قصيده الابنودى الاخيرة الممنوعة انا المصرى
انا المصرى....كريم العنصرين
سليل المخلصين ... المؤمنين
وحامى الامه فى وقت الشدايد
وشقاق السكك للواردين
ودمى ملك ليكم اجمعين
انا المصرى كريم العنصرين
انا المصرى كريم العنصرين
فقدت العقل والصوت والايدين
وبعد ما كنت نجده وروح ووقفه
وبعد ما كنت نجده وروح ووقفه
مانيش عارف نسيت دا كله فين
مين اللى سلبنى اسمى يبقى مين؟؟
انا المصرى كريم العنصرين
وكنت اصرخ اطفى النار بصوتى
ويحيى أمتى فى الشده ..... موتى
فمين اللى كتب عارى ف جبينى
ومين اللى سرق شعله سكوتى
وانا اللى غنايا صحى العالمين
انا المصرى كريم العنصرين
انا متباع ...ماهيش عادتك يا وطنى
عدو..لعدو .. مين ماقبض شتمنى
صبى البقال يتاجر فى الضماير
واحلا عمرى ضاع مستنى زمنى
بقينا بصمتنا الموت متكتفين
انا المصرى كريم العنصرين
كان الوحل..شد الرجل منى
انوح ابكى وانا قاصد اغنى
وواقفين ع الشطوط بايادى سودا
محال هيغرقونى غصب عنى
ولو نصبوا فى قلبى ميت كمين
انا المصرى كريم العنصرين
بنيتها من الهرم للسد .. يدى
بنتها كلها ف لحظه تحدى
وكنت زعيم نبيل ما بين جفارا
وتيتو وكاسترو ونهرو وغاندى
وتيتو وكاسترو ونهرو وغاندى
ومش محتاج اقول انا كنت مين؟؟
انا المصرى كريم العنصرين
وكان يخطب تصيب الدنيا ربكه
ومن لبنان يعود اسطول اميركا
ولينا فى الوجود كلمه ومكانه
واخوة فى الامل ....دمعه وضحكه
ورقابينا الابيه...مرفوعين
انا المصرى كريم العنصرين
وجونا اللى رمونا...للمهالك
تقول"لاه:يقولولها وانتى مالك؟؟
تقول لبنان..احبابنا الاعزه
يقولوا يغوروا ...وتغوروا كذلك
نسيت من همى ابقى ازاى حزين
أنا المصرى كريم العنصرين
وبعنا كل شىء ينباع ...بدقه
بشفافيه ومن غير اى سرقه
ونظرنا لعلم النهب صرنا
بننهب كل شىء .. لكن برقه
بقينا دكاتره وسط النشالين
انا المصرى كريم العنصرين
زمان كان فيه ملك فاحت روايحه
وثوار جيش بروحهم يومها .. ضحوا
وكان لينا شأن حتى فى الهزيمه
وطن..كان يعجبك جمعه وطرحه
علينا عين..وباقى الامه عين
انا المصرى كريم العنصرين
وعاد تانى الملك يحكم بلاده..
