرمجيه وخابزيه وعاجنيه ..ودلينى ياهمس بالزعيق موش بالهمس ..ازاى نشيل البتاع ده اللى اسمه تأكيد الاسم ...اسم الله عليكى الفاريفيكيشن أبو كرسى بعجل ده ..أصل والبلاليج مش على وفاق وضاع لى بلوج قبل كده فهو عامللى فيش وتشبيه يعنى كده ..سوابق

maxbeta3zaman said...

الى قطة الصحراء
أجيبه بس آخد وصل تعهد بأنه لو هنج ولا شنج ولا بنج آخد فلوسى على داير مايدور واعملك اعلان بالقبض زى اللى كاتبه الشريف ده فوقك بشويه ...وانا لما تأملت فى الصوره اللى انت عملاها لوجو ليكى لقيتها قطة بتضحك وحاطه ايدها على بقها يعنى عامله.عامله أو مقلب زى حسن حسنى لما يضحك ويحط ايده على بقه كده من البمبه اللى عملها فى الناس اللى حواليه ..وباين كده انك عاوزه تجيبى لى كرش الجهاز اكتر ماهو متفرمط وكل معاميعه بره ..دا محمد كمال دا جن مصور ..بس كسلان معايا بالذات ..يمكن م العشم ..عموما حافقعه قصيده تانيه تعملله ريفريش

maxbeta3zaman said...

وجدتها ..عملتها ..أزلتها ...مسحتها
ما أجمل الأساتيك
تمسح ....ولا تخليك
تزهق وتضرب بوز
كان عندى كرسى قعيد
جنبه حروف شخابيط
ولما كنت عبيط
ماعرفتش امسحهم
أوم شوفت واحد جار
عنده قلم... فرجار
أستيكه... سنها نار
شار لى... فعصت زرار
آم دوغرى ..ماسحهم
آللك سيتنج ..كوممنت
شو ورد ..نو..صممت
وف ثانيه.. كان شالهم
فرحت انا وجريت
وفتحت باب البيت
عالبوسط انا بصيت
مالقيتشى ريحتهم
عقبال ماكل الناس
ماتشوفشى هذا الباس
دا زرار ماهوش كناس
نضف....... بلوجاتهم

كـــيــــــــارا said...

ههههههههههههه

ان شاء الله هيرجع كما كان بعد عمليات الجراحه والذي منه

وميرسي لتعقيباتك في ايام زمان

تحياتي

maxbeta3zaman said...

اهلا بكيارا دليل الحيارى
اليوم تخلصنا من الشخابيط ..ودول كام؟ ...واكتبلى دول ياحبيبى.. وافرك عينك وقول.. علمنا واحد اسمه تيممى كيفية الخلاص من نبش الفراخ.. أما الحاسوب فانى فقدت الأمل وكمان كومبيوتر المكتب ضرب الباور بتاعه ولم يبقى لى سوى اللابطوب الغلبان سليل عائلة اتش بى وربنا يستر عليه بقى أما محمد كمال فقد أخبرته بأنى فضحته على النت والعالم كله عرف وسيرته بقت على كل بلوج

Wish I were a Butterfly ... said...

ألف سلامة على مريض حضرتك الغالي
:)
عجبني البلوج كله ماشاء الله
يدعو للضحك و الفرفشة ودي حاجة أكيد محتاجينها كتير أوي في حياتنا

شكرا جدا لتعليقك اللي بجد رسم البسمة على وشي وقت قرائته

نورت البلوجر :)

كلام على بلاطة said...

a;vh ugn hgjugdr
شكرا على التعليق
اما معنى كيد من الكيد والاغاظة
سلام

maxbeta3zaman said...

الفراشة
تحية على تحية نقول :
الفراش مخلوق رقيق
موش هزار حق وحقيق
عمر ما نسمع فراشه
ليهادوشه أو زعيق
تو مايرفرف جناحها
فى الهوا بتطير لفوق
عمرها ما ف يوم بتنزل
غير على ورده بــرحيق
زى مابتاخد رحيــــق
تدى لون على لون يليق
والبلوج بحالو نـــور
والحاسوب قرب يفـــيق
....مرحبا بك.....

maxbeta3zaman said...

على بلاطه
نشكرك للتوضيح ..دانا اللى اختلط على الكلمه ..وده فكرنى مره كنت واقف فى طابور حجز الديزل مصر اسكندريه لقيت الراجل بيمد الفلوس للشباك ويقول تذكره مصر" زهاب وإيهاب" تانيه مكيف طبعا انا كنت كاتم الضحك ليزعل ..لكن هو سمع التعبير لكن مايعرفشى فصحى يعنى.. فأقرب شىء للى سمعه إيهاب
أهلا بيك والكيد كل الكيد لحاسديك

TIMMY !! said...

