حــــــــادى بادى سيدى محمد البغدادى
شالوقاضى جابو التانى قال موش فاضى
جانا التالت واثق ثابت شمر كمه وفال انا فاضى
جابو أدله مسدس فله نادو عليه قال مين بينادى
انت ضــــــربت الفــــــله دى والا مين البادى
ازاى حاضرب شعبى بفله هوانا قُله شىء موش عادى
انا لو اضرب أضرب مدفع شىء كده يوجع دول أولادى
فيه قناصه جابو رصاصه ف راس متظاهر كان بينادى
طب وانا مالى أنا وعيالى هوه انا ساكن فى الناحيادى
دول كانو بيصطادو حمامه كات حوامه وسطر دنادى
موش نادى الصيد له فرعين فى الدقى ودكهه قصادى
والطير طار كده فى الواطى نخ يطاطى جت فى ولادى
ايه رأيك يارئيس القاعه ..عندى قناعه ان الراجل ده موش سادى
يعنى براءه ..افتح له الطاقه ..سيبه يروح م السكادى
10 comments:
الصورة معبره جدا عن الحدث الجلل
و يبدو ان التنبؤ سوف يصدق و سوف يحصل علي صك براءة الذئب من دم ابن يعقوب
او يذوب في مجاهل الدنيا الوسعه فس مسلسل الهروب الكبير و الدبه وقعت في البير
و نتهم المخابرات بتاعة دوله هام هام او كا كام بالتواطئ و الخيانه
ياخوفي من السناريو بتاعك يا باشمهندس دايما بتتنبأ بالحاسه السابعه
تحياتي
:))تسلم الايادي
اعتراضي علي الفيس ياباشمهندس ان بعض الناس سطحوه زي مابيسطحوا اي شئ
وكان مستفز
والقيمة اكتسبها الان عندما اناس استخدموه استخدام صح
:))
طبعا مش محتاجه اقولك اد ايه نظمها هايل
غير ان فيها بصيره توجع
صعب تكون دى النهايه و إن كانت باينه مع الاسف
لحد دلوقتى فى حاجات مش صح بتحصل
و الله اعلم ليه مش فى تحركات جامده
مين بيضغط و ليه
و مين من حقه
فى حاجات دايما انا مقتنعه انها بتحصل خلف الستار
لما نقدر نفتح الستاره
نبقى نحكم اللى بيحصل ده كان اقسى ما يمكن عمله
و لا لاء
بس طبعا تسلم اديك
ياخوفى أحسن دا
اللى يحصل ويطلع
القتيل هو الغلطان
أنه اتقتل
براءة ان شاء الفلول
أحوال الهوا والهوى
انا شايف ان العمليه كانت ماشيه تنويم ورمى بالونات وامتصاص غضب لغاية ما الثوره ضغطت وجابوه نايم بس هوه راح قالب الترابيزه ع المجلس والمشير وده كويس عشان كله يكشف ورقه
شمس النهار والمغربيه
الفيس بووك ده اكلنا وانا ادخلت فيه ولم اسعى اليه لقيت اصحابى كلهم عمالين يبعتولى رسايل انهم اصدقائى فى البتاع ده بس انا مازلت رغم انغماسى فيه انغماس البسض فى البسطرمه - مازلت احب المدونه اكثر لأنها تحفظ الأشياء ولا تختفى اختفاء الكتابات فى الفيس بووك وانا مازلت اكتب ما اريد حفظه فى البلوج والسريع اللى زى الجرنال كده فى الفيس بووك
الجواز وسنينه
والله انا سعيد انه حضر ولو راقدا وكمان قلب على احبابه المجلس وقلب عليهم الطاوله فهما كمان اكيد حايردوا بالشهاده عليه وتبقى الحقيقه ع المشاع وكده القاضى يحكم بالعدل المبنى على ادله وشهادة شهود وربك يعدلها ويخلف تشاؤمنا
نورهاتى
طول ما الديب ده معاه حيبقى زى قرموط السمك يتلوى ويتظفلط ويستموت لغاية ما يقع فى شر اعماله زى الهجوم اللى شنه على المجلس والمشير اللى كان عامل له خاطر وبينيم الأمور لغاية اى الأجلين اقرب ...فهوه ما صبرشى وعمل هجمه مضاده فاشله على حماته (بضم الحاء موش فتحها)
وبالتالى سنشهد فيلم صراع الجبابره فى رمضان ...وأغنية
غرقنى واغرق معايا
غرقنى غرقنى
وكفايه مسك ف قفايا
شكلك مورطنى
ودى من فيلم لحن الوفاء لحليم
http://www.blogger.com/profile/10610977524914283514
والله انا حاسس انه ممكن يبوظو الأدله لأنهاتجمع بين الشرطه والمخلوع والشرطه طول عمرها فى خدمة نفسها والدوله فقط وخصوصا لما يكون وزيرها وقيادتها فى القفص دول بيعظموا القتله وهم خارجين من الجلسه فيه حلاوه احلى من دى الا الرشيدى الميزان
Post a Comment