maxbeta3zaman

انه دكان للخردوات نبيع فيه الخواطر والذكريات.. ونشارك بالقصص ونقرأ من خلاله أفكار اهل الدكاكين المجاوره ونسمع منهم كما نحكى لهم - هو مكان لتواصل جيل أوشك على الرحيل مع جيل هو بطل المستقبل القريب ...

Sunday, July 6, 2014

داعش تعلن عن خليفه للمسلمين يامر الناس بطاعته !!!

الخليفه ابراهيم ...طازه بطازه من الفرن دوغرى
------------------------------------------------------
انا الخليفه دقنى مخيفه وعمتى كبس وتفصيل
عليكو طاعتى وانا اجرى وافتى ولا عندى افعل للتفضيل
اوامرى تمشى حاطوف بجحشى عليكو وانتو نيام بالليل
وانتو تطيعوا لحسن تضيعو ا عساكرى جاهزه بسيف وطويل
عاوزها دوله تسير علاوله لافيه حدود ولا فيه اساطيل
مافيش مجالس ...شغل العوانس ومجلسى فته وشخاليل
صرامه دايمه ...من غير مقاومه ..والكل يركع لما أميل
والفن داعر ...حالوشو راخر ...من راسكو وحابيد التماثيل
والعلم شرعى ...أصول وفرعى ..لافيه لاطب ولا كشاكيل
عاوزكو تبقو.. شيوخ وتقروا ...وتصلوا تدعوا طول الليل
وان عوزتو تاكلو ..والا تحلوا ...التمر فى النخل اما يميل
نهزه هزه ...بكل عِزه ...تنزل سباطة تمر تقيل
مافيش موبايل ...ولا مهازل ...ولا حواسب ولا عميل
ولا بضاعه ولا صناعه ....ولا تجاره ولا تبديل
ولا إناره ولا عماره ...والشمع يرجع للقناديل
والناقه تجرى ...لاتقوللى مجرى ... وحداتنا فرسخ بدل الميل
بالكوز حانشرب ...قله ترطب ...بزبوز وطشت يضم غسيل
واللى يخالف ...ده مخه تالف ...حلال فى نسله كمان تقتيل
ِ







زعيم #داعش في أول ظهور علني: أنا «خليفة المسلمين إبراهيم» وأطالبكم بـ«الطاعة»...

الخليفه ابراهيم ...طازه بطازه من الفرن دوغرى
------------------------------------------------------
انا الخليفه دقنى مخيفه وعمتى كبس وتفصيل
عليكو طاعتى وانا اجرى وافتى ولا عندى افعل للتفضيل
اوامرى تمشى حاطوف بجحشى عليكو وانتو نيام بالليل
وانتو تطيعوا لحسن تضيعو ا عساكرى جاهزه بسيف وطويل
عاوزها دوله تسير علاوله لافيه حدود ولا فيه اساطيل
مافيش مجالس ...شغل العوانس ومجلسى فته وشخاليل
صرامه دايمه ...من غير مقاومه ..والكل يركع لما أميل
والفن داعر ...حالوشو راخر ...من راسكو وحابيد التماثيل
والعلم شرعى ...أصول وفرعى ..لافيه لاطب ولا كشاكيل
عاوزكو تبقو.. شيوخ وتقروا ...وتصلوا تدعوا طول الليل
وان عوزتو تاكلو ..والا تحلوا ...التمر فى النخل اما يميل
نهزه هزه ...بكل عِزه ...تنزل سباطة تمر تقيل
مافيش موبايل ...ولا مهازل ...ولا حواسب ولا عميل
ولا بضاعه ولا صناعه ....ولا تجاره ولا تبديل
ولا إناره ولا عماره ...والشمع يرجع للقناديل
والناقه تجرى ...لاتقوللى مجرى ... وحداتنا فرسخ بدل الميل
بالكوز حانشرب ...قله ترطب ...بزبوز وطشت يضم غسيل
واللى يخالف ...ده مخه تالف ...حلال فى نسله كمان تقتيل
ِ

