انه دكان للخردوات نبيع فيه الخواطر والذكريات.. ونشارك بالقصص ونقرأ من خلاله أفكار اهل الدكاكين المجاوره ونسمع منهم كما نحكى لهم - هو مكان لتواصل جيل أوشك على الرحيل مع جيل هو بطل المستقبل القريب ...

Tuesday, February 17, 2009

أحياء وأسماء كلها سكندرية

وجدت هذه المعلومات عن أحياء الإسكندرية >> أسماء لم أكن أعرف أصلها وطالماكنت أتساءل عن أصل هذه الأسماء فقد سعدت بوجود هذه المعلومات فى أحد الرسائل المرسلة لى من صديق .. وبذلك بطل العجب لما عرفنا السبب


لوران> > > > نسبه الي الخواجه لوران صاحب شركة سجاير في القرن ال19 ويشغل قصره الآن مدرسه ثانوية بنات. > > زيزينيا> > علي أسم الكونت زيزينيا وكان تاجراً للقطن.> > بولكلي وفلمنج وشوتس> > > > من مؤسسي مجلس إدارة ترام الرمل.> > سان استيفانو > > قصدت شركه ترام الرمل أطلاق هذا الاسم تخليداً لذكري أنتصار الصرب علي الأتراك بمساعده روسيا 1874في موقعه سان أستيفانو وقد أقامت هذه الشركة فندقها الكبيرهناكوالذى حل محله المول الجديد حاليا > جليمو نوبولو" جليم"> وهو يوناني وأحد أعضاء المجلس البلدي لمدينة الأسكندرية ,جاناكليس > > نسبه الي الخواجه جاناكليس صاحب مزارع العنب ومصانع التقطير, سابا باشا > نسبة لسابا باشا أول مدير مصري للبوسته الخديويه ثم عين وزيراًللمالية سموحه (وأنا أسكن هناك): في سنه 1924 جففت بحيرة الحضرة> > والتي كان أسمها أصلا ملاحة> رجب باشا جد السفير حسن رجب وقام بتجفيفها جوزيف سموحه وهو يهودي عراقي وقد وفد إلي مصر ليتاجر في الأقمشة الأزاريطة> > وهو أسم مشتق من الكلمة> الإيطالية> > لازاريطة -أى- الكارنتينا حيث كانت مقامة تلك المنطقة للحجر الصحي للقادمين من الشرق.> > > سوتر > > ومعناها ( المنقذ) وقد أطلقته جزيرة رودس على بطليموس الأول جزاء مساعدته لها ضد الحصار الذي قام به الملك ديمتيريوس لمده 15 شهراً.> >> السلسله > > كانت هناك سلسلة تمنع عبور الناس إلي حاجز الأمواج! وهناك تصور أخر لأصل هذا الأسم وهو وجود سلسلة من الجزر الصغيرة في هذه المنطقة.> المنشية > وهو أصطلاح يطلق علي المكان الرئيسى بالمدينة أو القرية أو المركز التجارى بها وقد أطلق هذا الأسم علي هذا الحى حيث كان مركز النشاط التجاري ,ولوجود مقار القنصليات علي جانبي الميدان الشهير,< كوم الشقافة > > والشقافه من شقفات الفخار المكسورة والتي كانت منتشرة علي هذا التل وهي مكان قرية راكوتس اصل الاسكندرية.> الورديان نظراً لأن الجمارك كانت في أيدي الأنجليز فقد كانوا يطلقون علي المخازن وارد وتطورت إلي ورديان.> محرم بك > نسبة الي محرم بك زوج تفيدة هانم أبنة محمد علي وكان حاكما للجيزة ثم الأسكندرية ثم قائدا للأسطول المصري سنه 1826 م > المكس > > من المكوس أي الجمارك وكانت تٌحصل في هذه المنطقة للبضائع> الواردة من الغرب.> > باكوس > نسبة إلي باخوس أله الخمر وهناك رأي أخر أن الاسم منسوب الي احد الأجانب وأسمه باكوس وكان سمسارا في تجارة القطن.> الحضرة >الرواية الأولى أنها منطقه للهو والمتعه وتقام فيها المسابقات كل 5 سنوات واستمر هذا التقليد حتي أيام العرب فأطلق عليها اسمالحضرة ومعناها باللغة العربية مكان الحضور والأجتماع والروايه الثانية أنها أطلقت علي أسم الأمبراطور هادريان منذ زيارته للأسكندرية وكانت مكانا لمعسكر جنوده.> رأس التين> بداية لحقول التين والتي يشتهر الساحل الشمالي بزراعته.> > العجمي > > نسبه الي الشيخ محمد العجمي. > المندرة > > عندما اشتري الخديو عباس حلمي الثاني منطقه قصر المندرة أقام في مندرة أي حجرة عالية عن سطح الارض للأشراف علي أصلاحها وتمهيدها.> > فيكتوريــا > نسبة الي انها كانت موقعا> لفيكتوريا كوليدج علما بإن هذه الكليه بنيت أساسا في الأزاريطة سنة 1901م في عهد الملكة فيكتوريا ثم انتقلت إلي موقعها الحالي عام> 1904> > أبو قير >> نسبة إلي الأب كير وهو قديس مسيحي ولد بالأسكندريه في النصف الاخيرمن القرن الثالث الميلادى وأستشهد في عصر دقلديانوس ودفن فيها> ولها أسم أخر فرعوني وهو كانوب ثم تطور إلي كانوبوس وهو الذي عرفت به أيام البطالسه والرومان.> كما توجد بعض المناطق >
بالاسكندرية مسماه باسماء شيوخ فما أصل التسميه :> > القباري > وتنتسب القباري الي الشيخ الزاهد أبي القاسم القباري المالكي السكندري والمعاصر للدولتين الأيوبية والمملوكية وقد نشأ بالإسكندرية وعاش بها زاهداً متقشفاً وعرف بالقباري نسبة إلي ثمار القبار وهو نوع من العنب التي كان يزرعهافي بستان ورثه عن أبيه وقد توفي عام662 \وقد قام الخديوي سعيد باشا ببناء مسجد حول ضريحه عام 1860
هذا ولم يذكر الباحث أو نسى ذكر: كرموز وغيط العنب والهانوفيل وابويوسف وحجر النواتيه والسيوف شماعة وسيدى بشر والعصافرة والعوايد والشاطبى وكامب شيزار وزيزينيا وسيدى جابر والرمل الميرى واسبورتينج التى تبدو أسماء حديثة بعض الشىء