هههههههههه

ربنا يشفي .... الهارد طبعا :) ما تفهمنيش غلط :)

بصراحة عجبتني الأبيات قوي .. رغم إن فيها كسرات عَروضية .. بس ما يهمش .. ده الهارد نفسه بايظ :)

تحيتي لك .


و تقبل مروري

Beram ElMasry said...

الصديق الصدوق . maxbeta3zaman
السلام عليكم ورحمة الله وبركاته
طال انتظارى الى كتابتك فهى حبل التواصل بيننا ، فساكتب كل يوم لاختلبك لنفسى ان كان هذا يرضيك ، وعندى امل ان تصبر على حتى احقق انتشارا فد يبدل الدعاوى المخدرة والمنومة لشعبنا ، لابد ان نفيق من اوهامنا لا بد ان نعرف اننا لسنا عظماء ، ولانستحق ان نكون مالم نعيرهذه الدعاوى الخادعة والمضللة ونتغير ، ولا اعرف كيف احقق هذا الانتشار ، صديقى لست رجل سياسة ، ولا حزبيا ولم اعرف ولن اعرف مكان اى حزب ، مكانى هو هذه المدونة التى عمرها لم يتجاوز الشهر ولست شابا ثوريا ، وسوف اقوم بقراءة ماتكتب لاعرفك اكثر وتعرفنى
لا تحرمنى التوجيه والدعم ولك كل التقدير بارسال قصيدة الشاعر حجاب
سلام الله لك وعليك

حـــــ الــجــنــة ـــــور said...

السلام عليكم ورحمة الله وبركاته
إنه ليشرفني زيارتك لمدونتي المتواضعه أستاذي الكريم
وماشاء الله بوست هايل الله يزيد ويبارك ويشفي الكمبيوتر هههههه
يا أستاذي بيقولو إضحك للدنيا تضحكلك وأضحك الله سننا جميعااااااا
بقول كل سنه وإنت طيب
رمضان كريم

maxbeta3zaman said...

تيممى
أولا أنت من عرفنى طريقة شيل الكرسى ابوعجل والنبش الفراخى المسمى بتأكيد الكلمه ..دى كانت غيطانى غيظ حروف ملعبكه ومعوجه ...فجميلك ده عالعين والراس ...بدل الكسروله اللى فى الصوره اللى عندك .. وبعدين عروض مين باعم تيممى الحلمنتيشى ده عالطاير كده عشان أبو كمال يرق ويجيب البتاع
اكرر شكرى على نزع الشوكه من بلوجى وأيضا على الزياره

maxbeta3zaman said...

الى حور الجنه
اهلا بك فى الدكان وأنا بكره(باكر يعنى) حاعرف م.كمال ان موضوعى معاه وصل كل شمال القاره ومنتظر يعدى لبلاد الفرنجه مع أول فوج شباب بيزوغ لأسبانيا أو إيطاليا فى قارب مخروم ...أهلا بزائرة تذكرنا بما يلقاه أصحاب اليمين فى عليين

طارق هلال said...

إن أنت سألتنى
ما ندمت وأبكيتنى
ولكنت هنيئا فى شاتك
على الماسنجر أو بلوجك
ولأجبتك بدقة
عن ما فيه من علة
فإنى بأدوائه خبير
من تسطيب وتجريب وتفجير
فأجمع أمرك وكلمنى
متى شئت دون تأخير

همس الحنين said...

يابختك عرفت تشيل الكرسى ابو عجل ونببش الفرخ ان معرفتش ممكن تقولى عملت اية بالتفصيل وياريت بسرعة

همس الحنين said...

شكرا شكرا شكرا شلت الكرسى ابو عجل ونبش الفراخ معلش تعبتك معايا بس خيفة ادخل القية تانى سعتها حعتزل التدوين

maxbeta3zaman said...

الى الأرابيك آى دى
ياريتك جيت من زمان يا أرابيك.. محمد كمال بهدلنى شهر بحاله البتاع عنده الويندوز مكانش عاوز يقوم بس والحق يتقال هو جابلى الحاجات المهمه اللى كانت على الدسك توب قبل مايفرمطه ويمرمطه بس هو موش عارف العيب ده إيه بالضبط باور والا هارد والا كابل التوصيل الداخلى اللى فيه ييجى تلتميت سلكه ..إيه رأيك يا أرابيك ..أسحبه من عنده وابعتهولك على مصر ؟

maxbeta3zaman said...

