انه دكان للخردوات نبيع فيه الخواطر والذكريات.. ونشارك بالقصص ونقرأ من خلاله أفكار اهل الدكاكين المجاوره ونسمع منهم كما نحكى لهم - هو مكان لتواصل جيل أوشك على الرحيل مع جيل هو بطل المستقبل القريب ...

Sunday, November 6, 2011

الأخبار والصور الملفقه...وحوار بينى وبين صديقى

Adel Mahdy


• عادل حمودة جايب صورة لغرقى من السيول في السعودية ليقول أنها جثث مسيحيي ماسبيرو


: Ahmed Fathy اللى بيقول


o هذا الرجل لايقول صدقا .. يذيع خبرا عن نزهة لجمال مبارك على كوبرى مايو .. ويتضح انه كان مع أخيه فى طرة يصلى .. ويقول أن هناك الملايين دخلت فى حساب مبارك بالبنك الأهلى .. ويرد البنك المركزى بان المال تحت تصرفه من يومها .. والآن فضيحة جديدة .. أرى أن تغلق الفجر .. لولا ان هناك الكثيرون ممن ...سيقع عليهم الظلم


o الكردى اللى بيقول

====================================o



وكان للعبد لله السكندرى رأى آخر






Adel Mahdy


الفجر لما يدن ...لازم الديك يقول


حتى ان قالولو بيض ...حيبيض حسب الأصول


فيه كوره بنج بونج ..سابها الواد الخرونج


ماهو ايده خلف ضهره ...ماهو هوه كينج كونج


الديك سهاه وخدها ...وبالشمال رفصها


آم لما جه معاده ...قال كاك.. لازم يقول


جت عالصرخه الفراخ ...آم هوه داخ وساخ


شوفتو انا بيضت بيضه ...كله كاكا بذهول


معقوله تبيض ياديكنا ...والله دا شىء مهول


لكن فيه فرخه رقمه ...زاحت رجله بحكمه


بصت فى النور لاقيتها ...فارغه ف ادتله شتمه


العشه بحالها هاضت ... شوفتو الديك الجهول


خلّى كدبك مِساوى ....فرّحت فينا العــــــــزول




وكانت هذه المداخلات والحوارات بينى وبين صديقى شيرين الكردى فى نفس الخيط


الكردى : آه والله ياماكس وهذه هى الكماله زى الكشرى بتاع سحس


عمك دا ثورى والا ...فله من الفلول


ورد العبد لله السكندرى :


عامللى فيها ثورى ...واخباره طازه وفورى


تلقاه تمللى قاعد ... فى البار جنب الفلول


وبيضرب فول سودانى ... ويبيع ام الخلول


يرفع كاسو فى كاسو ... ويطرطق ودن غول


أوم هما دوغرى يقولو ... والسر جوه العقول


لكن هوه بمهاره ... يصطاد والصيد اصول


بيخش جوه ف دماغهم .. وبيسمع من سداغهم


وبيلقط الحوادث ......واللى بيشهد يقول


البار مكان مضلّم ... لكن اخوك معلم


وبيقرا حركة شفايف ....لو حتى ف بقه فول


او هوه حتى بيبلع ... يرضك صاحبك بيسمع


البلع يعنى مؤامره ...والكحة رشة ديتول






دى بقى كمالة الكماله ياكردى ....بعد كده بقى رز بلبن ونغسل ايدينا الا الكشرى زروط الدنيا


Wednesday, October 12, 2011

قصة لها معنى ومغزى

كتب الأستاذ الجامعى

من ذكريات المدرج.

.أنا من الحزب الوطني يادكتور!

الأستاذ الدكتور محمد هاشم عبد الباري

الحشرات عالم جذاب ومحيّر في أمره، ويدعو إلى التأمّل والتفكر والتدبّر، ليس في تنوعها وفى أشكالها وألوانها وتكوينها، وليس في حياتها وسلوكها ومعيشتها وبيئاتها وملائماتها في الشكل والتركيب لنمط حياتها. ليس كل ذلك فحسب وإنما كذلك في وظائف أعضائها وآليّاتها في تأدية تلك الوظائف، وهو ما يطلق عليه علم وظائف الأعضاء أو "الفسيولوجي"، وذلك هو تخصصي، فتخصصي هو علم وظائف الأعضاء في الحشرات، وبالتعبير العلمي هو "فسيولوجيا الحشرات "Insect "Physiology". . لقد استهوتنى كلية الزراعة وعلومها فهي بحق أم الكليات، والزراعة في الحقيقة وبلا شك هي أصل الحضارات، واستهواني في كلية الزراعة قسم الحشرات الاقتصادية Economic Entomology، واستهواني في علوم الحشرات علم فسيولوجيا الحشرات، واستهواني في فسيولوجيا الحشرات فسيولوجيا الأعصاب Neurophysiology! لا عجب. فلقد اجتذبت الحشرات طبيبا انجليزيا فافتتن بها، واستحوذت على كل اهتماماته فهجر الطب وعكف على دراسة الحشرات وحياتها ووظائف أعضائها في العشرينات من القرن الماضي، فكان أن أصبح هو العالم الأشهر في الحشرات "السير فنسينت ويجليسويرث" مؤسس علم فسيولوجيا الحشرات في العالم! كثيرا جدا ما يسألني الآخرون في بداية التعارف وبخاصة الأساتذة الجامعيين عن تخصصي عندما يعلمون أنني أدرّس في كلية الزراعة، ثم يتعجبون ويندهشون ويعقدون حواجبهم عندما أقول لهم أنني أدرّس في قسم الحشرات الاقتصادية، فأكون مجهزا سلفا لشرح الاسم! أنهم، وعلى الأرجح أنتم كذلك، سوف تتركون الحشرات وتمسكون بالاقتصادية! إن كلمة "اقتصاد" في اللغة: من "القصد" وهو التوسط والاعتدال (المعجم الوسيط مادة قصد) ، ومنه قوله تعالى: "وَاقْصِدْ فِي مَشْيِكَ" (سورة لقمان الآية 19)، والقصد في الآية منزلة بين التفريط والإفراط ، وبين التقتير والإسراف، هذا في اللغة أيضا.
أما في الاصطلاح فعرّفه "آدم سميث" (عام 1776) : بأنه "علم الثروة أو العلم الذي يختص بوسائل اغتناء الأمم". ويعرّفه "روبنز" (عام 1932): بأنه "العلم الذي يبحث في سلوك الفرد تجاه حاجاته المعتادة ووسائله المحدودة ذات الاستعمالات المتنوعة". أي أنه العلم الذي يدرس كيفية تلبية الناس لحاجاتهم وإشباعهم لرغباتهم المختلفة. وأعتقد أنّ الاقتصاد في النهاية يترجم إلى ربح وخسارة، ومنفعة وضرر، وفقر وغناء، وضنك وشقاء وراحة واسترخاء، وعذاب ومتعة! قدّرت منظمة الصحة العالمية عام 1972 نحو 100مليونحالة ملاريا في منطقة جنوب شرق آسيا، 70% منها تحدث في الهند، وفى عام 1947 قدّر نحو 75 مليون شخص عانوا من الملاريا في الهند بنحو 800 ألف حالة وفاة. الدراسة عن الخسائر الاقتصادية الراجعة إلى الملاريا قالت أنّ الملاريا كانت مسئولة عن نحو 750 مليون دولار في ذلك الوقت (مرض، ضرر، عذاب، كبد، معاناة، عطالة، خسائر، موت). كل ذلك بسبب نوع من البعوض (حشرات) ينقل الملاريا للإنسان عند اللدغ!!! أعتقد أنك سوف تكون في غاية السعادة عندما ترى زوجتك أو ابنتك ترفل في فستان من الحرير "الطبيعي" الذي ثمن المتر منه آلاف الدولارات، والمصنوع من شرانق دودة حرير القز (حشرات). وقد يضفى عليها شيئا من الرقة ولو إلى حين! وبالتأكيد أن زوجتك أو ابنتك سوف تتباهى وتتفاخر(تتفشخر) به عند الأخريات من نساء وبنات الأقارب والأصدقاء والجيران! (ربح، منفعة، جمال، رومانسية، بهجة، بهاء، راحة، متعة، انسجام، فشخرة!).أعتقد أنّ مفهوم الحشرات الاقتصادية قد وصل. إن الأمثلة على منافع وعلى مضار الحشرات لا تنتهي، وقد يكون لنا معها حديث إن شاء المولى عزّ وجلّ. من بين المليون نوع من الحشرات التي عرفها وعرّفها وكشف عنها الإنسان نحن نقوم في "قسم الحشرات الاقتصادية" بتدريس أكثر من 300 نوع من أهم الآفات الحشرية والحشرات النافعة في البيئة المحلية الزراعية وغير الزراعية للطلاب في مقرر "الحشرات الاقتصادية"، علما بأننا نقوم بتدريس عشرات العلوم المتعلقة بالحشرات. ظللت أدرّس ذلك المقرر طوال سنوات عملي بكلية الزراعة وحتى الآن بجانب علوم "فسيولوجيا الحشرات" وغيرها. وللمعاونة في تدريس "الحشرات الاقتصادية" لدينا مجموعة حشرية محنطة ومتحف متواضع في القسم، ونطالب الطلاب الدارسين للمقرر بجمع مجموعة حشرات من البيئة المحيطة وتصبيرها وتعريفها ودراستها والإلمام بها. هذه المجموعة الحشرية يقدمها الطلاب في نهاية الفصل الدراسي الجامعي ونمنحهم فيها درجات في إطار أعمال السنة. في أحد أعوام أواخر التسعينات من القرن الماضي، وقد كنت مسئولا عن تدريس مقرر "الحشرات الاقتصادية" نظريا وعمليا، وفى أواخر الفصل الدراسي جاء إلى مكتبي السيد البروفيسور رئيس القسم، وكان يكبرني بعدة أعوام، غاضبا ومستاء. بلغني أنّ أحد طلاب المقرر قد كسر قفل أحد دواليب عرض الحشرات في بهو القسم وسرق بعض الحشرات المحنطة. وأخذ رئيس القسم يهدد ويتوعّد ذلك الطالب المجهول بالويل والثبور وعظائم الأمور، وأخذ يهدد بأنه سوف يفعل كذا وسوف يفعل كذا في كل الدفعة إذا لم يحددوا الطالب الذي فعل ذلك. أخذت في تهدئة الرجل الذي لم أعلم بذلك الشأن إلا منه في تلك اللحظة، وهوّنت عليه الأمر، وطلبت منه أن يترك هذا الأمر لي وسوف أقوم بحل المشكلة. كان عدد هؤلاء الطلاب الدارسين للمقرر نحو 560 طالبا وطالبة. وكنت أحاضرهم في مدرج كبير أسبوعيا من السادسة إلى الثامنة مساء. لم أقم بأي إجراء بخصوص تلك الواقعة حتى حان موعد محاضرتي لهم بعد أربعة أيام من ابلاغى. دخلت المدرج في موعد المحاضرة بالضبط كالعادة. وقفت على المنصة صامتا أنظر إلى الطلاب لمدة دقيقتين فكان الطلاب وكأن على رءوسهم الطير واعتراهم الوجوم. لم يكونوا يعرفون بتلك الواقعة، فبالطبع لم يقل لهم أحد ولم يفشى الطالب الجاني عمّا فعل. انه سرق تلك الحشرات لكى يقدّمها في مجموعته الحشرية وينال عليها درجة.كنت متكدّرا بالفعل من تلك الفعلة. وكنت أعتبر الطلاب دائما هم أبنائي بالفعل. وكان الكثيرون من الطالبات والطلاب ينادونني أو يكتبون لي باسم "أبى". لقد كنت أشعر في قرارة نفسي بأن أحد أبنائي الذين قمت بتربيتهم وأحببتهم هو الذي فعل تلك الفعلة. لقد كان شعوري واحساسى أنّ الأمر يخصني أنا، وأن ذلك العار قد لحق بى أنا شخصيا. كنت أغار على طلابي وأحبهم ولم أكن أتخيّل أن يصدر من أيّهم ماصدر. ومع ذلك، ومع المرارة التي لحقت بنفسي، فقد قلقت عليهم من وجومي وصمتي في المدرج، وقلقت على توجّسهم، تحاملت على نفسي وأقرأتهم السلام كالعادة في محاضراتي. ثم سميْت الله وحمدت الله وأثنيت على الله وصليت على رسوله الكريم صلى الله عليه وسلم، كالعادة أيضا عندما أبدأ المحاضرة. ثم حدثتهم عمّا بدر من أحدهم، وعن عدم تخيّلي لما حدث، وأبلغتهم تهديدات السيد الدكتور رئيس مجلس القسم، وأبلغتهم استياء كل أساتذة القسم والفنيين والعاملين فيه. كل ذلك وسط محيط من الصمت الرهيب من الطلاب. ثم تكلمت معهم عن الأمانة، وعن الشجاعة، وعن الرجولة، وعن الفضيلة، وعن الكذب والإيمان، وعن نوعية الإنسان المسلم. كل ذلك وهم واجمون. وأخيرا قلت لهم: "درجاتكم أمانة عندي أمام الله. لن أهدد بصعوبة الامتحان كما يفعل البعض. لن آخذ البريء بذنب المذنب. أبدا. لن أفعل أي شيء. أبدا. ولن أسمح لغيري أن يفعل شيء ضدكم. أبدا. لن يأتيني ذلك الابن ليعترف لي على انفراد. أبدا. سأطلب شيء واحد فقط، وربما يكون أصعب من أي شيء يمكن أن يتخذ ضدكم بسبب تلك الفعلة. سأستدير إلى ناحية السبورة وأعطيكم ظهري لمدة دقيقة، وسوف يقف بينكم الطالب الذي فعل ذلك لتعرفوه، حتى تعرفون المذنب وتشعرون ببراءتكم. وحتى لا ينظر بعضكم إلى بعض في شك، وحتى لا يشعر أحد منكم أنه مشكوك فيه. والآن أستدير، فليقف الابن المذنب لفترة كافية لتنظروا إليه وليجلس قبل أن أستدير لكم ثانية، فأنا لايهمنى أن أعرفه، ولو عرفته فلن أفعل شيئا" واستدرت وأعطيتهم ظهري. بمجرد أن أعطيتهم ظهري سمعت همهمة للمدرج لم تلبث أن توقفت، وغرق المدرج في صمت رهيب. حقيقة لم أعرف كم لبثت على ذلك الوضع ولكن الوقت الذي مرّ على هكذا قد يكون أكثر من ثلاثة دقائق. ومن شدة الصمت أعتقد أنّ عيناي كانتا قد غفلتا، فلقد شعرت أنني كنت وحدي في المدرج مقبورا. وربما أفقت من غفوتي معتقدا أنني كنت وحدي في المدرج في جنح الليل. ثم استدرت لهم ثانية. ياللهول. لقد وجدت طالبا في وسط المدرج واقفا في انكسار، والطلاب كأنّ على رءوسهم الطير، واجمون ومرتعدون ويمسحون دموعهم في صمت. ياللهول. ماكنت أتوقع أبدا أن يحدث ذلك. مطلقا. وقف الطالب الشاب ليرى نفسه لزملائه ولى ويعترف بذنبه في صمت، ليقول بجسده وبروحه وليس بلسانه "أنا الفاعل"، "أنا السارق"، "أنا المخرب". لم يستح ذلك الشاب من نظرات المئات، لا تقل من زملائه بل قل من زميلاته الشابات! ياللعجب! لم يأبه ذلك الشاب إن كنت قد أضعف وأتراجع وأحنث في وعدى فأوقع به أشد العقاب؟ أبسط العقاب كان الفصل من الكلية وضياع المستقبل وهو فى السنة الرابعةعلى وشك التخرج. لم يكترث أن يصل الأمر إلى والديه فيسبب لهما الإحراج والعار؟ لم يهتم ببكاء زميلاته وزملائه الصامت وقلقهم عليه فيجلس قبل أن أستدير وأراه؟ كان يمكن أن يتعلل لنفسه أنه لم يكن موجودا فى تلك المحاضرة وكان غائبا. كان يمكن أن يتعلل لنفسه أنه لن يعرفه أحد. انه لشيء عجاب! كل ذلك جال بخاطري بسرعة البرق فدمعت عيناي وأشرت بيدي قائلا فى انفعال شديد: "هذا هو الإسلام، هذه هي الرجولة، هذا هو الشباب المسلم، هذه هي الشجاعة، اجلس يابنى، باركك الله". قبل أن أكمل كلامي كان المدرج قد انفجر في البكاء، طالبات وطلبة! لقد استغرق ذلك الموقف من وقت المحاضرة نحو عشرين دقيقة، وهى تساوى مجموع وقت الراحة. فالمحاضرات عندنا ساعتان لكل ساعة عشر دقائق راحة. في اعتباري أن ثلث الساعة تلك لم تكن أهم من المحاضرة فحسب ولكنها كانت أهم من الفصل الدراسي كله. أعطيت محاضرتي كاملة في الزمن المحدد لها بالضبط وصرفت الطلاب، تعوّد الطلاب منى أن يجلسوا خلال المحاضرة بفاصل فى المدرّج بين الطالبات والطلبة، وأن أصرف زميلاتهم بالكامل أولا ثم أصرف الطلاب الذكور بعدهم. ذهبت بعد المحاضرة إلى مكتبي لأكمل برنامجي اليومي وكان لدى عمل أنجزه. مكتبي داخل معملي والمعمل منفصل عن بقية القسم ويطل على حدائق الكلية مباشرة وكان الظلام خارج المعمل دامسا. كنت منهمكا في قراءة أحد التقارير العلمية حينما شعرت بحركة وأن أحدهم يقف بباب المعمل في الظلام. رفعت رأسي ونظرت صوب الباب فإذا بشاب يقف بالباب ينظر إلىّ. قلت له: "من أنت يابنى وهل من خدمة أؤديها لك؟"قال لي: "أنا الطالب المذنب الذي وقف في المدرج في المحاضرة"كنت قد نسيت شكله وملامحه حينما وقف في المدرج وسط زملائه. فقد كنت صادقا في وعدى ولم أكن أبدا غير صادق، بل كنت قد نسيت الموضوع برمّته بعد أن ألقيت المحاضرة. وقبل أن أتكلم أنا مع الطالب أردف قائلا:"أنا من الحزب الوطني يا دكتور"وقبل أن أردّ عليه كان قد أبرز بطاقة عضوية الحزب الوطني مناولا لي إياها قائلا: "أرجو أن تمزقها أنت بنفسك يادكتور"نظرت للبطاقة في يدي وقلّبتها بين أصابعي وكانت بطاقة فخمة من البلاستيك المقوّى الذي صنعوا منه بطاقات الرقم القومي بعد ذلك بسنوات!قلت له على الفور: "لا، بل احتفظ بها يابنىّ ولا تستغلها إلا في الخير"تناولها الطالب منى في تردد وكأنه غير مصدق لما سمعه منى، ثم صافحني معانقا وانصرف. لم أر ذلك الطالب بعدها مطلقا، وربما كنت أراه، وبالتأكيد كان يحضر المحاضرات، وبالتأكيد امتحنته شفهيا وعمليا، ولكنني لم أتذكر شكله ولا ملامحه، ولم يكن يعنيني ذلك. ولكنّ خريجي تلك الدفعة كانوا يحضرون إلى على فترات ويعرفوني بأنفسهم بأنهم من الدفعة التي "بكى فيها المدرج"، ومن يعرف ؟ ربما كان ذلك الطالب بينهم عندما كانوا يزورونى، دون أن أدرى! بعد أسبوع تقريبا من ذلك الموقف جاء إلىّ البروفيسور رئيس مجلس القسم يسألني عن الإجراء الذي اتخذته في واقعة الطالب الذي كسر الدولاب وأخذ الحشرات. قلت له أنني فعلت اللازم فلاذ بالصمت، ولم يسألني هو أو أحد غيره بعد ذلك أبدا. لا أدرى إن كان ذلك الطالب قد غلبته نفسه الأمّارة بالسوء واستمر في عضوية الحزب الوطني ونال بعض المنافع والمناصب والسلطة والفلوس وأصبح الآن من الفلول، أم تغلبت شجاعته على المطامع وترك الحزب، ولكنني أحبه مثل بقية الطلاب وأدعو له ولهم بالخير والهداية. هؤلاء هم طلابنا، وهؤلاء هم شبابنا، وهؤلاء هم أبناؤناعندما يكتنفهم المناخ الطيب ويصادفون القدوة الصالحة ويبتعد عنهم شياطين الإنس. يظهر بريق الذهب عندما تنفض من عليه التراب. من سلوك الوزغ (البرص أو البرعص أو أبو بريص) عندما يشعر بالتهديد والخطر أن يفصل ذيله الذي يتلوّى ويتركه يتلوّى ويهرب، فيتلهّى فيه الناس ويظنون أنهم قد قضوا على الوزغ، وينشغلون عن بقيّة جسم الوزغ الذي يكوّن لنفسه ذيل جديد!