48 comments:

صفـــــــاء said...

.
جميل جدا ... بحب فعلا اعرف أصل الاسماء والاماكن

وعندك معلومه زيادة من عندى بس على الصعيد بقى

بنى مزار

نسبه لأنها كانت مزار دينى لوجود البهنسا بها ومقابر صحابه رسول الله
الذين أستشهدو فى الفتح الاسلامى

وقبائل مزاريه ذات أصول عربيه مهاجرة أستقرت بها

وطبعا طبعا المقر الرسمى لأقامه حضرتنا
.

أحــوال الهـوي said...

الان سانزل اسكندريه و انا علي درايه باصول شوارعها

شكرا علي المعلومات القيمة

تحياتي يا دكتور

maxbeta3zaman said...

صفاء
فعلا أنا كنت أعرف قليل من اصول الأسماء دى ..حتى أخونا الفشكول دلنى على أصل اسم الغردقة الذى لاحظت انه يكتب بالإنجليزية غير ذلك وعرفنى انها خور جده ..بس انت أيضا عرفتينا ببنى مزار وأصل تسميتها ...فهل تعرفين بما أنك من المنيا ..ما سر وأصل الأسماء ذات المقطع الأخير "واو طاء" وأعنى ديروط فرشوط دهروط أسيوط هل هى فرعونى ؟؟

maxbeta3zaman said...

أحوال الهوى الذى هو صحيح غلاب
طبعا تشرف وأنا حاخللى كل الخواجات والأسياد( بشر وقبارى وجابر) وربما أتمكن من دعوة الخواجه جليمونوبلو ذاته لانتظارك شخصيا على محطة سيدى جابر لتتعرف عليهم واحد واحد
أهلا بأحوال الهوا الذى مخلينا لا بسين شرابين فوق بعض من البرد اليومين دول

Jana said...