الى همس الحنين
ألف نهار ابيض على شيل الكرسى ..ومعاه كمان مرسى (الراجل اللى قاعد عليه)
انا بيتهيألى ان ده هو صاحب ومدير البلاليج العالمى اللى بيقعد يفتش البطايق بتوع الناس اللى داخله وخارجه م البلاليج ويسألهم عن أسامى ابوهم ويعمل لهم اختبار نظر وباطنه وصدر عشان النفس وزحمة البلاليج فى رمضان والعدوى ممكنه بين المدونين ..الراجل واقف أمن يعنى بس كان خانقه وغلس والحمد لله انك شوطتيه بره ..وبعدين شكر إيه عالواجب دا اللى عرفنى الطريقه كان من المعلقين اللى عندك فى دكانك ..وإنما يعرف الفضل لأهل الفضل أولو الفضل

Anonymous said...

سيدي الفاضل
فعلا عاجزة عن التعبير

مدونة جميلة جدا...تعابير بسيطة للغاية لكنها أقوى من دوي القنابل
: )))

استغربت من ردك الشعري في مدونتي..لكنني حين وصلت هنا..
وجدت ماهو أروع
: )

أشكرك على الزيارة و على تعليقك اللطيف

اللذي ما لاق به إلا بوست لك...عندي
: )))
أكرر شكري و تحياتي

maxbeta3zaman said...

هذا نشان فوق صدر الماكس والله العظيم
ماكنتش اعرف ان البوسط يبقى اصله تعليق فى السليم
لكنى لما شوفت صورة الحلوه قاعدة مصهلله جنب الزعيم
آم مخى دور جوا بحر الذاكره
راح جاب فايل مركون قديم
ورحت باعته عندكم ف بلوجوكم فى التعليقات قاصد الكريم
آدى اللى كان واللى جرى من حقنا ومن حقكو كشف اللئيم

شمس النهار said...

الحمد لله اخيرا دخلت مدونه من اولها ضحك
لحسن اليومين اللي فاتوا كان نسبة الغم عاليه جدا
واساسا
يومي ابتدا مش حلو
لآن محاولت السفر للحج السنه دي بائت بالفشل
كل سنه وانت مسرور
وراسم الضحكه علي وجوه اللي حواليك
ماتنساش تحل الفزوره اللي عندي في المدونه
شكرا

Mostafa Safwat said...

el video kan 7a yetsabbeb fe rafdy
la enny kont batfarrag 3aleh we enfagart fel de7k
rabena yeshfeelak el pc beta3ak we yerga3lak bel salama

همس الحنين said...

اية دة هو لسة تعبان لا بئة ودية لدكتور تانى احسن تعرف انا لو اتخصصت فى مجال الصيانة حعلجة علطول ومن غير اى مقابل لا فى انك تنزل بوست جديد كدة وجميل وتنورنى على طول فى المدونة

Beram ElMasry said...

استاذى الجليل . maxbeta3zaman
السلام عليكم ورحمة الله وبركاته
اسعد الله صباحك ، اسعد الله مساءك بكل الخير ما تعرف منه ومالا تعرف
قبل كل شئ انا من مواليد 14 -1 -1942 تخرجت من الفنون التطبيقية عام 67 ، نشرت اول قصة قصيرة عام 1970 بمجلة نادى القصة ، وكانت رجبية الاسلوب كما قالوا نسبة الى - محمد حاظ رجب الاسكندرانى - ، وكتب فى هذا الاسلوب محمد ابراهيم مبروك عميد اداب اسيوط سابفا – وانا ، توقفت عن اى نشاط لزواجى وسكنى في صحراء مدينة نصر ان ذاك ، فى عام -74 –صممت ميدالية نصر اكتوب وقمت بنحت بورتريه السادات ، والميدالية قرص ذهب بقطر 6 سم ، و100 فضة لاعضاء مجلس الشعب ، رزقت بالمولو د الثانى79 ، ذهبت الى ليبيا اربع سنوات وعدت لانشر التمثال قصة شبه تقليدية ، وبعدها قصة خصوصيات اميرة وهى رجبية الاسلوب ، خمس سنوات اخرى مدرس فى قسم اثار كلية اداب جامعة صنعاء ، فى اواخر التسعينا ت تصميم درعين من الفضة لكارلوس منعم رئيس الارجنتين ومبارك ، ثم المعاش 2002 ، ولما طفح الكيل كتبت الشعر العامى فى اول 2008-
اخى من مدونتكم خفيفة الظل نمى الى علمى ان المحروس الهارديسك الموقر اصابتة وعكة ، الشر برة وبعيد ، وكنت قد عزمت على زيارته ومعى اثنين كيلو بايت رامات ، غير ان خطوط النت لم تسعفنى ، واتلهيت مع الواد الوسيم ناشنجى القصب الاحمر – خد الجميل – حتى الاسم معسل – ووقفت فى محرم بك ورايت الترام ومعالى الباشا المليم الاحمر ، فاعتصرت قلبى مرارة على الجنية الاحمر منه ، انت لست في حاجة الى اطراء غير ان اسلوبك جميل والوصف رائع ينقل بامانة صور حية ، فاكتب عن بقية الالعاب لتحفظ لنا هذا العهد الجميل
اثقلت عليك فسامحنى ، وكل عام وانت فى اتم صحة واكمل حال ، وعيد سعد عليكم وكل الاهل ، والسلام