لقد ترك الحزب الوطني لنا ذيله نتلهّى به ومضى ليستأنف حياته بذيل جديد!

محمد هاشم عبد البارى21 شوّال 1432 ه19 سبتمبر 2011 م

منقول كما هو دون اى تصرف فى المحتوى فما فيه من العبر و الدروس ابلغ من اى كلمات اخرى

Monday, October 3, 2011

مقتطفات فيسوكاويه شعريه 2

استكمالا لما سبق وحفظا لتخاريفى الشعرية من الضياع فأنا اكتبها على الطاير وعلى الكى بورد مباشرة وارسلها ردا او تعليقا على موقف ولما كان الفيس بووك كا لجريده فإن الأشياء تضيع فيه وتختفى بعد ظهورها بدقيقة لأن التيكرز نازله ترص فى تعليقات واخبار وكاريكاتيرات ....زحام يطرد بعضه بعضا لكن صديقى البلوج كالكتاب تظل السطور فيه باقية يمكن استدعاءها فى اى وقت وانا احب ان استرجع الذكريات بين الحين والآخر وسطورى نبتى وعصير قصب فكرى اريدها امامى لذلك استعدت ما استطعت من سطور لأضعها هنا فقد ضاع مئات غيرها لا اعرف اين ذهبت ....وهاهى بعض سطورى فى الفيس بووك بعضها لا أذكر مناسبة كتابته ولكن الصب تفضحه عيونه ...وينم عن نوم شخيره

-----------------------------------------------
بعد ظهور كليب الضباط الذين عذبوا وصعقوا وضربوا اثنين من البلطجيه تجار السلاح ومهما كان المتهم ...ومهما كانت فداحة جرمه لا أرضى أبدا بالتعذيب والإهانة فهناك قانون



********
ماكانشى والله العشم تعمل كده ياحسين
نقرك ناقـــــور الوبــــا ..والا غراب البيــــــــن
وعداك سليل لافترا ...خللى ضميرك شين
الكاكى طول عمرهم وطنــــيه ومقاتلـــين
والسود سواد قلبهم معروف بقاله سنين
ايه اللى كب الهباب فى بياض حليب صنفين
مين جه غرس رجلكو فى وحل غايصه وطين
هل شوفتم الجمسى او احمد اسماعيل
هل انتم الشاذلى؟ هل وسطكم تحسين
مين منكو يعرف رياض ..مين منكو شاف مأمون
انتو اللى عريتو ...ناس فى الجنان عاليين
خِتم الشرف فوق جبينهم ...واسأل عليهم رابين
----------------------------------------------------------------------------------

ودى واضحه من غير مقدمات ولا توالى

--
الشهادة الكبيرة

سألوا كبير العسس ايه اللى شوفته هناك
اعمى وطرشى مابنضرشى من الشـــــباك
وان شوفت حتى معقوله حاقول برضه
هوه انتو سذج وفاكرينى البعيد عكاك
دانا الحارس وانا الفارس وواقف باك
وطول عمرى باصد اجوان مافيش نمله تعدى هناك
وامطوح اى شىء جارح وابات سارح حياتى فداك
والف وادور على الثوار واشد وارخى حبل دوبار
حاتسالنى حاقول ماعرفش
ماشوفتش ايوة انا ماباشوفش
وقاللك ؟ لأه هوه ماقالش
بيقتل؟ ده الكبير ماقتلش
قعد وياك ؟ لا ماقعدش
شربتو شاى ؟ لا ما شربش
طلب من حد تانى يطخ حى ورش ؟
لا مطلبش وانا معرفش
ياصبر ايوب طفــــح بينا الماعـــــــون والصبر
ظهر كل المخبى وبان سقط أهل الطواقى الخُضر
و اتارى الفنجرى وصباعه كانو إشاره لاهل القصر
سلام ع العيله بالكامل وأعوانهم ...ماليهم ظهر !!
فمين ع البطن يضربهم وأعوانــــــهم ولاة الأمر ؟؟

-----------------------
------------------------------------------------
اما السطور دى كانت رد على صدبقى بكر اللى ذكر شىء عن تخدير الشعب وتنويمه بطريقه ساذجه فقلت
البنج فى الــــحقنه و تيييت الشعب مهرية
وكلمة الحق غابت وريحة العَمله موش هيه
طلع قُوُلُه وكل عمايله بوش وفاشــــــــوش
طلعنا احنا اللى بنــــــهرج وحرامـــــــــــــيه
-------------------------------------------------------------

اما هذه السطور فكانت تعليقا على صورة علقتها لى وبعض اصدقائى تجمع بين وجوهنا حاليا ونفس الوجوه من 40 سنه بالضبط وردا على تعليقات الأصدقاء المواسين والشامتين والضاحكين فى سرهم اقول



------------------------------
ألا ليت الشـــرابُ يعود يوما :. فأخبره بما فعل الـــغسيلُ
فما الدنيا وحال المرءِ فيها :. الا كسبت للغسيلِِ بدا يميلُ
ويدلق من أتى الدورُ عليه :. ويعلق بالحبال فتى جهولُ
يرى هو فى امتداد العمر نفعا :. وياليت الزمان بنا يطولُ
لكن العمر محسوب الثوانى :.وقطٌرُُ قد أبى المنعَ الهطولُ
----------------------------------------------------------------------

وهذه هات وخذ بينى وبين زميلى ودفعتى احمد فوزى
حتى اليوم ونحن نقترب من أخر سبتمبر 2011 : لم تصدر أحكام إلا على العادلي والمغربي وجرانة وعز ورشيد... وهم الذين ضحى بهم حسني مبارك قبل التخلي .... عسل جت رجله في قضية عز ورشيد بتاعة التراخيص ... الاستثناء الوحيد هو يوسف بطرس غالي .. مش فاهم خد حكم ليه .. يمكن علشان هربان !!!
ده احمد فوزى صديقى اللى بيقول