أثار فضولى عنوان التدوينة فى ريدر أحدهم لأنى سكندرية ويهمنى بالطبع معرفة اسباب تسمية احياء مدينتى ...فوجدت مدونة بكاملها رائعة لا مجرد تدوينة

جزيل الشكر يا فندم على المعلومات الجديدة والقيمة

بخصوص سبورتنج اعتقد انها سميت تبعا لنادى سبورتنج لانه نادى عريق جدا وتم انشاؤه اعتقد فى عام قبل عام 1900 وكان وقتها مخصص لركوب الخيل ولعب التنس
ده اجتهاد شخصى ومش متأكدة منه صراحة :)

سعدت بالتجول فى مدونتك الجميلة
فتقبل تحياتى

صفـــــــاء said...

.
معظم المدن التى ذكرتها ذات أصول مسيحيه

يعنى الاصل أو المنشأ ليس فرعونى ولكنه قبطى
ودى ينفعك فيها بقى حد دارس لاهوت او عندة معرفه باللاتينى والقبطى
.

maxbeta3zaman said...

Jana
أهلا بك.. فذاك الاسم يذكرنا بقطوف الجنة الدانية..جعلك الله من داخليهاومن قاطفى ثمارها ..
كلامك طبعا سليم فغالبا النادى العريق هو سبب الاسم ..وطبعا كليوباترا على اسمها بس ياترى كان لها أى سكن أو قصر فى سوق زنانيرى مثلا؟ ..وهل كانت تخبط المشوار حتى مرسى مطروح لتأخذ حماما فى حمام كليوباترا هناك وترجع فى مشروع أو بيجو فرعونى ؟ شكرا على مرورك ودائما على الرحب والسعة

maxbeta3zaman said...

صفاء
اذا فلنحيل الموضوع برمته للمحكمة الدستورية العليا ..أو الأثرى المفوه زاهى حواس الذى لديه إجابة عن كل العصور

شمس النهار said...

بوست لطيف جدا
تعرف حضرتك المفروض يكون في موسوعه تسجل الكلام ده حتي لايندثر
شكرا لحضرتك

بـراااح said...

الاستاذ ماكس
الف شكر علي المعلومات الجميلة دي انا بحب قوي اتتبع كل حاجة ليها علاقة باصول بالاسكندرية سواء اسماء شوارعها او مبانيها او تطورها الحضاري قد يكون ذلك بحكم دراستي المعمارية او انه ذلك العشق الغامض الذي يحيط بهذه المدينة الساحرة
التي قال عنها شاعر اليونان كفافيس " و لسوف تتبعك هذه المدينة الى اخر العمر فالخارج منها داخل فيها و الراحل عنها تنتهي دائما اليها خطاه"
اشكرك علي جمع هذه المعلومات القيمة و مشاركتنا اياها فلطالما كنت اعتقد ان المنشية نسبة الى الخواجة منشا الذي كان يملك وكالة هناك تسمى باسمه و لا تزال موجودة في ميدان عرابي شكرا علي تصحيح المعلومة
و لو تسمح لي ان اشارك بما قراته يوما عن اصل اسم زنقة الستات فقديما كانت تستخدم كاسطبلات للخيول و سميت زنجة و معناها اسطبل بالمغربي ثم تطورت الي زنقة و اعتقد انها تحولت الي زنقة الستات في العهد الحديث بعد ان اصبحت مكان للتسوق

Sherif said...

هايلة المعلومات دى

كان عند والدى كتاب يحتوى على أصول أسماء شوارع مصر القديمة

سأحاول أن أجده .. ربما أذكر فكرة مفيدة

الفكرة نفسها أكثر من رائعة

maxbeta3zaman said...

شمس النهار
تسعدنا معرفة أصول التسميات خاصة إن كانت غريبة بعض الشىء ..فاروق شوشة كان له برنامج إذاعى "لغتنا الجميلة يشرح فيه أحيانا أصول بعض الكلمات العامية التى تحورت عن أصل عربى فصيح أو حتى التى نستخدمها فى العامية وهى فصيحة ...أذكر أنه قال ان كلمة الزعل التى نقولها الآن أصلها الزلع ولكن لثقلها حولت للزعل وزعلان وحازعل منك وهكذا ومثله كان برنامج قل ولا تقل لتصحيح اللغة كانت من البرامج المفضلة لدى

maxbeta3zaman said...