Saturday, July 5, 2014

من الفيس بووك ...للمدونه


عن البت اللى اسمها اسماء محفوظ اللى بتنصح

ههههههههههههههه
 قصيدة شوقى بك عاوزه تعديل فى البيت الأول

برزت اللبؤة يوما :: فى ثياب الواعظينا
ام عكيشها نمر ارقط :: راح فاقعها فى التتينا
صوتت دوغرى وجريت :: قال يا اميركا الحقينا
رد عمك سام بقولة :: يالله يا بنت اللذينا
هههههههههههههههههههههههههههههههههههههه

الفسيه لما اتمطعت قلبت عبير البيت 
والبت دى مايلمهاش غير مهزأه وتبكيت
 
لما عكشها المخبرين سجن القناطر زاط
 
قالت ده كان لعب وهجص وغلطت فى الاتيكيت
 
******
لما تشوف الدمع ف عيون مجرمه وخاينه
 
اعرف بان السفاله مدفونه موش باينه
 
غرفولها كبشة فلوس ...نتفت حواجبها
 
قال ايه وتنصح كمان!!... شوفتوش كده تفويت
*********


الأحكام والسخط ع الأحكام ضد المحرضين على القتل والتخريب 
حاكمنى بس احكم بشويش 
الا الحديده بتوجعنى 
وخللى حراسى ياشاويش 
بلاش تزق توقعنى 
دانا المسيطر ع الامخاخ 
مليون ونص بتتبعنى 
اقول لهم بسك ع الجيش 
يقولو شبيك ...دلعنى 
روحوا اقتلولى سعيد وعليش
وببومبه واحده وسمعنى 
بيجرو فلاسيع كالأغنام 
ويحرقوا القسم المعنى 
ولما يدوهم اعدام 
برضك يقولوا ايه يعنى
---------------------------------------------------------
تخاريف صائم فى بلاد الفرنجه 
*******
زيت المورينجا ...عدل السنجه 
خللى الكراميش ...تبقى منجه
والحاجب لو شاب واتنعكش 
تفرد طوله
....وتديه عاوجه
 
والخد الفطسان ...يعلى ويندَى 
والشفه المشفوطه ...سافنجه 
حتى الصوت لو ضاع واتحشرج 
لحسه تخللى الصوت ده كمنجه 
وتخللى اللى القطر يفوته 
يجرى ويلحق زيجه وينجى
 
----------------------------------

من الفيس بووك ....ايضا




بيرم التونسى فى اجمل قصائده

التغريبة


غلبت اقطع تذاكر
وشبعت يارب غربة
بين الشطوط والبواخر
ومن بلادنا لأوروبا
وقلت ع الشام أسافر
إياك ألاقيلي تربــــة
فيها أجاور معاوية


وأصبح حماية أمية
جاورت "قاسيون" وجيرته
توحش ولا فيهش حاجة

وعــــــزرائين انتـــــــــــــظرته
 مجاش وجاني الخواجة


نافخ وسايق امــــــــارته

وقاللي : شوف السماجة
الــــــبر تحــــــت انتدابــــــــنا
اخرج
 دي ماهيش وسية
رجعت للبحر تاني مقهور وراجع فرنسا
في بقي طعم السوداني
فاكره وأناعمري ماأنسي
وإن رحت تونس كفاني 
عذابى أنا والتوانسة

"جملان" محضر مدافن للأمة.. والأمة حية 
***
في بورسعيدالسفينة  رست تفرغ وتملا
والبياعين حاوطونا بكارت بوستال وعملة
لكن بوليس المدينة متفوتش من جانبه نملة
يا بورسعيد والله حسرة ولسه يا اسكندرية
*******
هتف لي هاتف وقال لي 
انزل ومن غير عزومة
انزل دي ساعة تجلى 

فيها الشياطين في نومه 

انزل دا ربك تمللي 

فوقك وفوق الحكومة 

نطيت في ستر المهيمن
 
للشط ياحكمدارية
******
وأقول لكم بالصراحة
اللي
 في زماننا قليلة
عشرين سنة في السياحة
 بشوف مناظرجميلة
ما شوفت يا قلبي راحة