وده بقى العبد لله اللى بيقول

ذر الرماد فى العيون هو اللى بان للكل
وان كنت فاهم وبتدارى ...مساء الفل
مساء مرحـــــرح ونايم ع السرير بيطل
والمسرح القومى بدا فى موسمه الشتوى
بجوقه كامله وبروايــــه طويــــله تعـــــــل
--------------------------------------------------------------------


دى بقى عن تبرئته لنفسه من قتل اى حد
تعليقا على اولى جلسات المخلوع ودخوله القفص مستلقيا على سرير ومن حوله ولداه يخبئونه من كاميرات التصوير فى مشهد درامى غريب

اتنين ولاد جامدين لابسين ترينج ابيض
واقفين شمال ويمين ..بيحوشوا عن بابا
و اقفين له حيطه جون ..والجون ماهوش شايف
والوش مالهوش لون ...بيمص فى شفايف
ندهو عليه يالبوق ...حاضر مانيش خايف
وبرىء براءة النوق ..ده الجرم شىء هايف
ايه يعنى لو ماتو ...هتيفة التحرير
هوه انت لوهاجمك ...سربين من الصراصير
موش كنت راح تضرب ...شبشب بحجم كبير
وتبخّهم بالمبيد ...وترشهم بالجير
آدى اللى كان منهم ...والضرب شغل الغفير
لا عمرى قلتهم ...اضرب قليل او كتير
هما اللى من حرصهم ...خبونى تحت السرير
وقالولى البد هنا ....واحنا بتوع الكارير
حانلبهم لبه جامده ....وانت تمللى الأمير
شغلانه ديتها ...بكتيرو ساعه وكسور
وما فوقت من رقدتى ...الا اما جانى الزئير
بصيت لقيتهم هنا ...حصرونى ف ميدان سفير
على شرم طرت بهلع ...قولت اما تهدى الأمور
ماهدتشى قولت الرياسه... والكرسى روخر يغور

------------------------------------------------------------------------

ردا على ابيات معناها "حانقول ايه بس على اللى عمال يحصل من حركات موش مفهومة" من المجلس والناس اللى شالها الشعب على اكتافه

ايه الكلام الجامد ده ....وانطلاقا من هذا المنطلق

انا بقى اللى رابح اقولّه ع اللى صار واللى راح
وافتن كمان واجيبله سيرة الموت والجراح
يابنى لقينا مجلس عمال يقفش ويحبس
وبيضرب بالعصايه ويكهرب لو تبسبس
عندو قناعه اكيده قالها فؤاد المهندس
انتم خونه بأجنده لما م الضحك حافطس
والإبطاء موش حاقوللك والقاضى موش كويس
العهد الماضى باقى هوه معقول يفلس
دى جدوره غارزه جامد والجسم كمان منحس
والأمن الوطنى نازل بالتقل كمان يهيس
ويفركش فى اللى ثاروا والندل قاعد متيس
آدى اللى صار ياسيدى نام واتغطى كويس
3/8/2011
-------------------------------------------------------
قال صديقى محسن على الفيس بوك جزء من قصيدة جميله مطلعها

• انتم حزب الكنبة الصامت *** كباية شاي وسجارتين
• أو حزب الفيس بوك الناشط *** اللي لسانه طوله مترين
• أو روكسي ومصطفى محمود *** اللي مكملوهوش ألفين
• فنصيحتي اللي بلاش تاخدوها *** تاخدولكم شاي بالياسمين
• وارتاحوا وجبنالكو منبّـه ... *** وظبطناه على يوم الدين
• ارتاحوا عشان لسة الثورة *** واحنا خرجنا ومش راجعين

• وقال العبد لله السكندرى

-----------------------------------------•
ده كلام ..قوى جامد ...يامعلم ....على قفيان الظلم يعلم
• داخلين بكره على رمضان والمشلوح موش راضى يسلم
• باكوات الشاى خلصناها والطفايه.... نفضناها
• وسمعنا الثوار تتكلم
• بس المجلس ناوى يجلس والقطنه فى الودن بتحبس
• الصرخات مكتوبه عرايظ وده بيقول الصبر كويس
• هوه كويس لو بنتيجه لو ميت جيجا كنت اتحمس
• انما سرعتكم.. بالكيلو والإجرام كده راح يتليس
• امتى نحس بثوره حقيقى ؟ إذا كان الحاكم بيهيّس
--------------------------------------------------------------

آخر واحده عشان الملل بقى ...ماعرفشى ايه اللى خلانا نفكر فى ده؟ يمكن كلام توفيق عكاشه الغريب عن البط والوز والفجل والجرجير وتحديه للبرادعى فى "عدد عيدان الجرجير فى الربطه"؟ ....هوه ده اللى خللى السيد عبيد دفعتى يثير مسألة الورور والجرجير فكان ردى عليه بعيدا عن السياسة خالص وقلت لسيد عبيد
قال شاعر صاحبنا فى حكاية عن الجرجير
جرجرنى حب الصبايا
جبتلهم انا جــــــــــرجير
فرشوه فى وسط الصينيه
وطــــــــــــــــالبونى بالكفته
صرخت انا ده سرّه سر خطير
طلع الزعيم فى آخر استفتا
والكفته مصنوعه بلحم حمير
ايش جاب لجاب الحرير والتّول للبفته
شوفتوش خضار العـــــــــــود وأوراقه
زرعوه تقاوى الحريم لعمايله فى الجته
شوفتو اليابانى اكلته م البحر ايه نوعها
ورق اخضرانى ملزق م اللحوم خالى
والفرد منهم يساوى من صنفنا سته
زعلو الصبايا وقالو انت ياعم بخيل
عينك على السعر موش ع الصنف فى اللسته
------------------------------------------------------------

مقتطفات فيسبوكاويه شعريه ولسان عصفور

منوعات شعرية فيسبوكاويه وثوريه



وردا على تباطؤ المخلوع فى المثول أمام المحكمه وذكره فى أقواله أنه برىء وأن الكل كان معه فى كل قرار خاصة منع الاتصالات عن مصر إبان الثوره كتبت
هــــــــاتولى كل الشــــلّه
أنا موش رئيس ..انا قٌلّه
مــــين الى شد الفِــــــلّه
مين اللى شَــــــد الكوبس
****
موش كان هناك فيه لجنه
مجموعه لاجـــــــــل الفتنه
والريـــــحه كانت نــــــتنه
و الجـــــــــــو كـــــله خبث
****
ماكانشى ليّه وجود
ولا كنت مدّى وعود
دانا كنت ماسك عود
عمال باجرّب حس
****
راجعو الأسامى هناك
روح عاقب اللى أذاك
إزاى تكون شــــــكاك

إنى لشـــــــــعبى أمِس
****
شوفتونى وانا راقد
للأبـــــــــــّهه ...فاقد
وجمال واخوه ساند
والأم مالهاش حس
****
القصـــد مــوش رايــح
و لوحــــدى موش نايح
دانا حسنى موش "سايح"
ياللا سوا ع البوكس
--------------------------------------------


-وتعليقا على اقتراب ثوار ليبيا من أبوب حصن العزيزية بطرابلس

ياابواب العزيزيه .: إفتحى ياللا الباب
ماتسكيش ياوليه :. دى الثوار ع الباب
والمــــجنون لو عندك :. إدّيه بالقبقاب
والدر ام الشجره :. عملتـــــها لأسباب
بس الخانكه داهيّة :. ماشيه تخر لعاب
وتهـــلفط وبتهتف :. وبتطـــــلب عناب
موش حاسه ان الدنيا :. واقفاله ب ركاب
و...قميص كمه مقفل :. شكله كأنه شراب
والعنــــبر مستنى :. وتومرجى بالكـــــــاب
والله انا عندى فكره :. بيضه مافيها هباب
روح وانزل ع الغابه :. واتغطى بجلباب
والبس عمه كبيره :: واطلب رطل كباب
امبراطور من يومك :. وسط قرود وكلاب
----------------------------------------

شهود الزور الذين شهدوا أمام النيابه بوقائع عادوا وأنكروها بعد صفقات وتنبيهات وفلوسات

---------------------------------------------------------------------
المحكمه ,,,والشهود

شهود إثبات وجم ينفوا ...أتارى الزور له ناس ياناس

وصف مــحامى يصطفّوا ... ولعب وشـــطب فى الكراس

لوا وجــه يشهد إكمِنّه ... عارف مين اللى أمره أساس

وقالــها نطـــق بها سِنٌّه ...فى أقــــــــوال النيابه وداس

وجِــــه بـــدّل كـــلامه هناك ...قلب للنفى ديله اتـــــعاص

وصـــل له طــــقم ظبّط له ...كلامـــه قال له كـــون بلاص

وقول ماحدش إدّى أمر ...بضرب رصاص فى روس الناس

وقــول دى روسهم اتخرمت ... لوحــــديها من الإخـــــلاص

ومــن كتر الهتاف بالصوت...وكان مضغوط فشــــق الراس

مشفتوش اللى غنت فا ...بصوت سرسوع فكسرت كـاس؟

ودول مـــلايين بتهتف عاه...ومنها تينـــور ومنــــها باص

وكل دمـــــاغ ليها تردد ...وليها رنــــــين حــــزين حساس

لكن العادلى والشاعر ... وفايد واللوا رمزى دى ناس تنباس

كلامهم إوعوا تؤذو الشعب ...مافيش هنــــا ضرب يا حراس

وفجاه لقينا كل الشعب شد فى شعره فى القاعة وفوقــــه داس

يافاجر فى الشهاده وناسى حق الله.. وقول الزور بقى لأمثالك النبراس

تجامل مين ودول زيك بَشَر فانيين... وناسى قول رسول يوم قال

وقول الزور وقول الزور وظل يقولها ويعيدها لحد ما قالو أصحابه

ياريته سكت.. ياريته سكت وياريتك بتفهم أو تعقل وليك إحساس
----------------------------------------------------

وعن موضوع الثورات المتتالية فى العالم العربى وتفجرها الواحدة تلو الأخرى كتبت اقول

الـــثوره أنفلونزا... فِرّه فى الــشعوب
راح تـــعدى جارك مهما كان واخد دوا
والـــــــتاج ده لما يكون نورى ولعوب
بزكام وعدوى ح تلطشه دوغرى هوا
شافو اللى صار و شافو دقات الكعوب
قــــــاللك حــــــــذارى وبسرعه انزوى
قـــــفّل حـــــدوده جاب لهم مزه لعوب
ونــــــــــــقل بطوله آسيا فورا ع الهوا
درمــــــــغ ولاده بالفلوس مليار يادوب
كفّـــــــــــى وفاض والكل قربع وارتوى
بــــس العيال دى برضه بصت م الثقوب
شافت جموع زى الطوفان والديب عوى
شـــــــافت خليع فلسع بعيد ومعاه كروب
والـــــشله حايصه والبوليس روخر هوى
والــــــــقاتل اللى كان زعيم عاوز طبيب
والـــــواد واخوه بُصُرّة فلوس جريو سوا
طـــــــب نعمل ايه يادهية دقى راح نتوب
ونــــــــــــحط مجلس شورى ليجينا الوبا

أو نلــــــــــهى كل شعوبنا فى حب وجوى
الا الحــــــكايه جد والبطل فيها الشعوب
يـــــارب ســـــلم داحنا مالناش فى النوى
-----------------------------------------------
لاحظت أن الفيس بووك كثير السؤال عن أصحابى وأقربائى درجه أولى وتانيه عادية وتانيه مكيف وكل ما عمل آب لوود لصوره يقوللى مين الكتاكيت دول ومين اللى على شمالك ده لدرجة إنى مره علقت صورة حفر قناة السويس للفنان عبد الهادى الجزار والصوره فيها واحد فى المقدمه "عامل" شايل مقطف فراح معلم على وش الراجل الغلبان اللى فى الصورة وقال مين ده ...طبعا بالخباسة المعهودة فىّ قلت له ده الحاج احمد بياع البيض السريح اللى بيعدى علينا يوميا ...واخذت فى العناد معاه لما لقيته حشرى وأميل لجمع المعلومات عننا جميعا من كونه تواصل اجتماعى فقلت من غيظى


أنا والفيس بووك

الحـــــلو حلو الشمايل
والفيس ده عمال يخايل
والواد فيس ده باصص علينا
وعمّال يسوى ف هوايل
عمّــــــــال بيسأل يتقّص
طب مين قرايبك يامرقص
اكتب وأيـــــــــــاك تنقّص
شايف كله وشايل
عنكو ملفات كتيره
مليان حكاوى وسيره
والوش يقطع خميره
لكنى باعمل جمايل
الإسم وصل اجتماعى
لكنه وأقــــطع دراعى
إنه جاسوس م الأفاعى
ومــــخبّى عنا الجدايل
عارفينها؟ تحت الطاقيه
وملولوه ومش طريه
صهيونى قاصد قضيه
مايعه وملهاش بدايل