برااح
لا شكر على واجب ..والشكر مردود على معلومة الزنقة التى كنا نعتقد انها من كثرة تردد السيدات عليها وضيق ممراتها ...وعلى فكرة ..الخواجه منشا ده له شارع بإسمه فى محرم بك هو امتداد شارع الإسكندرانى الشهير الذى يوصل لاستاد اسكندرية أو" ملعب البلدية"

maxbeta3zaman said...

شريف شبيه وبديل ومثيل نجيب محفوظ
طب ياللا افحت واطلع بيه وطبعا سيكون درة الموانى وعبق التاريخ
نفذ الفكرة ...وما تقولليش بكره

norahaty said...

الله!!!!:)
لو كل حصص التاريخ
كانت بالحلاوووووووة
دى كنا زمانا تخصص
تاريخ من زمان
وسيبنا من حاجات
الكحكحةوالهاااتشى
ووجع العظام والودان
والاسنان كمان:):):):)
بجد معلومات حلوة اوى
تشكر عليها ياماكس يابتاع
زمان والنهاردة وبكرة كمااااان

norahaty said...

بقى هو انكل محرم بك
يبقى جوز طنط تفيدة هانم
امممممممممممممممممم
شوف ازاى....:)

maxbeta3zaman said...

ونورهاتى ...حارد عليها كالآتى
لو انى فى التاريخ مانيش انتيخ
وجتنى صدفه دى الحكايات
فقلت أحطها ف بوسطى وإيدى معلقة ف وسطى
مع العميان بتيجى طبات
طلع كل الجماعة دول لهم سيرة يادى الحيرة وأغلبهم من الخواجات
بيبقى الإسم ويخلد ..وبيولد لصاحبه الشهره ويجدد
حياته حتى شوف لو مات

norahaty said...

يافندم ردك جميل
مثل كل مدونتك
شكراًلك
وصباح الفل

Appy said...

اممممم بس اكترها على اسماء مش مصريه
بس انا بحب اسكندريه بالرغم من انى حظي فيها وحش وكل لما اروح يحصل ليه مشكله او اتعب او المواسير تضرب فى الشقه عادي يعنى

maxbeta3zaman said...

Appy
فعلا هم معظمهم أجانب بس يمكن دول اللى سابو أثر فى المدينة وده سبب استمرار اسمهم للآن ...وبعدين مايهمكيش المحافظ الجديد محفر المدينةبالكامل كل الشوارع طالع كرشها والأرصفة يعاد تبليطها يعنى لا يمكن ماسورة تضرب الا بفعل فاعل بعد كده ..المصيفين يمشوا من هنا والحفر يشتغل على أشده ...بيقولوا هنا ان المحافظ يعاود البحث عن الإسكندر الأكبر من جديد

DoNyA said...

معلومات رائعه
لم اتعرف علي اغلبها سوي من هذا التوبك الرائع

جميل ان يهتم احدنا
بالبحث في التاريخ

مودتي

maxbeta3zaman said...

Donia
الحقيقة الممكن قولها هنا انى كنت ماشى ...رجلى عترت فى سلكة بشدها ...لقيت فيها إزازه ...فتحت الإزازه لقيت الحاجات دى جواها ومعاها ورقة صفرا مكتوب فيها بالجريجى ...أمانة عليك ياللى تلاقى الإزازه تبلغ اللى فيها للبلاليج وتحت إمضاء الخواجه جليمونوبلو وآخرين ..معرفش ازاى عرفوا ان فيه بلاليج حاتظهر فى القرن الحالى
أهلا بك

salma mohamed said...

انا بصراحة معرفش كل الاماكن دي,
لاني مش اسكندرانيه ولو ان جدي اسكندراني,
انا عرفه بعض الاماكن وكويس اني عرفت اصل اسماءها
تعيش الاسكندريه واهلها,انا بصراحة بعشقها.

انت تسال والكمبيوتر يجيب said...

دعوه
الأخ العزيز/
تحيه طيبه
برنامجنا الأذاعى عن النت والمدونات من الأذاعه الرئيسيه لمصر اى اذاعة البرنامج العام يذاع يوميا التاسعه وعشر دقائق صباحا عدا الجمعه
ندعوك لزيارة مدونتنا والتعليق على ما نطرحه من موضوعات وهذه التعليقات تذاع باسماء اصحابها فى حلقات برنامجنا

وبموقعنا رابط بالضغط عليه والأتنتظار قليلا وقت أذاعة البرنامج يمكنك الأستماع الينا
المدونه
http://netonradio.blogspot.com
الموقع
http://dear.to/cairo

maxbeta3zaman said...