maxbeta3zaman said...

الى شمس النهار
نور أضاء بلوجنا ببزوغ شمس للنهار
وكشف حقيقة اسمنا ..كان ليه كما الإختيار
وجاوبنا فزورتك هناك ...طب حتى دوسى ع الزرار
وجاوبها كل اللى قرا ..واللى دخل عندك وزار
أما دكاننا للخردوات فقد افتتحناه خصيصا للبسمه والفرفشون فكلما تكلكعت الأمور افعصى زرار هذا البلوج ..وبإذن الله تتحولى إلى الحاجه شمس النهار فى العام القادم ...إنه أذان من سيدنا ابراهيم.. وبأمر العزيز القدير ..ومن حيث لا تدري ستجدى نفسك بين الملبين القادمين من كل فج عميق

maxbeta3zaman said...

إلى بوندوك أوهى بندق لوصح حدسى
سلامتك من الرفد انشالله رؤساءك وكل اللى لهم سلطة عليك ...حد يطول يفطس شويه من الضحك ..يا أخى دااحنا ناس بنموت فى الحزن ولما نضحك نقول اللهم اجعله خير
والنوبه الجايه لما تقرالى ابقى خبى بقك بمنديل واعمل انك بتعطس أو تكح ..كده ممكن الموضوع يعدى على خير ...أهلا بمن عز وجوده وغلا سعر الكيلو منه

maxbeta3zaman said...

إلى أخونا بيرم المصرى ..كريم العنصرين
كلما قرأت لك أو عنك زاد تقديرى لك ...أنت كتاب بان من سطوره الأولى ..فن وفكر ..ونظم جميل عميق المعانى ...ذاك ما جعلنى دائم الزيارة لمدونتك ...هناك من ينطق كلامهم بجوهرهم الرائع ...أنت أخى من هؤلاء ..وزتنى اليوم بطول باعك فى الفن التشكيلى الذى يعتبر اهتمامى الثانى بعد الشعر والزجل ...فأنا من أسرة كثير من أعضائها ينتمون للحركة الفنية التشكيليه ...أشهرهم على الإطلاق عبد الهادى الجزار فهو خالى وحماى فى نفس الوقت ...وقد تشرفت بكتابة التعليق الصوتى على موقعه الذى أتمنى أن تزوره وهو http://a-elgazzar.com/
أهلا بك بيرم أخى وقد زدتنى شرفا بتعرفى أكثر على شخصك

شمس النهار said...

شكرا علي الرد الجميل
ده
وربنايستجيب لك
بس ياريت تدعي للسنه دي

maxbeta3zaman said...

الى شمس النهار
ونزولا على رغبة المدعو له
اللهم اجعل مادعونا يه عاجلا غير آجل السنة دى يارب ...2008 موش 9 يارب الحج قرب يارب ..والقرعه ماصابت ...لكن الحج السريع.. اجعل لها فيه نصيب يارب السنه دى دى
ألف وربعمائة وعشرين وتسع يارب
ألا وقد دعوت فاللهم استجب

About Me

My photo
أحب الثقافة والفنون والشعر وتبادل الأفكار النافعة والهوايات المتعددة والمصنوعات اليدوية والرسم والمسرح والأغانى القديمة ذات المعانى الراقية والأفلام الكوميدية اتقن الكثير من الأعمال اليدوية (اصنع بنفسك )واهوى أصلاح أى معدة تتلف : حته جديده بقى أنا الماكس فى أحشائه الضحك كامن فهل ساءلوا بلوجاتى عن طرفاتى