Wednesday, September 14, 2011

مؤامرة قططية








هى دى بالضبط شكل القطط اللى تآمرت عليها ...وهوه ده السبت اياه













هذه قصة واقعية حدثت فى سبعينات القرن الماضى فى بيت الأسرة فى محرم بك ...ولا بد قبل البدء من تعريف لمن لا يعرف بأدوات ومفردات هذه القصة ....اولا سَبَت البلكونه : وهو لمن لا يعرفه سبت من البوص المضفر.. وتضعه ربة البيت مربوطا فى حبل طويل فى البلكونة لشراء الخضار والعيش والفاكهة من الباعة الجائلين وتلتقط به الأغراض التى يشتريها الأبناء وتنزّل به المكوة للمكوجى ولها فيه مآرب اخرى مثلا.. عندما كنا نلعب الكورة الشراب فى شارع الظاهر ونعطش ننادى باسم الأخوة الذكور فقط ...عشان عيب نذكر اسماء اخواتنا البنات... عااااادل.. فتطل احدى اخواتنا البنات من الدور الرابع فأقول نزلى السبت وحطى فيه قلة ساقعة ...(لم تكن الثلاجات قد انتشرت فى طفولتنا بالشكل الحالى) ..فتضع الأخت او الوالده القلة البارده فى السّبت اياه وتدليه لنا فى الشارع ويشرب الفريق كله والصورة المرفقة توضح شكله فى وضع استعمال ...طبعا ده لا ينطبق على العمارات الفخيمه ولا الناس الهاى من ذوى المصاعد وسلم الخدم وخلافه انما فقط للأسر المتوسطة فى المبانى القديمة التى يصل ارتفاع السقف فيها الى قرابة الأربعة امتار ويصبح الدور الرابع فيها كالسادس فى المبانى الحديثة ...وقد كان لهذا السّبت الدور الأكبر فى مؤامرتى القططيه
انا الأخ الأوسط بين احد عشر فردا هم اخوتى وأخواتى فوقى خمس اخوات بنات وتحتى خمسة مختلط ذكور وبنات و آخر العنقود هو بطل القصة ...الفرق بينى وبينه حوالى 15 عام ...هو من هواة القطط السيامى بدا بزوج منها فكانو لطاف ظراف مع بعض الخربشة فى الكراسى وبعض البقايا هنا او هناك لكن زوج القطط من سوء حظنا احب بعضه بعضا وقررو يكونوا اسرة فى الحلال فعقدوا قرانهم سرا وبدأ النتاج يهل واخى سعيد والوجبات السمكية والزفارة والشقاوة تتزايد وتقطيع قماش الصالون بالأظافر اثناء التدريب على الهبش فى اطراد.. البيت كله فى تعاسه واخى الأصغر فى غاية السعادة بقبيلة القطط التى وصلت لتسعة بعد موت العديد منهم ...اجتمعت الأسرة واوكلت الى مهمة تسريب هذه القطط واحدة تلو الأخرى ...فى اول تجربة القينا واحدة على السلم لتأخذ طريقها للشارع فقابلها اخى وهو عائد من مدرسته فصعد بها ونظر لنا نظرة اتهام وريبه ...لم تفلح اول محاولة للتسريب واصبح اخى يتمم على القطط التسعة ليلا ونهارا ...تكرر طلب الأسرة كلها لى بإعادة المحاولة مرة واحدة وبعدد سبعة دفعة واحدة فهدانى تفكيرى الى خطة السَّبت ابو حبل كانت خطتى تقضى بأن ادحلب القطط الى السبت ثم اذهب به لآخر بلكونه وادليه بها الى الشارع ثم اميّله على جانبه لتخرج القطة الى الشارع مع اصدقائها من قطط الشوارع الهائمة فى كل مكان ...اخى فى الخارج... اخذت اول قطة وضعتها فى السبت ونزلته بهدوء من البلكونه والخطة ماشيه عال ونزلت القطة قفزا من السبت وانطلقت تجرى فى الشارع فى سعادة بعد دقيقة من استغرابها للمكان والكل فوق سعيد بالخطة تسريب 1 المعدلة والتى تمت اولى تجاربها بنجاح تام ...اذا رقم 2 تعالى ياأم العيون الزرق والودان البنى ...ومشى الطرد رقم 2 بنفس النجاح بتاع رقم واحد وتخلصنا من زوج بنجاح ساحق ...لم اكن ادرى ان رقم 3 بهذا الذكاء والخبث اصطدت قطة من الفطيع ووضعتها فى السبت وأخذت تطل برأسها خارجه وأنا ادفسها حتى لا تعرف المصير ...ادخلى ياعبيطة ده يوم الحرية والانطلاق للعالم الفسيح ...لكنها ظلت تطل وتملكتها الريبة فىّ وفى اخوتى ..بدات ادلى الحبل وحده وحده والفطة تطل برأسها وعندما اصبحت بين الدور الرابع والثالث اخذت تتلوى بعنف فقد احست بأنها فى الفضاء واستمريت انا فى الهبوط بها حتى إذا ما جاء نظرها على بلكونة الست ام رسمى التى تسكن تحتنا فى الثالث اذ بها تقفز من السبت وتتشبث بأظافرها فى قاع بلكونة الجيران تحتنا من الخارج وتتولد عندها طاقة هائلة لتتسلق الجدار الأسمنتى لبلكونة الجيران وتستقر داخلها وتبدأ فى النونوة والصراخ والعويل لما فضحتنا ...قلت انزل لها السبت عشان تدخل فيه تانى وارفعها قبل الواد ماييجى يبهدلنا... ودى ابدا لا تركب ولا تبطل صويت ...الوقت يمر وام رسمى موش هنا والحمد لله ...يبقى نسكت ونوقف الخطة لبعدين يوم والا يومين كده ونكمل لما يستوعب اخويا الصدمة ...الواد جه من بره كعادته يتمم على القطط ويعدهم لقاهم ناقصين تلاته اخذ يجرى كالمجنون فى كل ركن حتى وصل للبلكونه اياها لقى الحلوة عماله تصوت تحت ولا اجدعها ندابة فى ميتم بص لها وسألنا ايه ده؟ قولنا اكيد انتحرت م البلكونه فوقعت عند ام رسمى ...طب فين الباقى؟ ...برضه اكيد هربو من الباب والا من الشباك ...نزل جرى على الجيران يخبط لغاية مافتحو واعطوه قطته ونزل الشارع جاب الجوز اللى هبطوا بالسبت وبقى الحال على ماكن عليه
وفشلت الخطة تسريب 2 كما قشلت تسريب واحد تماما ...واصبحنا جميعا من الفلول والمشكوك فينا ....ومازال اخى هذا للآن يربى قططا (على الأقل اربعة عنده باستمرار) فهو المقيم الوحيد فى بيت الأسرة حتى اليوم


























































Tuesday, September 6, 2011

مقتطفات شعرية فيسبوكاويه

قبيل الثورة وبالتحديد فى شهر ديسمبر 2010 انتابنى شعور غريب اصبحت ابحث عن الأناشيد الوطنية القديمة واسمعها واعيد سماعها بصوت مرتفع من اليوتيوب ...امشى فى شوارع السويس فأتذكر كفاح المقاومة الشعبية للعدو على مشارف الأربعين فيملؤنى الحماس امشى على كورنيش النيل وكوبرى الجامعه فيملؤنى الغضب من العلم المتدلى فى العماره اياها ...كل ذلك فى دبسمبر الماضى شىء غامض يحركنى... احساس داخلى لاادرى سببه يقول لى ان هناك شيىء ما فى الطريق ...وتوالت الأحداث حادث كنيسة القديسين -ثورة تونس - اعلانات كلنا خالد سعيد - اعلان شباب الفيس بووك عن يوم الثوره 25 يناير لم اكن اتصور مثل كل الناس هذا الزخم وهذه الأعداد تلتحق بالثوار الرواد ...ثم دارت العجله وتفجر بركان لدى عباره عن سطور اعبر بها عن مشاعرى وغضبى وانفعالى مع الأحداث كنت اكتبها فى ردود فوريه على الفيس بووك مع كل خطوة ...اذكر اننى ظللت ساهرا للصباح بعد خطاب المخلوع الثانى الذى اصر فيه على البقاء ليشرف بنفسه على اصلاحات مزعومه فرفع المتظاهرين له الأحذية احتجاجا وظهرت ارحل ولازم يمشى على كل لسان وسهرت انا اكتب قصيدة آبو أجنده والتنوح التى نشرتها فى هذه المدونة فى الثامنة صباحا بعد اتمامها ...ومع توالى الأحداث حدث لى "اسهال "شعرى صحيح يعنى ماهوش قيمه وسيمه انما مان تعبير فورى عن احاسيسى بما يدور هنا ...المحاكمات والسرقات والحوادث والاستفتاء وشرم كتبت كما لم اكتب فى 10 سنوات مضت وسأحاول البحث عن قصاصات وملفات هذه السطور المتنوعه واضعها هنا لأن الفيس بوك كالجريده تتوه السطور بعد نصف ساعة من كتابتها وسط آلاف المقالات والردود فهيا بنا مع آخر حاجة كتبتها فجر اليوم

1:26am Sep 6

المحكمه ,,,والشهود

شهود اثبات وجم ينفوا ...أتارى الزور له ناس ياناس

وصف محامى يصطفوا ... ولعب وشطب فى الكراس

لوا وجه يشهد اكمنه ... عارف مين اللى أمره أساس

وقالها نطق بها سِنٌّه ...فى اقـــــــــــوال النيابه وداس

وجـــه بدّل كلامه هناك ...قلب للنفى ديله اتعـــــــاص

وصل له طقم ظبّـــــط له ...كلامه قال له كــــون بلاص

وقول ماحدش ادى أمر ...بضرب رصاص فى روس الناس

وقول دى روسهم اتخرمت ... لوحديـــــــــــها من الإخلاص

ومن كتر الهـــــتاف بالصوت...وكان مضغوط فشـــــق الراس

مشفتوش اللى غنت فــــــــــا ...بصوت سرسوع فكسرت كاس

ودول ملايين بتــــهتف عــــاه...ومنـــــــها تينور ومنها باص

وكــل دمــاغ ليها تــردد ...وليها رنين حـــــــــــــزين حساس

لكن العادلى والشاعر ... وفايد واللوا رمزى دى ناس تنباس

كلامــــهم اوعوا تؤذو الشعب ...مافيش ضرب يــــــــا حراس

وفجاه لقينا كل الشعب شــــــــد فى شعره فى القاعة وفوقه داس

يافاجر فى الشهاده وناسى حق الله.. وقول الزور بقى لأمثالك النبراس

تجامل مين ودول زيك بشر فانيين... وناسى قول رسول يوم قــــــــال

وقول الـــزور وقول الــــزور وظل يقولها ويعيدها لحد ما قالو اصحابه

ياريتـــه سكت ياريتـــه سكت وياريتك بتفهم او تعقل وليك احســــــاس

شرف يؤكد اهتمامه الشخصي بملف النوبة
حبيبى يابتاع النوبه ...ده مــــــعلّمه اصله نوبى
وحياتى مابلاش النوبه ...تجرح حبيبى ومحبوبى
سكنهم اعلى منسوبه ...واصرفلهم دوغرى ركوبه
مسكاجنا مسكا وجرو...دى بخيته حلوه ولهلوبه

أضف الى عشة فراخك " مكتبتك" هذه البيضه الطازجه
ظهور وثائق بريطانية تقدر ثروة مصر المنهوبة بالمليارات
حرامى فلوسه بالجيجا ..وكنا نقول لّه ياحجيجه
سمعناش حتى بالميجا ..زمن أغبر ودحريجه
دى دحريجه خدت مالنا ..كفت قوتنا مع عيالنا
ده حتى الرز و السمنه ..بقو كالتبر فى زمانا
ولما الشكوى توصل له ..يدلدل شفته السفلى
يقوللك طب واجيب ده منين ..وتحت لتحت دى العَمله
فى كل صباح نلاقى ورق ...يقول خد م الياكوم ومرق
وبتقول ع اللى خد قناطير ..حكاوى كتير عن اللى سرق
وبادى اللعبه من بدرى ...ده كان فى سباق ومين يدرى
وفى ابدانا السموم تهرى ..وهوه يعد بالجيجا
حرامى فلوسه بالجيجا ..وكنا نقول له ياحجيجه
وغنت له الصبايا كتير ..بطل له ضربه جويه
أتارى الضرب ع القفيان ..دا كان له نشان وترقيه
عصابه زعيمها متمكن .. وشله شغلها مدكن
وده يغرف وده يركن .. وده يوزع دى تحويجه
حرامى فلوسه بالجيجا ..وكنا نقول له ياحجيجه
المبادىء الحاكمة بعد 21 تعديل
11:40pm Sep 3
‫مبادىء وحاكمه ...وماتش الملاكمه
مابين دقن بيضا... وعلمــــان كمان
خناقة وتخوٌّف ...وفيه ناس بتعزف
على الخوف بجوقه ..وناى العُـــــبان
ودوكهوم ماصدق ...واملـــــــه بيبٌرٌق
يقول بكره حازرٌق ...واحوز الميدان
وحاعمل طريقه ...بسيطه ورقـــــيقه
تجيب شِــــلّه تبعى ...تصيغ البيان
تظبـــطلى دوله ...تفـــرّخ عتاوله
ماهيـــاش علاوله ...تطُول العنان
تخـــلى الشريعه ..تكـــون الطبيعه
وسنــه وشيعه ...يعيشو ف أمــان
طب ازاى يفوتك ...دا صاحبك شريكك
وجـــارك فى بيتك ...وحقــــــــــه كمان
يـــكون زيــــّه زيك ..وكتفــــــــه بكتفك
مايفــــرقشى عنك ...مواطن مصـــــــان‬