في دي السنين الطويلة

إلا لما شفت البراقع

واللبدة والجلابيه
*********

من الفيس بوك الى البلوج ياقلبى لا تحزن

الفيس بووك مكان جديد نكتب فيه على الفور ولكن المشكله انه كالجريده تأتى عليه مئات الكتابات من الأصدقاء فتردم ما دونته فيه فى دقائق وتصبح القصيدة او المقالة او الفكرة .....ذكرى لذلك احب تسجيل بعض السطور المهمه والطريفة هنا بين الحين والآخر
السطور دى ارسلتها من امريكا للقاهرة ليقرأها زميل لىفى مناسبة احتفال الزملاء بذكرى الرعيل الأول وذكرى منشىء الكلي الفنية العسكريه الفريق محمد ابراهيم سليم مديرها فترة وجودنا فيها فى الستينات ...فكتبت عنه
فى ذكرى أب راحل ...ومعلم وقائد
أبدأ بقول شوقى ...وقول شوقى امير الشعر
هو الدهر ميلاد فشغل فمأتم :: فذكر كما أبقى الصدى ذاهب الصوتِ
***********
من ضمن ماجاد الزمان بيه على البلد دى انها
موعوده برجالها اللى بيفنوا عمرهم فى حبها
موش بس بجهودهم بيبنوا طوبه واحده ويكتفوا
لكن بيبنوا  ع المدى من بعدهم اجيال بتحفظ عهدها
وتشارك اللى يمد ايده بالوفا وبتقطع اليد اللى الحلال فى قطعها
ووالدنا كان قائد وكان اسمه محمد و ابراهيم وكان شديد
بس الصرامه كان وراها حب بيلين له الحديد
وكان كأنه فى سباق مع الزمن عاوز يطلّع جيل جديد
ويكون شعاره العلم والإيمان وجَد.. زى رجالة الصعيد
وكنا فى بدايتنا صبيان شباب عاوزين اجازه وسيما وحاجات زى دى
لكن ماكنش فكرنا كده زيهم  او زى والد لما بيبص ل بعيد
لما كبرنا وشوفنا وعركنا الحياه عرفنا قيمة الجتر والقايش وطابور التمام
والورشه والمعمل والكنترول تست والشفوى و....تلبخ تعيد
كان الفريق لما يمر على الفرق فى جوف  الليل تحس انه بيحبك اكيد
وانه حريص على نجاحك وعاوزك تبقى لبلادك مفيد    
ِ وان زمجرته وشخطه وزغرته ..قناع وراه أبوّه وحرص زى حرصك ع الوليد
ماانساش فى يوم لما فى مدرج لمنا كده  كلنا ينصح كما الوالد يقوللك خبرته
وقال لنا ان التقدم راح يكون فى الكهربا والميكنه والكنترول وكان كلامه صح الله يرحمه
رنت فى ودنى الكلمه دى وانا كهل وعجوز ولما شوفت الدنيا قلت تانى الله يرحمه
وارجع لصورته لما كان بيمر  و يشوف شغل الخواجه الأجنبى
ويبص على ورقك فى نص الامتحان والمسطرة الحاسبه ولوحة الرسم واللى بترسمه
دلوقتى وانا عاللاب توب واللوحة بادوس ودوستى ع الزرار تجيبلى عالم كان بعيد بدى افهمه  
لو خليت الدنيا من الناس اللى تفكر وبالعزيمه  عندهم إصرار ماكنا شوفنا ف كل لحظه شىء جديد  
لكن يظل كل من وضع الأساس وكان بقلبه بيشتغل وعينه ع الوطن العظيم ..له مننا كل احترام ومن تانى نقول الله يرحمه
********

About Me

My photo
أحب الثقافة والفنون والشعر وتبادل الأفكار النافعة والهوايات المتعددة والمصنوعات اليدوية والرسم والمسرح والأغانى القديمة ذات المعانى الراقية والأفلام الكوميدية اتقن الكثير من الأعمال اليدوية (اصنع بنفسك )واهوى أصلاح أى معدة تتلف : حته جديده بقى أنا الماكس فى أحشائه الضحك كامن فهل ساءلوا بلوجاتى عن طرفاتى