انه دكان للخردوات نبيع فيه الخواطر والذكريات.. ونشارك بالقصص ونقرأ من خلاله أفكار اهل الدكاكين المجاوره ونسمع منهم كما نحكى لهم - هو مكان لتواصل جيل أوشك على الرحيل مع جيل هو بطل المستقبل القريب ...

Wednesday, March 7, 2012

الاستفتاء ...ووهم البقاء "فالس من مقام صول كبير"












ذكريات وجدتها مدفوسه فى خطاب باعته لواحد صاحبى ولم اكن اذكر انى كتبتها متى ؟ وأين ولا أعرف المهم اهو نبش فراخ والسلام


اللواء مختار الملا للجزيرة مباشر مصر: الشباب الموجود بالتحرير شباب وطني ولكنه لا يعبر عن رأي الشعب المصري كله...
خروج الشعب للإنتاخابات اليوم........الا يعتبر هذا تأييد للمجلس العسكري وشرعيته ونظام إدارته للبلاد؟
هتافات الناس في الشوارع للجيش......الا يعتبر هذا استفتاء غير معلن على بقاء المجلس؟
عدم وجود بلطجية لأول مرة... في الإنتخابات......الا يعتبر هذا استفتاء غير مباشر على بقاء المجلس؟
-----------------------------------------------------------------
"مقام صول كبير "فالس" الاستفتاء ووهم البقاء "كونشرتو وسوناتا
بيقوللك دا استفتا عا المجلس كى يجلس
ايه رأيك ده كلامك موش صح وبتهيّس
الشـــعب امّا بــــــينزل يستفتى او يُدلى
بالصوت يبقى بيخلص م الخنقه ويتنفّس
موش معنى انه اختار نواب يبقى اختارك
ده بيسرع بالـــخطوه مادام انت بتتعارك
عمـــــّال تُزهــــق روحه وتفقّع فى عيونه
قام هاودك قـــــال ينزل ويصوّت ويشارك
ودى خــــــطوه بعديـــــها المجلس يستأذن
ويسلِّم دى السُّلطــــــــه قبل أذان ما يـــأذّن
ده الغضب امّا بيكتر بيــــــكوِّم ويخــــــــزّن
ويفــــجَّر فى عــــــــــــروقنا الثوره ويتمكّن
قــــوم ننـــــزل وحانهـــــتف فليسقط فليسقط
وانتــــو تزيدو عنــــــــادكو والغليان يتشعوط
وده يـــــــعمل موش سامع وده روخر يستعبط
آخــــــــرتها فليسقط ... راح يسقُط راح يسقط

4 comments:

norahaty said...

ده الغضب امّا بيكتر بيــــــكوِّم ويخــــــــزّن
ويفــــجَّر فى عــــــــــــروقنا الثوره ويتمكّن
قــــوم ننـــــزل وحانهـــــتف فليسقط فليسقط
وانتــــو تزيدو عنــــــــادكو والغليان يتشعوط
ربنا يستر ياماكس
حاكم الغليان المرة
دى حيكون قاسى اوووى
بس للأسف كمان حياخد كام
واحد من اولادنا واخواتنا
فى سكته ضحايا وقرابين للثورة

maxbeta3zaman said...

ماهو اصلهم موش معترفين اصلا بان دى ثوره فاكرينها هوجه ونازلين فينا تنويم ثم تلطيش والكل شايف القتل والذبح والمنع والكتم والفضايح امسك حرامى ثم سيب الحرامى يروح فى طياره وخد ياقاضى احبس دول ومعلهشى سيبهم الا طلعوا ولاد ناس جامدين
وياللا ع المطار ياحبيبى وسلم لى على بابا وقوللوا خلاص عمو مشمش سابنا وادانا ساندوتشات واحنا مروحين كمان

maxmannour2 said...

I predicted in this poem the rejection of the scaf and it realy happened in Ramadan >>>that was great

norahaty said...

شكرا ياماكس
على التذكرة

About Me

My photo
أحب الثقافة والفنون والشعر وتبادل الأفكار النافعة والهوايات المتعددة والمصنوعات اليدوية والرسم والمسرح والأغانى القديمة ذات المعانى الراقية والأفلام الكوميدية اتقن الكثير من الأعمال اليدوية (اصنع بنفسك )واهوى أصلاح أى معدة تتلف : حته جديده بقى أنا الماكس فى أحشائه الضحك كامن فهل ساءلوا بلوجاتى عن طرفاتى