يبدو أن رصيد الوئام بين الحكومة ومجتمع الأعمال قد قارب علي النفاد،

القربه زاد خرمـــــــــــــها فى الاتساع
والنفخ لما يكون فى قربه وبدون البتاع
يبقى كنفخ القش فى الريح من دون انتفاع
والأدهى لما يكون اللى بينفخ فى صراع
ويا جميع اطياف بلدنا......... فى نزاع
يبقى اللى ملسوع وحيبات موجوع الدماغ
هوه المواطن سواء كان مشترى او حتى باع

وكفايه كده منعا للزهق العام معلهشى فيه واحدصغيره منسيه احطها منعا للضياع


بمناسبة سحل احد النشطاء امام محمة المخلوع



عاد لاخضرانى أبو الخوذه الحـــديد
راجع يفك هزيمته يضرب من جديد
بس الشطاره ياحلو لو سهمك يصيب
البلطجى موش ناس ومات ليهم شهيــ
د

Tuesday, August 9, 2011

شيرين الكردى ...وأنا





فى الكليه تقابلنا ...فى السنة الثانيه ...هو فتى اشقر الشعر ابيض البشره حاد الذكاء جاء من مدرسة المتفوقين الثانويه ..لاعب كره سريع ومراوغ ...يعزف الموسيقى ...يرسم رسومات معبره وكاريكاتير غايه فى الرشاقة والتعبير ويركز فى رسمه للشخوص على اهم سمة فيها


.." رشيق القلم جدا.. خطّه منمنم و"شيك
تصادقنا منذ ذلك الحين لشعورنا باتفاق الهوايات والميول وظلت هذه الصداقه قويه الى الآن تخرجنا والتحقنا بنفس السلاح ودخلنا الحرب فى نفس الجيش الميدانى هو فى بورسعيد -بور فؤاد وأنا فى ابوصوير- الإسماعيليه وكنا نتزاور حتى اثناء الحرب بالعربه الجاز 69 الشهيره ...كانت لنا صولات وجولات اثناء الكليه وفى الفصل فلطالما لعبنا تنس طاوله على طاولات الرسم الهندسى بعد فردها افقيا ..وكم لعبنا" استميشن" و"الهارت" ليلا فى الترم الصيفى فى الكليه ...وكم غافلنا المعلمين فى خدع كتب هو عنها فى مدونته الشهيره لست الا بعض الأوراق ...وقبض علينا سويا مع مجموعة من الطلبه حين طب علينا فجأه مدير الكليه من الباب الخلقى للقاعة وكان هو يرسم كارتا ملونا على ورقة كلك وأنا اتفرج على السبوره بتليسكوب صنعته من مخلفات عدسات السينيما وكنت اسميه سندباد المحاضرات ...

Sendebad Of Lectures وأخرجنا من القاعة من قفانا لأن الفريق ضبطنا فى حالة لهو

عن محاضرة مستر هروبش ..كنا على


وشك الرفت والتشرد وكنا فى سنه رابعه وقتها ...ولكن الله سلم لكثرة المضبوطين فى تلك الجولة المفاجئة ..اسميته عابدين كإسم حركى لأن احد الشاويشيه نادى على اسمه خطأ لأنه لم يتصور ان طالبا فى كلية عسكرية ممكن ان يكون اسمه شيرين فقرأها عابدين ..كنا دائمى الضحك والتندر على ماحولنا اسمينا فرقتنا الموسيقيه التى كانت تعزف بالفم والتصفير لعدم وجود هذا النشاط بتاتا للطلبه ...اسميناها الكاكى كوتس لأن هناك فرقة شهيره فى القاهره اسمها البلاك كوتس وكان زعيمها ابن توفيق الحكيم ...كانت مسطرة الرسم هى الجيتار الوهمى وبالطو الخدمه الكاكى الصوف الثقيل جدا هو الرداء الموحد للفرقة ولا تقدم عروضها الوهمية الا خلسة فى فصل المذاكرة ليلا ...كم من مرة حبسنا خميس وجمعه ووافانا زملاؤنا بأرغفة الحواوشى من التوفيقيه لنتخطى مشاعر الأسى للحبس ...مع الكردى كتبنا اول مجلة ورقيه اسميناها عين الحسود كان يرسم ويكتب وأنا أرص ابيات الزجل كانت مجله من صفحة واحدة وش وظهر وتحرر بالقلم الرصاص وفى ركنها الأعلى اربع ابيات لأغنية قديمه لشكوكو تقول


عين الحسود فيها عود وكمنجه :. وانا الترمّاى وانت السنجه

بعدك رنجه وقربك مانجه :. وعين الحسود فيها عود وكمنجه
ولست ادرى سبب اختيارنا لهذه السطور كتيمة للمجله سوى انها ظريفة وتعبر عن المحتوى الفكاهى للورقه التى كان يقرؤها زملاء سيارات 2 وبعض من سيارات 1 ...كان من اندر ماكتبنا قصة مشتركه اسمها الأميره ذات العشق وكانت قصة خياليه اكتب احداثا خرافيه مسجوعه واستمر فى الكتابة الى ان يغلبنى الضحك فأفقد السيطرة على القلم من فرط الضحك فالقى بالكراسة الى الكردى الذى يبدأ فورا من حيث انتهيت ويكمل الأحداث من خياله ويبدع فى اختلاق مواقف ومساخر اكثر مما اوقعنى من الضحك ثم يلقى بها الى ...وطبعا كانت المفارقات توقع من الضحك اذكر انه ناولنى الكشكول وقد انهى عبارته فى القصة بالعبارة التاليه عن الأميره اياها كتب الكردى: ..وجلست على الفراش وطلبت النِّقاش ...واول ماقرأت هذا الكلام جاء فى خاطرى ان النقّاش هذا هو الحاجب الواقف على باب القاعه ومعه الحربه والسيف ...فأكملت بهمّه ...فدخل النقّاش وحمل الفتى - اللى هوه بطل القصة - من على الفراش ووعده بالثبور وعظائم الأمور وكتبت بعض الخناقات والخزعبلات واعدتها اليه ليأخذ دوره فى الكتابه ففوجئت به يقع على الأرض من الضحك ليه ؟ لأنه كان قصده الِنّقاش والتفاهم ولم يكن قصده اسم حاجب لكن الخيال والأكشن صور لى التشكيل على انه الحاجب المدعو النقّاش...حاجه زى السياف كده ولكنه وللصداقه والتفاهم مشاها زى مانا قلت واصبح النقاش شخصية اضافيه جديده اخذت دورها فى الدراما التى انتهت على ما أذكر بوضع البطل فى السيفون الأعظم للدوله واغراقه عمدا فيه ...هكذا كنا فى شبابنا الأول ..وظلت العلاقة مستمره هو فى القاهرة وانا فى اسكندريه ...انا فى السلوم وهو فى ابوصوير لكن سيل الرسائل بالبريد الحربى لم تنقطع بيننا كانت رسائل مسجوعه تحكى عن الحال والمشاكل المعتاده وسخرية متبادله من كل عزول ...حضرت خطوبته وحضر زفافى وسافر بعد التقاعد للسعودية وبقيت انا اعمل فى اسوان وارسل له عبر البحر والنيل رسائل وحكاوى عن العمل فى الفنادق النيليه العائمه فى أسوان والأقصر وهو يحكى لى عن نادى الرياض الرياضى الى ان جاءت مكالمة منه تقول انهم فى حاجة لشخص مثلى يعمل معهم فى صيانة المنشآت الرياضيه وكان ان سافرت وأمضيت فترة التدريب الأولى على منظومة العمل مع الكردى صديقى ...ولا احكى لكم عن الضحك الذى كنا نضحكه يوميا والمفارقات التى حدثت اثناء ذلك ...تفرقنا فى العمل والمكان ولكن ظلت الخطابات الورقيه تأخذ طريقها بيننا - لم يكن الميل بوكس قد ظهر وقتها - ...الكردى هو الذى انشألى هذه المدونه ...قال لى انها لطيفه وفيها تبادل للرؤى بين الناس وجاءنى اسكندريه وعلمنى كيفية التعامل مع البلوج الذى لم اكن اعرفه ....تذكرت كل هذه الذكريات وأنا افر فى ملفات الحاسب ووجدت ابيات ارسلها لى اسمها "شعر هندى" تقول الأبيات

‫إسم أنا كومار عتيق :. أخو أنا والله صديق
بابا أنا شيبه كبير :. ماما أنا مريض كتير
أخو أنا كلّو صغير :. مافي فلوس أنا فقير
عشره سنه شغل هنا :. مافي شوف أهلي أنا
ممكن موت أنا هنا :. فكر مشغول تعبان أنا
أتنين سنه مافي فلوس :. كفيل كلام بعدين يشوف
والله هرام لازم فلوس:. مسلم أنا مافي هندوس
لازم أنا سفر رمضان :. إنسان أنا مافي هيوان
لازم أنا روح بلد :. سوي زواج جيبو ولد
كفيل كلام هدا بلد :. مافي زواج مافي ولد
انت شغل هنا حمار :. مفهوم كلام ياكومار
كفيل أنا كرشو كبير :. ممكن ياكل لهم حمير
أنا كرشو كتير صغير :. لو نفختو والله يطير
جيتو بلد شعر كتير :. شعر أسود سمسم حرير
دهين شعر كلو يطير :. مافي صغير مافي كبير
سكن أنا غرفه صغير:. مافي مكيف مافي سرير

كما وجدت فى ملفاتى ابياتا كتبتها له فى مدونته لما أعلن أنه سوف يعتزل الكتابة فى المدونه فقلت له
لست إلاّ...لست إلاّ


ورده بيضه جنب فٌله

ترتوى من نبع صافى

تخــــتفى زى الأهله

جتى لونشفت عيدانها

ترمى بذره او تقاوى

بس لما الشمس تطلع

تلقى ورده تانى طــلّه

هذا هو صديقى العزيز شيرين الكردى وصداقة تمتد الى اكثر من 43 عاما





Saturday, July 23, 2011

نريد بعض اليابانى فى دمنا وطبعنا وخلقنا











وصلنى هذالمقال فى الميل فأدهشنى فنقلته ببعض صوره المصاحبة ...كتبته الكاتبه منى درويش فى عالم الإبداع


ذهول من كارثة اليابان الأخيرة .. يعقبه ذهول أكبر من أخلاقيات شعب اليابان العظيم:

ربما لا نبالغ إذا أطلقنا على هذا الشعب لقب ” الشعب العظيم ” بما تعنيه هذه الكلمة عند التأمل في أخلاقياته!!
يقال أن الصديق وقت الضيق، ويقال صاحِب المرء في السفر تعرفه، والكثير من الأمثال والحكم التي تدعو إلى معرفة الناس في الشدائد، لأن الشدائد هي الإختبار الحقيقي لأخلاقيات الناس ومعادنها، ففيها يظهر الطبع ويخفى التطبع في غياهب تغليب المصالح الشخصية، وأخلاق الشعب الياباني عُرِفَت للناس منذ زمن بأنها أخلاق تعلو على القمة، وربما اطلع الشعب العربي عليها بشكل أكثر توسعاً من خلال برنامج الإعلامي ” أحمد الشقيري ” الذي قدمه في رمضان إحدى السنوات باسم ” خواطر ” وكان يسلط الضوء على أخلاقيات وتصرفات الشعب الياباني، وأن لم يشاهده أحدنا، فقد سمع عنه أو قرأ عنه هنا أو هناك على الأقل.
لكن أن تتصدر هذه الأخلاق القمة في الكوارث الكبرى، وأن نتحدث عن شعب لا عن فرد أو أسرة أو جماعة، هذا هو الموقف الذي أذهل الكثيرين من المهتمين بدراسة سلوك الجماهير في علم الإجتماع، والذين صدّروا نظرتهم وآرائهم التي تتوافق مع الكثير من الشهادات الحية في اليابان، عن تصرف الشعب الياباني حيال الكارثة الأخيرة، التي تمثلت في زلزال هائل ضرب شمال شرق اليابان، بتاريخ 11 آذار / مارس 2011، بدرجة 8.9 بمقياس ريختر، أعقبه موجات تسونامي هائلة، جرفت العباد والبلاد، وأدت إلى المزيد من الكوارث النووية المرعبة، هذه الكارثة التي قُدِرَ ضحاياها بعشرات الآلاف، والأكيد أن ما شاهدناه من صور وفيديوهات وتقارير أبلغ بآلاف المرات من الوصف مهما كان دقيقاً.

ففي قناتي بي بي سي البريطانية، وسي ان ان الأميركية ، استضافوا أكادميين مختصين بدراسة سلوك الجماهير في الكوارث في علم الإجتماع، واستضافوا بعض البريطانيين والأميركيين المقيمين في اليابان، ليتحدثوا جميعاً عن سلوكيات الشعب الياباني وروح الجماعة التي غلبت في هذه الكارثة على الروح الفردية والمصالح الشخصية، وربما أننا كشعوب منطقة معينة، ننظر إلى الشعوب الغربية على أنها مثال للنظام والتخطيط والتقدم، فنجد أنهم وقفوا مذهولين أمام نظام وحسن تصرف الشعب الياباني في هذه الكارثة، وقد يكون أحد هذه المشاهد التي رأيناها جميعاً هو المجمع التجاري الذي التقطت الكاميرات مقطع للعاملين فيه وهم يحاولون تثبيت الأشياء والرفوف في مكانها، عوضاً عن هروبهم من المحل أثناء حدوث الزلزال لينجوا بأرواحهم، كذلك موظفي غرفة الأخبار الذين حاولوا تثبيت المكتبات وشاشات الكمبيوتر، وربما إذا تخيل كل واحد منا أنه وضع في هذا الموقف، نجد أن أول ما يفكر فيه هو الخروج والهروب والنجاة بروحه، ونقارن هذا مع تصرفاتهم، عندها فقط سنشعر كم هذا الشعب رائع.

