هذا مادأب عليه البلوج بتاع شريف بالذات ...أكتب التعليق واجى أنشره يقوللى انت مين ...أقول المدعو ماكس وتقريبا فرد م العيله يعنى ... يقول لى هأأأأأأو وكمان هأأأأأو فين كلمة السر ...اروح راصص له الكلمتين اللى حافظهم ....يقول بكل بجاحة ...غااااااااااالالالالالالاططططط...طب يمكن نسيت ادوس كويس على المفاتيح .... طب خد عندك دى كلمة السر السرية جدا ( هى هى ..بس دايس جامد عالمفاتيح )....ويأتينى نفس الرد السابق الذى يبعث اليأس فى النفس غغااااالالالالالاط برضه ...اتفرست قولت اشهد الناس على الراجل الغلس بتاع البلوجات ده اللى مستقصدنى ومانعنى اكتب لصحابى فى دكانهم ...وتقولولى مابتعلقشى ليه ماهو م البلاوى دى ...وادينى صورت الصفحة كلها وفيها التعليق بتاعى ورد عمنا أبو البلوجات على بأن كلمة السر غلط ...ازاى وانا اللى مألفها وملحنها ...بأمارة ما قاللى ياسلام كلمتك قويه با ولا ...مين فينا بقى اللى عنده زهايمر .... واللى موش باين له الصورة كويس يكبرها ويشوف .....شريف (عابدين) حاعلق لك بينى وبينك على الميل بوكس بتاعك ياعم الواد البلوجاوى ده موش ناوى يجيبها البر معايا
7 comments:
هههههههههههه... اهلا بحضرتك فى عالم البلوجات المجنون احيانا تجد كلمة السر غير مقبولة اوك ماشى لكن تنشىء مدونة وتتوه منك مع انك عارف الرابط بتاعها دى بقى اكثر نادرة حصلت لى شخصيا
نورت عالم التدوين وكل سنة و حضرتك بالف خير
والنبى ياجسر مانا عارف البتاع ده ماله ومالى كل شويه يعمل معايا حركات كده نص كم وساعات جابونيز خالص ...عاوز اعلق يزرجنلى ويقوللى انت مين ؟؟؟ ده أنا فى الدكان بتاعى بابيع كلام وحديت ...يقولى لا موش انت ... وانا من غيظى كتبت فيه قصيدة موجهه لصديقى القديم شريف اللى ورطنى فى عالم البلوج ده ...عرفت انك فنون جميله ...وأنا ياستى يبقى خالى الفنان الشهير عبد الهادى الجزار وبيتى ملىء برسومه وعلى فكره عملتا له موقع على النت لو حبيتى ابعته لك تتفرجى عليه لو حبيتى
أهلا بك فى الدكان
عزيزى ماكس
==========
بيتهيألى ان كلمة السر كيس سنسيتيف
case sensitive
CAPS جربت ان الحروف ماتكونش
حاجة تانى محتملة .. ممكن تكون بتكتب كلمة السر بالعربى وانت لاترى الكيرسور اذا كان مقلوب .. لأنك عادة بتعلق بالعربى
عموما لو دخلت الدكان عندك ادخل بعد كده على تعليقات الاصدقاء وتستطيع من هناك الدخول على مدوناتهم والتعليق عندهم دون ان يسألك مرة اخرى
جرب وربنا يوفق
والله يمكن يكون عتدك حق وادينى بجرب فى الرد ده ... لو طلع الكلام من عندى أنا يبقى حاسحب القصيدة والصورة واقدم اعتذاراتى للبلوجاوى صاحب ومدير محلات البلوجات الكبرى ليمتد..اللى هو تاجر الجملة الذى أنا من مستأجرى دكان من المول بتاعه ونشر التعليق ده يعتير اعترافا منى بخطأى فى حقه وربما استدعى الأمر فدية طعام مسكين وعموما أنا عازم أخويا عالفطار النهاردهاحتياطى
عبدين ...عبدين ..وجدتها ..وجدتها انه الأسم ..أيوه الاسم موش كلمة السر ...أتارى ياشريف ياخويا المفروض تكتب عبد السميع آت جى ميل دوط كوم وليس اسمك البلجاوى الشهير:( موشعارف ايه بتاع زمان) ...اسم الله عليه البلوجاوى عارف كل حاجه وذاكرته حديد عز الدخيله ... والزهايمر والجهل هم صفاتى أنا
رعى الله البلاليج كلها :.وخفف عنا الزهايمر كمان
مش رائع وبس ....دنت أكتر من رااااااااااائع ضحكتني من قلبي وانا كنت زعلانه
ربنا يسعدك
الى عبرات الكلمه
أهو كده اديها ضحك تديكى فرفشه ومحو للهموم ويحضرنى هنا بيتين زجل قريتهم زماااااااان فى مجلة صباح الخير التى كان يكتب فيها الراحل صلاح جاهين تقول الأبيات :
عاشق لقى باكى قال له انت رايح فين
وقف سمع قصته بكو سوا الاتنين
راحو لقاضى الغرام لاتنين سوا يبكو
بكو التلاته وقالو ..حبنا راح فين
وعجبى
واخده بالك يا عبرات
Post a Comment