سلمى
وهى كمان (اسكندرية) كلمتنى كتير عنك وقالت لى انها تبادلك ودا بود وبتقوللك ابقى تعالى حتى تزورى جدك بالمرة..بس اما يخلصوا حفر وتنقيب فى الشوارع وعشان تحيتك خدى البيتين دول :
تعيش بنتى سلمى وسالمه وغانمة وبرضو تعيش
فى صحة وسعاده تنام عالوساده هموم ماتلاقيش
عروسه "كباربى"..ويحميها ربى متقفشى الطابور اللى آخره فى عيش

maxbeta3zaman said...

أخى العزبز أنت تسأل
ونحن كذلك نسأل ..ذهبنا لبلوجكم وعلقنا عندكم ..لكن ميعاد البرنامج جاى ونحن فى العمل ...فما العمل؟؟ ..عموما تشرفنا بزيارتكم

fashkool said...

السلام عليكم ماكس بتاع زمان
تحياتى
انت جبت اصل اسامى احياء اسكندريه .. واسكندريه تاريخها عريق من ايام راقوده الى ان بنى فوقها الاسكندر الاكبر مدينة الاسكندريه ويقال ان قبر الاسكندر الاكبر موجود فى ناحية الشاطبى وانه لن يكتشف بالحفريات وسيكتشف بالصدفه فى يوم من الايام تحت ترام منطقة الشاطبى .. دمت لنا يا سيدى وبارك الله فى معلوماتك
تحياتى

maxbeta3zaman said...

فشكول
ايييييوة هو ده الرجل الذى يعرف أصول الفصول وفصل الخطاب فى الاسم والألقاب ...ويعرف مكان الاسكندر ومكتم عليه؟؟ طب كنت قلتلى كتيمى اروح انقر هناك بالليل واطلع الزلعة المفقوده واديك نصها من الذهب والفضة...أتاريهم مارضيوش يهدوا مبنى الجامعة القديم القريب من البحر بالشاطبى ) وينقلوها العامرية )
أهلا بك أخى

doctor mohamad said...

‏"و سونامى ماسونامى،قومى نامى وغطينى،و أمواج "هايفة" مش عالية،نعومها لو تساعدينى" >إبتسامة< جميلة جميلة _ أولا: ماكس بتاع زمان أشكر لك تعليقك الطريف و الظريف بمدونتى_ ثانيا: قدر ربنا أن يقع بصرى ع اسم مدونتك ف تعليقات مدونة أخرى فأبيت النية ع دخول مدونتك فتستبقنى أنت لهذا الأمر _تسلم_ فأنا خارج مصر حاليا و يتعذر لى التواصل مع النت بسهولة فأستعمل الموبايل لتصفح النت .. و إذا أردت التعليق أكتب حرفا حرفا حتى يكتمل التعليق .. و لفت نظرى تعليقاتك ف المدونات الأخرى فهو دايما ف الصميم حتى و إن قلت كلماته .. فأنا دائم البحث عن تلك المدونات التى يمتلك أصحابها فكرة و نظرة نقدية موضوعية للأمور لا عن تكلف أو مبالغة ، ولا أبالغ إذا قلت: أنى وجدت ضالتى ف مدونتك ، و أكثر ما يلفت نظرى ثراء موضوعاتك ، و تدفق الأفكار و تنوعها ، و العناية بكتابتها ، و أضف إلى ذلك سلاسة أسلوبك ف الشعر و الزجل ، تسلم إيدك. و قد تجولت ف المدونة من أول ضياع المدونة القديمة حتى أسماء احياء الأسكندرية أحب مكان لى ف مصر ، مارا ب"نهج طارق"أو "ف حب باتعة" و"فريدة الجديدة"و"مهد الحفيد"و"افترا الظباط"و"أحداث غزة" و إن كنت قد استحلفت لباقى مواضيع المدونة بقراءتها واحدا واحدا .. هذا بداية التواصل ولا يكون نهايته بإذن الله.

محمد أبو الفتوح said...