ما جعلني أفكر في كتابة هذا المقال هو بريد الكتروني وصلني بعنوان ” لماذا أحب اليابان ؟ ” .. كان يتضمن عشر نقاط يقال أنها لوحظت في تصرف الشعب الياباني حيال الكارثة الأخيرة، قد يراها البعض أمر مبالغ فيه، لكن ربما لا نستغرب وجودها فعلاً إذا توافقت مع بعض شهادات حية لشهود عيان، وبعض ما ذكرته بعض الصحف العالمية، وبعض ما رأيناه بأم أعيننا أثناء مشاهدة بعض المشاهد على التلفاز أو في التقارير.

يقال أن هذه النقاط سردها سفير دولة ما في إحدى رسائله التي يتحدث بها عن كارثة اليابان، ولا أعرف مدى دقة هذه المقولة، ولكن بكل الأحوال أسردها لكم ..
1- الهدوء:
لا منظر للنواح أو الصراخ أو ضرب الصدر، الحزن بحد ذاته يسمو.
2- الاحترام:
طوابير محترمة للماء و المشتريات، لا كلمة جافة، ولا تصرف جارح، ولا زحام.
3- القدرة:
المعمار الفائق الروعة.. المباني تأرجحت و لم تسقط.
4- الرحمة:
الناس اشتروا فقط ما يحتاجونه للحاضر، حتى يستطيع الجميع الحصول على ما يحتاجونه.
5- النظام:

لا فوضى في المحال .. و لا استيلاء على الطرق .. ولا تجمهر، فقط التفهم.
6- التضحية:
خمسون عاملاً ظلوا في المفاعل النووي يضخون ماء البحر فيه، كيف يمكن مكافأتهم.
7- الرفق:
المطاعم خفضت أسعارها .. الفنادق والشقق .. كل شيء وكل مكان أصبح أرخص مما هو عليه قبل الزلزال، أجهزة الصرف الآلي تُرِكَت على حالها.. القوي اهتم بالضعيف.
8- التدريب:
الكبار والصغار .. الكل عرف ماذا يفعل بالضبط. وهذا ما فعلوه !!
9- الإعلام:
أظهروا تحكماً رائعاً .. لا مذيعين تافهين .. ولا إثارة، فقط تقارير هادئة.
10- الضمير:
عندما انقطعت الكهرباء في المحال أعاد الناس ما بأيديهم إلى الرفوف و مشوا بهدوء!!
هذه النقاط التي وردت في الدرس الذي يتعلمه العالم من كارثة اليابان، والتي لو أردنا أن نعلق على كل واحدة منها ونقارنها مع بعض ما نشاهده في العالم العربي خاصة، يطول بنا الحديث كثيراً، ونصاب في نهاية المقارنة بصداع نصفي
في حين أن المذهل الذي ذكرته صحيفة ” الديلي تلغراف ” اللندنية أن أعمال السرقة والنهب لم يكن لها وجود في اليابان على الرغم من حالة الارتباك العارمة وغياب القانون وإنشغال الشرطة في عمليات الإنقاذ، في حين أن البعض قال أنه لم يتم تسجيل حالة سرقة واحدة في هذه الكارثة!!
وتعليقاً على هذه النقطة تحديداً، وربما أن ما نشاهده في بلادنا العربية والإسلامية يتحدث عن نفسه، في مواقف مذكورة ومعروفة للجميع على مدار سنوات طويلة بعضها شهدناه، وبعضها سمعناه من آبائنا، وبعضها قرأنا عنه، أن أي كارثة عربية – بعيداً عن التعميم أو التخصيص – سواء كانت حرب، زلزال … إلخ، يغيب فيها القانون، وينعدم الأمن، نجد أن أول ما ينتشر في البلاد هو عمليات السرقة والنهب التي تطال البيوت والمحال والبنوك والجامعات والمتاحف وكل شيء في منظر يدعو إلى البكاء.
ومن بعض ما قرأته من نقاشات عربية على المنتديات وصفحات الانترنت عن هذه الظاهرة، قال البعض أن هذا مرده إلى التجويع الذي تعيشه الشعوب العربية، والذي لا يعيشه اليابانيون، ولكن أعجب من هذا القول، منذ متى كان الجوع مدعاة للسرقة، أو مبرراً لها، ولا أرى هذا الرأي إلا ” عذر أقبح من ذنب “.
وأخيراً كي لا أطيل الحديث، أنقل لكم بعض المواقف التي تحدث عنها شهود عيان من اليابانيين، دونت وذكرت في مقالات يابانية، تم ترجمتها ونشرها على الإنترنت .. منها:
- عندما كنت أسير عائدًا إلى المنزل، رأيت سيدة مسنة تقف أمام أحد المخابز، كان المخبز مغلقا ًولذلك وقفت المرأة توزع الخبز مجانا ً على المارة، حتى في مثل هذه الأوقات العصيبة، كان الناس يحاولون البحث عما يمكنهم القيام به لمساعدة الآخرين، لقد ملأ المشهد قلبي بالدفء.
- في السوبر ماركت، حيث سقطت جميع السلع من الرفوف، كان الناس يلتقطون الأشياء التي يودون شراءها بدقة،ومن ثم الوقوف بهدوء في الطابور لشراء الطعام، بدلا من خلق حالة من الذعر وشراء ما هب ودب، كانوا يشترون بقدر الحاجة، بل اشتروا أقل ما يحتاجونه، لقد شعرت بالفخر لكوني يابانيا.
- في مكان آخر في الطريق، كانت هناك سيدة تحمل لافتة كتب عليها “الرجاء استخدام المرحاض لدينا”، وكانت قد فتحت منزلها للناس الذين شردهم الفيضان والزلزال لاستخدام حمامهم!! من الصعب أن تكتم الدموع في عينيك عندما ترى هذا التكاتف والتعاطف من الناس.
- في ديزني لاند، كانوا يوزعون الحلوى مجاناً، وقد شاهدت العديد من فتيات المدارس الثانوية يتهافتن عليها، قلت في نفسي “ماذا؟؟” ولكن بعد دقائق، ركضت هذه الفتيات للأطفال في مركز الإجلاء، ووزعنها عليهم، لقد كانت تلك لفتة جميلة.
- أراد زميلي في العمل تقديم المساعدة بطريقة ما، حتى لو كانت فقط لشخص واحد، فكتب لافتة : “إذا لم تكن تمانع في ركوب دراجة نارية، فبإمكاني إيصالك إلى منزلك”، وقد وقف في البرد حاملا ً هذه اللافتة، ثم رأيته لاحقاً يوصل أحد المارة إلى بيته في منطقة توكوروزاوا وهي بعيدة جداً، تأثرت كثيرا ًوشعرت كذلك بالرغبة داخلي في مساعدة الآخرين.
- بسبب نقص البنزين فإن محطات البترول معظمها مغلقة أو عليها طوابير طويلة جداً، قلقت كثيرا ً حيث كان أمامي 15 سيارة، وعندما جاء دوري ابتسم العامل وقال : “بسبب الوضع الراهن، فنحن فقط نعطي وقود / بنزين بقيمة 30 دولار لكل شخص، فهل توافق؟” أجبت: بالطبع أوافق وأنا سعيد لأننا جميعا نتشارك في تحمل هذا العبء”. تبسم لي العامل ابتسامة أشعرتني بالراحة والطمأنينة وأزالت قلقي.
- رأيت طفلاً صغيراً قدم الشكر لسائق أحد باصات / حافلات مؤسسة النقل العام قائلا: “ شكراً جزيلاً لمحاولتكم الجاهدة لتشغيل القطار الليلة الماضية”. لقد جلبت كلماته دموع الفرح لعيون السائق.
- قالت صديقة أجنبية لي أنها صدمت لرؤية الطابور الطويل والمنظم وراء أحد الهواتف العمومية، حيث انتظر الجميع بصبر لاستخدام الهاتف، على الرغم من أن الجميع كان تواقا ً لمهاتفة عائلاتهم وأقاربهم والاطمئنان عليهم.
- حركة المرور كانت رهيبة جداً، سيارة واحدة فقط كان يمكنها المرور، عند كل إشارة خضراء، لكن الجميع كان يقود بهدوء وخلال الساعات العشرة التي أخذها الطريق بالسيارة (والذي يستغرق عادةً 30 دقيقة فقط) كان الزمور الوحيد الذي سمعته هو زمور شكر، أحسست بمدى تكاتف الناس وتعاونها، وجعلني ذلك أحب اليابان أكثر.
- سنتوري (شركة عصير) قامت بتوزيع العصير مجانا ً على الناس، وشركات الهاتف قامت بزيادة عدد نقاط توصيل الانترنت والانترنت اللاسلكي واي فاي لتسهيل التواصل، كما قامت شركة مواد غذائية بتوزيع مليون علبة من الشعرية والشوربة المعلبة مجانا ً، والجميع يحاول تقديم المساعدة بأفضل طريقة ممكنة.
- في الملجأ، قال رجل عجوز: “ماذا سيحدث لنا الآن؟” فرد عليه صبي في المدرسة الثانوية كان يجلس بجانبه: ”لا تقلق! عندما نكبر أعدك بأن نصلحها مرة أخرى “، قال ذلك بينما كانت يده تربت على ظهر الرجل العجوز، شعرت حينها وأنا أستمع إلى هذه المحادثة بأن هناك أملا وأن هناك مستقبلاً مشرقاً على الجانب الآخر من هذه الأزمة.
في النهاية ربما يراودنا سؤال برئ عفوي، كالذي يسأله الأطفال عندما يشاهدون فيلماً خيالياً لسوبرمان الطائر، فيقول أحدهم لوالدته، متى سأطير مثله ! .. فتنظر إليه والدته التي لا تريد أن تكسر أملاً جميلاً في قلب طفلها الذي يرى أن سوبرمان مثال للخير ومساعدة الآخرين، ثم تقول له ” عندما تكبر ! ”
فمتى سيكبر طفلنا العربي؟ ومتى سنجد أن حبنا للآخرين يغلب على حبنا لأنفسنا في السراء والضراء؟

هل الأخلاق والقيم معدية ؟ او هل يمكن نقلها كالوباء من شعب لشعب ؟ أتمنى ان تصيبنا عدوى الأخلاق والقيم اليابانية لولم اكن مصريا لوددت ان اكون مصريا مطعما بخلق يابانى وكروموزومات يابانيه تحمل مثل هذه الصفات التى وردت هنا

Thursday, June 23, 2011

شمشون خد برااااااءه ...شمشون خد برااااااءه













حــــــــادى بادى سيدى محمد البغدادى
شالوقاضى جابو التانى قال موش فاضى
جانا التالت واثق ثابت شمر كمه وفال انا فاضى
جابو أدله مسدس فله نادو عليه قال مين بينادى
انت ضــــــربت الفــــــله دى والا مين البادى
ازاى حاضرب شعبى بفله هوانا قُله شىء موش عادى
انا لو اضرب أضرب مدفع شىء كده يوجع دول أولادى
فيه قناصه جابو رصاصه ف راس متظاهر كان بينادى
طب وانا مالى أنا وعيالى هوه انا ساكن فى الناحيادى
دول كانو بيصطادو حمامه كات حوامه وسطر دنادى
موش نادى الصيد له فرعين فى الدقى ودكهه قصادى
والطير طار كده فى الواطى نخ يطاطى جت فى ولادى
ايه رأيك يارئيس القاعه ..عندى قناعه ان الراجل ده موش سادى
يعنى براءه ..افتح له الطاقه ..سيبه يروح م السكادى






قاللك حكومه ملومه ...قاللو وانا مالى

طب هما يعنى......... اهلى وعيالى

انتو اللى جبتو الشاسيه ...والصدا ماليه ولازق فيه

ان قلت ده شيوعى ...قلتو دا...راسمالى

وان قلت موش نافع ...رد الصدا عالى

سيب السيادى ده ....فى سكته الخضرا

انتم ديكور كُلّكُو ...قاعدين هنا غُفرا

سيّـــــــر وسير ع الرصيف ...بكره يجيب بكره

ويعدى قول كام سنه ...من غير ولا فكره

وتنام عقول وعيون ...ماعندهاش فكره

ان اللى صار واللى صاير حيكون بدون ذكرى

حُكم المؤقّت بَلاَدَه ...وان صحى من نوم

حايقول بصوت متاوب ويتّاوب بقول انافين

يقولله شماشيرجى محضر له بيجامه حرير

انت ف نعيم.... ومتهنى ..وشكلك زين
والشعب واقف على بابك كمان زنهار

ماسكين يفط بالهبل ومليانه مديح وحنين

فيه أمّهات زغاريطهم ...نواح وأنين

بيقولو فين ابننا ...لنخلى يومكم طين

بس احنا حانهشّهُم ..لبعيد بدون دوشه

ايش جاب رعاع العشيره ...لزينة السلاطين

Tuesday, May 17, 2011

خطابك وصل وشكرا


نشرت الصحف نية شبه مؤكده فى ان يتقدم طريح الفراش فى شرم الشيخ بخطاب اعتذار عن التهليب والفلوس والممتلكات التى كان يدخرها للشعب بدل ما يتلطشوا على حد ما قال وكذلك ستفعل كل الأسره فما الذى سيقوله فى الخطاب المسجل بعلم الوصول المرسل للشعب وعنوانه ومحله المختار ميدان التحرير