شكرا لك عزيزى ماكس على هذه المعلومات الجميله القيمه
التى تعيد ربطنا ببلادنا الأصيله فى مواجهة موجة التغريب الشرسه التى تحاول خلعنا من جذورنا

جسر الى الحياة said...

بوست مفيد جدا... خصوصا عن مدينة جميلةزى الاسكنرية

دمت بخير

maxbeta3zaman said...

doctor mohamad
ياسيدى العفو ..ده أنا الذى بهرتنى أبياتك الطريف منها.. والقوى الثرى فصحى وعامية ..فالمرء أحيانا يعثر خلال سيره على شىء قيم صدفة ..ويكون ذلك من دواعى سروره ...وأنا هذا المسرور.. وأهلا بك شمعة مضيئة وموهبة أعتز بها

maxbeta3zaman said...

محمد أبو الفتوح ابو الكلام بيبوح
نحن هنا أمام موهبة ..وشاعر حاصل على جوائز ,,وتعبيرات شعرية غاية فى الجمال فأنت بحق من يستحق الثناء وأن يعرفك الناس ...أنا عارف ليه اللى بيغنوا مابيقعوش فى ناس زيك كده بدل الواوا والشنكوتى والحاجات اللى مالهاش معنى دى ؟ شرفنى التعرف على انتاجك وأهلا بك

maxbeta3zaman said...

جسر إلى الحياة
أشكرك ..واتمنى أن تعود المدينة لسابق حالها وجمالها قبل الصيف لأن الفحت لم يترك شارعا ولا رصيفافى حاله
وأهلا بك جسرا شرفنا بالعبور

soly88 said...

عزيزى ماكس
المعلومات مفيده وجميله
وما يميز الأسكندريه هو غرابة اسماء بعض الأماكن
وحتى اسماء بعض العائلات
فوالدتى كانت تنتمى لعائله سكندريه اسمها (الصحن)وكان من افراد هذه العائله مخرج تلفزيونى كان يضع اسمه فى نهاية التتر فىشكل طبق
الأسكندريه من المدن التى لها طله جميله

Bondok said...

السلام عليكم
معلومات جميلة
بس هو ليه كل حاجه باسامي بني ادمين كده
و معظمهم مش مصريين
هههههههههه
احنا بلد بنحب الاجانب :):)
على فكرة انا بفتح الدكان بس هي المشكله ان الدكان بيفتح تبعا للمزاج :)
فمعلش استحملني

اصحى يا مصر : اسلام ديو said...

انا لدى شقة فى اسكندرية
انا بعشق البلد دى
وبجد المدونة حسستنى انى مش بعيد عنها

iBRAHiM sAllAm said...

الاسكندرية دي بجد حاجة متفردة كده ,

أحسن بلد في مصر من وجهة نظري :)

و إن شاء الله هبقى " لاجيء " عيلها بس بعد الجيش إن شاء الله :)

maxbeta3zaman said...

Solly 88
هى فعلا غريبة وكنت لا أعرف سبب معظمها ..وقد أهدانى صديق فى الميل صور لاسكندرية فى القرنين 18-19 وهى مازالت بالخيل والترماى القديم جدا.. ولى مع الترام نادرة طريفة !!وأنا طفل كان والدى يأخذنى بالترام لنزور جدى ..الترام القديم كان فيه عجلة نحاسية كبيرة على يمين السائق وبالقرب من باب الصعود ...كنت اصمم على الركوب فى هذا الجزء وامسك بالعجلة النحاسية معتقدا اننى بالفعل من يقود الترام وليس السائق ولم أكن أنسى أن أشير له بتولى القياده عندما كنا ننزل فى محطتنا بالقبارى قائلا :" يالا ياسطى سوق انت بقى عشان احنا نازلين هنا

maxbeta3zaman said...

البندوق الغطسان مع الديوك
اسكندرية وانت سيد العارفين كانت مليئة بالخواجات جريج وطلاينة وأتراك ومازال فرن فينو بالإبراهيمية ولعهد قريب المخبز العثمانى فى محرم بك والبقالة التركية والميكانيكى اسبيرو الطليانى وليليكيان بتاع التريكو فى المنشية هم بقايا العالم دول واحنا كان فيه فى بيتنا القديم الست أم ريشو كانت طليانية أو جريجية الله أعلم بس كانو ناس أمرا زيك بالضبط يابندق الغالق دكانه معظم الأحيان ويبدو انه ناسى المفتاح جوه وقافل عليه

maxbeta3zaman said...