إكتب وقول فى السطور انك حرامى اهبل
وقول كمان فى الكلام ...كنا بنستهبل
لما لقينا الفلوس بالهبل زى الشتا بتنزل
فردنا حجر القميص.... لا البدله تتبهدل
تقلت حمولة الولاد ..قلت الحقوا بجردل
لأ هاتو حاويه وكبيره.. طياره ع المـنزل
حمل وطير ياولا.. وزع على الخــــزنات
واوعى العيون ترصدك.. أو حد م البشوات
ولو فى يوم عين رأت.. واتوجهت سؤالات
رد ببرود وبثقه ...دى فلوس جدود أموات
نزلت علينا بسلام ..من سابع السموات
وكمان هدايا الحبيب.. ألوفات ومليارات
أما الدهب والكنوز.... دى بتاعة الستات
شايلينها من يوم قارون.. موش هوه برضه مات
كان عنده مفاتيح كتير... من تقلها وقعت
والأرض غارت بدول ...لكن الخزن فضلت
لما بحثنا ف أصول العيله والشجره
لقيت مرات عم ابويا من نسله آم ورثت
مليون خزينه دهب آم ...م الفرح وقعت
ولقينا تحت البلاط مرسوم طويل بيقول
لولادى كل الفلوس والخزنه بس افحت
فى مكان مايعرفوش الا فولان.. وفلان
موش عاوز اقوللك جمال خلينى اقول مدحت
آدى ياشعب الحكايه... أرجو تكون وصلت

Tuesday, May 3, 2011

الطهقانـــــــــــوميتر


نزل المذيع فى الشارع يسأل الناس عن سبب قيام الثورة وكان مواليا للنظام السابق قابل رجلا فى منتصف العمر ..فسأله عن سبب خروجه للثورة ...رد الرجل عليه بكلمة واحده ...طهقت ....طهقانين يا أخى ورفع قميصه لأعلى صدره ومشى مسرعا ...استغرب المذيع وسأل نفسه يعنى إيه " طهقانين" ورجع ودخل على النت وكتب الفعل ط هـ ق ....فلم يجد لها معنى ...فتح كتاب مختار الصحاح فلم يجد لها أثرا ...ذهب الى صديق له يهوى التاريخ وسوسة قراءة وسأله قال له: شوف ياسيدى الكلمه دى تجمع بين معنيين وتم ضمهما فى قالب واحد للتعبير عن معنى مضاعف هو الزهق مع الطققان بيقوللك الواحد لما يكون محقون من حاجه ومتغاظ قوى يقوللك انا حاطق من جنابى صح ...أومأ السائل برأسه موافقا ...طيب ولما تكون الدنيا حر وهدومه موش طايقها بيقوللك انا زهقان صح ...صح جدا .طب لما تكون الدنيا بقى مضلمه فى وشه والفلوس موش مقضيه المعيشه والفساد حوله للركب وما يقدرشى حتى يقول بم.. تبقى حالته اييييييه؟؟ ....صاح الاثنان معا ....طهقان طهقان ....برافو عليك انت حليت لى لغز كان محيرنى أنا لازم اعرضه على المسئولين على شان يبتدوا يعملوا حسابهم ان مافيش ثوره تحصل تانى ....عرض الموضوع على رئيسه الذى جرى به على اكبر مسئول يعرفه ....المهم وصل فى النهاية الى اجتماع حزبى عالى المستوى ...راحو موقفين الجلسه وقالو مين عنده حل لمنع وصول الناس الى حالة الثورة والغليان اللى حصلت فى يناير اللى فات ؟ ...تقدم رئيس شركة اتصالات ومعلومات وقال انا عندى شباب يعملوا حل للمشكلة دى ....المشكله هى اننا لازم نعرف مقدار الطهقان اللى وصل له الشعب ...فلازم نقيس الطهقان عند الشعب ولما يوصل درجة الطهقان الى النسبة التى تهدد بالثوره نهدّى احنا اللعب مع الشعب زى ماالست بتوطى نار البوتاجاز لما الحله تغلى ...كمل كمل ده حل جميل جدا ...وازاى حانقيس الطهقان ؟؟ الشباب عندى طوروا" سينسور"...حساس يعنى... عنده القدره على قياس اى تغير فى طهقان الناس ولو بمقدار مايكرو طهق "والطهق "دى هى وحدة قياس الطهقان الشعبى... وسمّو المنتج ده" الطهقانو ميتر" ....الحساس ده بيركب على الهوائى الخاص بالمحمول وعلى نفس الشبكة وحجمه قد صباع الكوفته بالضبط والغرض منه انه بتتبع حالة الطهقان عند الناس وهى بتتكلم بالمحمول وبجرد مالواحد يقول فى المحمول اى عباره تدل على الطهقان أو الزهقان أو الإرهاق أو الزعل يروح الحساس مسجل ...موش بس يسجل انما كمان بيقيس شدة الطهقان عند كل مواطن وبعدين فيه بروسيسور بيجمع الطهقان بالمنطقه ويقدر يطلع لك على المونيتور الطهقان الكلى لحى زى الدقى أو المهندسين أو مصر الجديده ويقوللك طهقان مصر الجديده مثلا وصل لغاية 887 طهق .وزاد بمقدار 545 مايكرو طهق عن الأسبوع الماضى ...وزى ماحضراتكم شايفين من الرسوم والجرافيكس انه حل علمى وقائى 100% وماحدش يقول فيه عيب ....ولم يمر أسبوع الا وبدأت اجهزة الطهقانوميتر فى ارسال اشاراتها عن مقدار الطهقان فى قرى ونجوع مصر واحيائها أولا بأول الى مكتب رئيس الجمهورية .......انتهت

Friday, April 29, 2011

أنا لما اتغاظ اقول على طول




بت محقونا من السباعى الطبيب المدلس ..الذى اشترى دنياه بآخرته وزور وكذب فى معظم القضايا التى تمس السلطة واهلها ...استفزنى صلفه وكذبه الواضح وحلفانه بانه على حق ...بانت ملامحه الكاذبة جدا وتعثره فى الرد ورفضه المداخلات لذا فقد كلت له هذه السطور الهجائية آملا ان تؤدى مع جهود المخلصين الى خلعه كما خلع الذين هم أجعص منه




قالوا سباعى والسباع منه براء
سموه ضباعى أو كلب عاوى فى الخلاء
باين عليه الكدب من راسه الى كعب الحذاء
موش ده طبيب الأمن ..والأمن جازل ليه العطاء ؟
موش ده طبيب السُلطه والسَلَطه وترزى رفّا للقضاء ؟
موش ده اللى تقاريره بترمى اللوم على المقتول ...وحالف ع الولاء ؟
يكشف على المقتول يقوللك حى وحياة ربنا
خرم الرصاصه ف مخه ويقوللك ده فاق
أما النزيف الداخلى ده اصله شربات الرقاق
الواد اكل له أكله دسمه وبعدها قام نام ما فاق
والقسم ماجاش ناحيته ...كمان ده ميت فى الزقاق
وكمان زراق الوش م الزهره ومن نضح الوعاء
أما علامة الظهر م الشازلونج ...أصله خوص وضاق
لما القتيل ريح عليه فى الشمس جوه سجنه فى القشلاق
وعلامة الجزمه على وشه ده ايه ؟ ..طبطبه بالإتفاق؟
طب ليه سنانه مكسره ؟ م النقل والبندق وجوز الهند ؟
والا م الملاكمه ؟ ....ماتعرفوش انه بطل شبرا وبولاق
والبنت دى الى بيقولوا ابوها بيغتصب فيها بغباء
البت طلعت صاغ سليم وما فيش آثار للإعتداء
احنا بدقه بنشتغل والقطنه مابتكدبشى واحلف بالطلاق
ان كلامنا فى السليم والتحقيقات آخر تمام مافيش نفاق
بعتولو يكشف ع الشليح قاللو يافرج الله ...معلول مافيش له دواء
النقل حارج شارم يفرمه فرم وادعوله بدعاء
انه يطول بيه المطال من غير سؤال أو حتى داء
فيه سبع يهبر يد من كان الولى لنعمته ...فين الوفاء
ياشعب ناكر للجميل ...دانا الوفى لجيمى وعلاء

Thursday, April 28, 2011

استغاثة للعدل





عندما قامت الثورة بدا واضحا ان المحاكمات تجرى على استحياء وعلى جرائم واهية غسيل أموال -تربح -غسيل مواعين - بينما دماء الشهداء التى أراقها القتلة لم تدخل ضمن التهم - والهابرين هبرات ثقال طلقاء يمرحون فى المكاتب فى حبور ويهربون ما استطاعوا من أموال سائلة ويبيعون ما تحت أيديهم من عقارات لذويهم وأقاربهم وخدمهم فى حرية تامه ورئيس بنك التهر يب الذى هو بياع مصر سابقا ينعم بحرية الحركة ويساعد عصابة على بابا فى تهريب ماتيسر من نقد الى بلاد المقر المعروفة والتى لا تسلم مجرمين ابدا ...شلة الأنس ترتب أمورها والمجلس فى صمت والنيابة لم تتحرك ولم يتقدم أحد ببلاغات والشعب يغلى لذا كتبت هذه السطور ليتحرك القضاة ورجال القانون.. بلادنا سرقت وأبناؤنا قتلوا ولم تتحرك الجهات المعنية

يامحــاكم يا محاكــــم
ياللى بالعدل انت قايم
لمـــا تلقى لــص قاتل
خش ع الشخص اللى نايم
قام جايب داغه وسارق
...تلتميت لحلوح وخاتم
قوم تيجى انت تحــاكمه
ع اللحاليـــــح والخواتم
والقتــيل دمه مطرطش
والسلاح فى الدم عايم
يطلع القانونــجى يكتب
العريـــــــظه ..والقوايم
سارق الرزمـــه ام ميه
والـــغوايش والخواتــــم
هدد الأمــــــلاك ولاطش
فوقها مكوه بسلك لازم
لم صُـــــّره فى الملايه
شافه كام بواب وخادم
بصمته ع الأكره تثبت
انه م الهجامه... هاجم
والقتــــيل لم يأتى ذكره
فى الحـــكايه والجرايم
بس سرقه ..بس نصبه
واد لئيم قــــارح وعاطل
يعمل ايه موش لاقى ياكل
ماتسيبوه ياخواننا يمكن
ان عفيــــــتو راح يتوب
اغفـــــروا ده الرب يغفر
الخطــــــــــــــايا والذنوب
رجع اللــــــحاليح ياشلضم
وامشى دوغرى السرقه عيب
الحـــــــــــــــرامى بعينو برق
قال خلاص حـــــامشى معاكم
وشوش الأفوكـــــــــاتو كلمه
ضحكوا ضحكـــــــه كالعوالم
قاللوا فلتحيــــــــــــا النيابه
رد روخــــــــــــر قال كمان
قول ياواد تحيـــــا المحاكم
ولما تلكأ الوريث فى المثول أمام قاضى التحقيق متشبسا بالقصر ممتنعا عن الحضور طواعية وأمهلوه فلم يحضر وأرسلوا له المحضر فلم يستلم الإعلان ...أعلنوا أنه سيحضر الأحد فلم يحضر حتى الثلاثاء أرسلت لصديق متفائل أقول



سلم لى ع الباميــــه
بتقول عداله عاميه
أمـــــّال ده يطلع إيه
ترماى وفيه ابونيه
والا دول ناميـــــــه
ماتعيبشى ف كبيرها
لو حتى جاب بيرها
وبهدل مصـــــايرها
برضو دا ابن البيه
مكتوب له فى الكرنيه
انـــــــــــه معافى وإيه
مايبنشى على قاضى
لو هوه موش فاضى
يبعت عفاف راضى
تدّينـــــــا كام كوبليه
وهو يتــــــــــــــأنتخ
ليه رجلــــــه تتوسخ
ياناس مافيش ابوخ
من كلمـــــــــه همازه
من أيــــــــــن لك هذا
ده كلام ماهوش طازه
والريـــــــحة باينه فيه

Tuesday, April 26, 2011

من تفاعلات الثورة



















جاءت أحداث الثورة مفاجئة لى لم أكن اتوقع زخمها وانضمام الشارع لها بهذه القوة ...كنت أظنهم سيضربون وتفرقهم خراطيم المياه والعصى والبلطجية كما حدث فى كل الوقفات الاحتجاجية السابقة ...بل اننى كنت اشفق على صدق نيتهم من غدر قوات البطش المستعدة لهم تماما والتى كانت على علم ببدء الشرارة وموعدها ومكانها واسماء من دعى اليها على الفيس بووك ...كنت قد غيرت فكرتى عن شباب هذا الجيل جيل أولادى من كثرة ما رأيت وسمعت وقرأت فى المدونات قلت لهم فى احد ردودى اننى كنت اظنهم غير ذلك فيما يخص الجدية والاهتمام بالقضايا العامة الهامة واستعدادهم للتضحية رأيت غضبا فى كتاباتهم ورفضا لاتحدار مصر الى هذا المستوى المتدنى دوليا وعربيا ....لذلك فوجئت بحجم المتظاهرين وعزمهم وانتابنى شعور مماثل ليوم العبور المجيد فى 73 حيث كنا فى مثل عمرهم حينئذ وشاركنا مع جيلنا فى محو هذا العار الذى لحق بمصر عام 67 ...وهاهم أولاد جيل الستينات ينتفضوا ويزيحوا الغبار عن وجه مصر الفتى الذى ماكان له ان يمرغ فى الوحل هكذا طوال عقود ثلاتة كتبت مع اول تباشير الثورة واشتعال نارها هذه الأبيات فى الفيس بوك

Adel Mahdy
5:16am Feb 18

نكتب على الحيطه بدون زيطه وبالطباشير

كلام ثوره.. هتاف جامــــد ...نريد تغيير

نغير كل شىء فاسد... وبيعاند ..وعاكس سير

ديول لساها تتدحلب ..وبتقلب فى دى الأضابير

بتمسح فى الظلام آثار ..وبتموه... شوفو التقارير

وبكره نقوم نلاقى الجرم متبخر ..ومتفتفت...وواكله الطير

وكله براءه بالقانون ولا أدله ولا بصمات ...ده كان تعمير

ماشوفتوش الصحارى ازاى بقت خضره ملانه جرجير

مشفتوش الرعاع بالسيف وبالمطوه... غزو كارفور

مين اللى كان حامى الأمه... كده بهمه كبير وصغير

سيبونا نكمل الخطه ..وآدى الثوره... كانت تزمير

بلفناكم.. وكلناكم ..وطاطينا.. عملنا نفسنا أموات

ووقت ماكنتو بتغنو ...وبتصلو..وتتخانقو نفخنا الكير

عملنا ثوره ع الثوره ....وشيلناكم....دا شغل خبير

فيا ثوار... ياشعب ...نام صاحى.. ماتغفلش الا تلقاهم

فوق الاكتاف بيتشالو.... وثورتكم....... فالقها خابور


وكتبت هذه السطور مع ظهور البلطجية ومهاجمتهم للناس للترويع
Adel Mahdy 10:50pm Feb 16

‫البلطجيه اشتكو ...من كتر سكاكينه
والعادلى لما انزوى ...كترت سكاكينه
روح ياجدع للميدان ...واهتف بعلو الصوت
احنــــــــا الشباب البطل اللى طلـــــع عينو
مقدرش يكتم نواحــــــــه وصبره نفد ...فينو
... الواد بتاع الورث ويا البرص لمو ديلهم المتعاص
والطبخه حمضت وماكملش اللى عاوزينه
باظ السياريو ده اللى كان مرسوم
ده جيل مفتح رقم ايده على المفاتيح
مايخدعوش لعبكم ...والمكر عارفينو
وانا اللى كنت فاكركم شباب هايف
طلع عرابى وسعد والكامل وبعديهم
شباب يناير ..يواصلو ويعدلو اللى مال
دوس ياجدع ع الدليت وامسح نظام الغش
وان كا ن معصلج وبيهنج وموش راضى
فرمط وعيد الكود لأن الكل حافظينه

حزب قديم وثورة مضاده

















انتبهنا على ثورة تحركت فحركت مصر كلها وأسقطت النظام من قمته ...ولأنها ثورة من غير المحترفين فقد تركت ذيول وأذناب النظام دون معالجة ظنا انها تسقط وحدها مع سقوط الرأس لكن سرعان ما اتضح ان البقايا وذوى المصالح قد عقدوا العزم على القيام بثورة مضاده تفرم الثوار عديمى الخبرة ومفتقدى الدهاء ....كتبت أحذر




الحزب الواطى الوطواطى


فاكرنا هبل وحانطاطى


قاعد بيخطـــــــط ويدبر


زى الصرصار النطاطى


***


قاعد بيسن فى سكاكينه


ويجمــــــــــع كل محبينه


والمنتفعين من دواووينه


وحايهجم بكره على اخواتى


***


بيقوللك فيه ثوره مضاده


بقيادة المأمور والعمـــده


والخطه كمان خطه جامده


مضمونه وسبحان العاطى


***


راح تبدأ بالعفو الكامــل


ع الفاجر وزميله القاتل


والمال المنــــهوب يتاكل


والشرطه مافيش منها مشاكل


مشروعنا جميل واستعباطى


***


والراجل عيان ع الآخر


موش قادر حتى يتاخر


صبيانه دايــره بتتفاخر


والأمه عامت فى عياطى


***


وعيال الفيس طلعو عينهم


دول كفره طلعوا من دينهم


شايفين الأسد اللى ف صدره


وماسونى جايبه وجايبينهم


كنتاكى كان هوه العاطى


***


صبيانهم قاعدين فى حكومه


عاكمه وعاكه فى المظلومه


راح تخفى ادلــــــه معلومه؟


دا الفـــــــيل باين م الزلومه


وانا حاطط ايدى فى باطاطى


***


والاعتصامات دايره وفايره


مزقوقه بدقه وبمـــــــعايره


وقف مراكبـــــــــهم السايره


دخلـــــــــــــــهم دوامه دايره


والســـعهم نـــبله مطــــــاطى


***


ونقب بقى احــــــنا فجأه


والأمـــــــه ماتقولشى لأه


والصيع يقــــفوا بسيوفهم


والشعب راكــــع ومطاطى


وانا السوع ظهره بسياطى ‬

Monday, April 18, 2011

منقول من مدونة اعجبتنى ...خاصة هذه




عندما يكون الشعر طريفا وظريفا


حــــوراءُ.. يــا حبل الغسيل.. و عودها
كالحــبلِ لكــــنْ .. مـا علـــــيه غســيلُ
و تمـــيلُ -مثلك- يا غســيل إذا اهـتدى
لك مـن "مســاحيقِ الغســيلٍ" رســولُ
تـأتى قلــــــــــوبُ العــاشقـــين تعلقــــًا
بغسيلـــها , و تميـــل حيـث يميـــــــلُ
عَلِقَــت قلــوب العــاشقين بحبلــــــها
فـفؤادُهـم وســـخٌ..و ذاك غسيـــلُ
و يجنِّـن العشـــاقَ عطـرُ غـــسيلِها
إن مسَّ ذيــلَ غسيلِــــها "البرســيلُ"
إن أعطـت الأثــوابَ فُمَّــاً عاديـــاً
غبـطَ الفـــراتُ غــسيـلــَها والنيــل ُ
و كلامُـها يُرضِـى المسامـعَ كلَّـــها
عنــد الغســيل فَفَمُّـــها "تسجيــلُ"ِ

. . *
إن قــالَ قبلــى المُنشـدون بشعـرنا
ما ذاك تدليـــــــسٌ ولا تمثــــــــيل ُ
لكنَّـــه نظـمُ القــرونِ بأهلـِـــــــها
مـن جــاءَ بالأولــى تــراه يقــولُ
وأتيـتُ آخـرَ أهــلِها.. ما لــى يـدٌ
فيــما أقــولُ و ماعــلىَّ سَـــبـيلُ


منقول من مدونة مررت عليها فأعجبتنى هذه السطور فيها ...ظلت هذه الأبيات فى ملف عندى وفى يوم كنت انسق ذاكرة الحاسوب عثرت عليها مركونة فنشرتها تهدئة لحوادث الأخبار المنهكة ...الفضل لصاحبها الأصلى

Monday, April 11, 2011

على بابا الملحمه الشعبيه



على بابا بعد الضنا لابس حرير فى حرير


ياساده كان ياما كان :. فى سالف الأزمان


راجل فــــقير غلبان :.اسمه رئيس بــــــابا


اسمه رئيس بابا


قاعد فى عرض كبير :. لابس هدوم كشمير


والياقه حـــــــلوه حرير :. ودماغه فيــــه كابا


ودماغه فيه كابا


نزلو تلات شبان :. نشوا اللى جنبه وبان


إنه ماهوش غلبان :. فلسع ولا إصابه


فلسع ولا إصابه


نزلتلو ع الطبطاب :. جات له لحد الباب


رمى جزمته والكاب :. قاللك أنا بابا


قاللك انا بابا


مااقعُدشى فيها كتير :. حلمى انّى أبقى سفير


دى الناس عددها كتير :. والدوله دى غابه


والدوله دى غابه


أوم لما أترستق :. قاللك نهار ازرق


إزاى أنا أسرق :. دى السلطه جذّابه


دى السلطه جذابه


كل الفلوس دى إيراد؟ :. من غير مكن عداد ؟؟


دا خــــــــير بلدنــــــــا زاد :. لمــــــــا بقيت بـــــابا


لما بقيت بابا


وف ريحُه مرجانه :. ساهيه وتعبانه


مكاره سهتانه :. خليك هنا مــــــــعانا


خليك هنا معانا


قالتلو خد غَرفَه :. طب ليه مااخد قُفّه


ياوليه موش شايفه :.دى اليغمه جلابه


دى اليغمه جلابه


إدُّى ابـنك المتـعوس :. قصـرين وتل فلوس


لو بكره رحت يحوس :. حانكون فيها غلابه


حانكون فيها غلابه


قاللك واروح انا فين :. لو جت سنة الفين


حانعيش كمان عقدين :. ونروح على طابا


ونروح على طابا


بس ساعتها حاكون :. حوشت كام مليون


لاصــــــفار تكون مليون :. قدام واحد يابا


قدام واحد يابا


يادوب نكون عاملين :.حسابين هناك فى العين


هما العرب خاينين ؟؟ :. والا احنا نتــــــــــغابى


والا احنا نتغابى


والواد جمال خليه :. يمسك رئيس دا عنيه


طلعت مذاكره وإيه :. ومــــــواهبه خلابه


ومواهبه خــلاّبه


خليلو دى الشله :. ضـــبط لنا الفله


وقميص مع فانله :. بصمه وسبّابه


بصمه وسبّابه


اسجن له مين حاسس :. شرد له مين نافس


حابس ياناس حابس :. دى الطلعه جذابه


دى الطلعه جذابه


ارقوه ياناس ارقوه :. وعلى الجلوس زفوه


ايّـــــــوْه ياناس ايّوْه :. ايش جبتى ياسحابه


ايش جيبتى يا سحابه


قال الرئيس دا الواد :. فيه ناس قصاده شداد


لو عنتر ابو شــــــــــــداد :. حايقول عاوز بابا


حايقول عاوز بابا


وانا صحتى كحكوح :. قربت احصل نوح


ماقدرش اعيْن انزوح :. مابلاش كده يابا


مابلاش كده يابا


راحوا الولاد نازلين :. قالبينها زفت وطين


أمروه يلت عــــــــجين :. كالقرد فى الغابه


كالقرد فى الغـــــــــابه


ونهاية المشوار :. راح نط دوغرى وغار


راح شرم فيها مطار :. جنبيها بقى طابا


جنبيها بقى طابا


آدى اللى كان وكان :. للراجل الغلبان


والست خشيشبان :. دى الفطنه حسّابه


دى الفطنه حسّابه

توابع الثوره



ثورة على الثورة بقلم: طاهر أبو زيد


كتب طاهر ابو زيد لاعب الكره الشهير والمعلق الرياضى حاليا مقال فى جريدة الشروق بعنوان ثورة على الثورة وكان ردى على المقال هذه السطور


صدقت يا طاهر


لكن اللى لى ظاهر


ان الجماعه دول


على حاجه متعاهدين


وعليها حلفوا يمين


ان البعيد حايروح


من غير مساءله ونوح


وف خانة اللحلوح


حايسف كام مليار


وهمــــــه يتوللوا


كـــل اللى بيطلوا


بالودن والا العين


ويقطعوا الأوراق


يتلكـــــــعوا بإبطاء


وولاء يشــــد علاء


وجمال كمان لو فاق


حايسف مليـــــارين


والشعب حايس لاص


ماباينلهمومشى خلاص


ملــــــعون ابو الإخلاص


لو كان للص متين


وبعد بيان شرم الشيخ الذى أذيع من العربية وكتبت سطوره بلؤم ظاهر وادعاء كاذب بالبراءة والشرف وتوعد لكل من كتب عن الفساد والسرقات والتهليب والتهريب بالملاحقة القضائية كتبت اقول



1:34pm Apr 10 ‫بيان من شارم


فتشونى مامعاييش ولا حتى مليار يتيم


دانا يابنى كل دخلى ييجى تسعميت مليم


باقبضهم واديهلها واقعد ادعى الكريم


عايش فى قصر الرياسه ..والدخل عندى عديم


مكسور على الإيجار والنور وصولاته كوم


والجزار عنده لسته ..بوفتيك بتلو ولحوم


وقف بضاعته وواقف ع الباب ببلطه وشوم


بيقول فين الجدع ده ...حاضرب دماغه بقدوم


علىشان كده موش بتشوفونى لاخصوصى ولا فى العموم


طب دانا لما اختفيت ..كان لاختفائى لزوم


رحت بطياره دوغرى ..على شارم اغطس واعوم


وانتو تسدوا ديونى ..بدل اما ابيع الهدوم


موش انتو شعبى وناسى ...كان بينا عشره فى يوم

Blog Archive

About Me

My photo
أحب الثقافة والفنون والشعر وتبادل الأفكار النافعة والهوايات المتعددة والمصنوعات اليدوية والرسم والمسرح والأغانى القديمة ذات المعانى الراقية والأفلام الكوميدية اتقن الكثير من الأعمال اليدوية (اصنع بنفسك )واهوى أصلاح أى معدة تتلف : حته جديده بقى أنا الماكس فى أحشائه الضحك كامن فهل ساءلوا بلوجاتى عن طرفاتى