اسلام ديو
أهلا بك ...إذا البوست أعطاك هذا الإ حساس وليك شقة هنا ..فإنصحك نصيحة مجرب أن تطل عليها دوريا ..لأن فيه صيادين للشقق التى يغيب عنها أهلها مدة ينقضون عليها ويحتلوها بخطط شيطانيه ..أنا عشت هذه القصة التى تحتاج لبوست كامل لتفاصيلها الغريبة فقم وحضر شنطك والحق قطر 2 التوربينى المباشر وان كنت مشغول خليها خميس وجمعة اهلا بك

maxbeta3zaman said...

ابراهيم سلام
هى كذلك وموصيانى أقول لك انك أيضا أجدع واحد فى مصر عشان قلت عليها كده ...وبعدين لا جىء ايه ..ده البيت بيتك ..والعاشرة مساءا ...وتسعين دقيقة واستار أكاديمى كمان ...شوف بس ماتقولش لاجىء

Beram ElMasry said...

maxbeta3zaman
السلام عليكم ورحمة الله وبركاته
فى يوم ميلاد المصطفى صلى الله عليه وسلم ادعو الله لى ولك بالخير وجميع اهلك ومن احببتم بالسعادة والسرور
كيف حال الحفيد الجميل وياترى اشتريت له حصان ام عروسة
اليس غريبا ان امرض ويسال عنى الغريب والقريب ولا يسال اول الاصدقاء واحبهم الى قلبى ، اعجبنى احياء الاسكندرية الجميلة باهلها
لك تحياتى والسلام عليكم ، ولا سلام مع اليهود

مواطن مصرى نايم said...

طب اللى كتب الحاجات دى نسى يشوف لى شقة بقى
ههههههههههههههههه
===============
بجد فى حاجات اول مرة اعرفها و الله
رغم انى اسكندرانى بردو
بس الله ينور يا عم ماكس بوست تمام


تحياتى

اسلام

maxbeta3zaman said...

أبو البيارم
وعليكم السلام ورحمة الله ..وصلوات وتسليمات على صاحب الذكرى العطرة ..ألف سلامة عليك ونسأل الله العظيم رب العرش العظيم ان يديم عليك الصحة والعافية ..مقصر أنا وأرجو السماح فقد شغلتنى بعض الأمور وأرجو أن تكون الآن فى أتم صحة ...أرجو أن تقرأ انتاج كل من ابنينا محمد أبو الفتوح ودكتور محمد فهما موهبتان على قدر عال من الحس الشعرى والموهبة وهما قبل تعليقك بقليل هنا

maxbeta3zaman said...

إسلام المواطن المصرى النابه
انت فين ايها النايم صاحى ...شوفت شوية الشتا بتوع الأيام اللى فاتو أخدتهم على دماغى فى العجمى عشان بتوع الغاز اللى بيركبوا هناك دلوقتى ...إذا عاوز شقة عليك بالعجمى هانوفيل ناس كتير بتبنى بدل الفيلات عمارات واهى المجارى والغاز بيركبوا دلوقت هناك ..
أهلا بك

مصطفى محمود said...

الله عليك يا ريس
بما اني من عشاق اسكندرية زي ناس كتير
ودايما في زياراتي الكتيرة باسال ايه معاني الاسامي دي
وغالبا مش بالاقي اجابة
او الناس بتفتي وتقول اجابات غير مقنعة

بس بجد انا متشكر ليك جدا جدا جدا
وسلامي لاسكندرية الملهمة
ولأهلها الجدعان

هبة النيـــــل said...

معلومات جميلة جدا يا عمو ماكس

تسلم ايدك

انا بموت في اسكندرية فعلا

About Me

My photo
أحب الثقافة والفنون والشعر وتبادل الأفكار النافعة والهوايات المتعددة والمصنوعات اليدوية والرسم والمسرح والأغانى القديمة ذات المعانى الراقية والأفلام الكوميدية اتقن الكثير من الأعمال اليدوية (اصنع بنفسك )واهوى أصلاح أى معدة تتلف : حته جديده بقى أنا الماكس فى أحشائه الضحك كامن فهل ساءلوا بلوجاتى عن طرفاتى