ومن بعد السنين دى ...زاد فساده
وكنا ساده فوق ارض الكنانه
واصبحنا عبيده .....او عباده
وضاع فى الزحمه مشوار السنين
انا المصرى كريم العنصرين
وتانى يا فقير عاد من يخونك
وتتهان فى بلادك عينى عينك
ولا الدين مكتفى من مص دمك
ولا عارف ديونهم من ديونك
وجيت للحق؟؟,,كله سلف ودين
انا المصرى كريم العنصرين
وده يسلم لده والعصر فاجر
وتاجر حنت..سلمنا لتاجر
وام الامه مصر الانسانيه
بتتامر..وبتدارى الخناجر
وكنت النجده واستنجد بمين
انا المصرى كريم العنصرين
وكنت اصرخ ..وكان الكل يسمع
وامد الايد ..عدو الامه يرجع
وجانى النطع يامرنى ويشخط
وخلانى بقيت فى الحق انطع
انا الى كنت اصحى الغفلانين
انا المصرى كريم العنصرين
وكانوا يقولو"مصر"الشمس تطلع
وتعلا رقابنا فوق..وعيوننا تلمع
وكنا نشيل قلوبنا فوق كفوفنا
ويصدرونا نواجه أى مدفع
فمين ساعدنا ع الوضع المهين..؟
انا المصرى كريم العنصرين
وازاى النهارده الدم.عومى
مقلقل صحوتى وساكن فى نومى
دمانا بتشتعل فى ارض غزه
ولبنان نارها ماسكه فى هدومى
وانا اللى فى الأسى واقف ما بين
انا المصرى كريم العنصرين
ولولا الانظمه العريبه لامت
وفى صفوف العدو حتكون وكانت
ما كان الموت عرف "صيدا" و"بعبدا
ولاكانت قيامه الغدر قامت
ولا قلب العرب بيت حزين
انا المصرى كريم العنصرين
وشوف لبنان بترحل من جنوبها
ونوم الليل.. ما بيعرف جنوبها
سطور النمل زاحفه للملاجىء
وريح الخونه ما هدت هبوبها
الوف راحلين فى قلبى مذعورين
انا المصرى كريم العنصرين
فيا لبنان انا..م اللى خانوك
يا حزب الله حكامنا باعوك
يا صاحبى..ماعدنا نملك غير هتافنا
هتافنا.مر مالى رقابنا شوك
وعلنى..بنفس الفعل المشين
انا المصرى كريم العنصرين
يا نصر الله ده..زمن البياعين
وانت طلعت للأمه منين؟؟
تفكرنا بكل اللى نسيناه
اظنه صعب يصحوا الميتين
وخليتنا الجميع متفرجين
انا المصرى كريم العنصرين
مازال العدو نفس الخبيث
ابونا مات وسابهو لنا وريث
ومهما يلف ويدور ..راح يغور
واسال عندنا بيوت السويس
حلاوة روح..وحياه الحسين
انا المصرى كريم العنصرين
بقت رايتك خلاص رمز لجهادك
بقت رمزالمقاومه فى بلادك
ولبنان كلها بايته فى ضميرك
خلاص صبح الجهاد ماءك وزادك
لغير المسلمين والمسلمين
انا المصرى....كريم العنصرين
بلاد الا مريكان احنا وصهاينه
وصمتى ع اللى حاصل...كله معنى
مازال الحلم لم فارق دمايا
على رغم اللى عاشه طعنه ..طعنه
يا لبنان الكرامه ....لا تلين
انا المصرى كريم العنصرين
ويا لبنان ما تطفيش نار نضالك
رجالك..حتى لو ماحناش رجالك
بحور الدم ماتغرق حقوقك
ولا تكسر مجاديف احتمالك
حبيبك..بس مش قادر اعين
انا المصرى كريم العنصرين
40 comments:
اول مره اسمع ان الابنودي له قصيده ممنوعه
بس طبعا لازم تتمنع
هي دي قصيده ينشروها
بصراحه تسلم ايد هذا الصعيدي الجدع
اعذرنى ما ادرتش اكمل القصيده
لانى فعلا مش قادرة
.
يبدو أننا نقدر أنفسنا باكثر من قيمتنا الحقيقيه
ويبدو أننا نرى انفسنا باكبر من حجمنا
أو أننا نحاول قصرا تقزيم حالنا لدرجه دخولنا فى مناوشات وملاسنات مع من كان يقدرنا يوما ويعتبرنا الدوله الكبرى
فستصغرونا اليوم حين صغرنا حالنا
وحين نساوى بين القاتل والقتيل ونصبح مجرد سماسرة نبيع لمن يدفع منحه لا ترد
وحين نترك قتلانا سابحين فى دمائنا ونعلن أن الجيش المصرى قادر على الرد على حزب الله
فنحن أذا لا قيمه لنا من الاصل
كان نفسى أقولك كل سنه وانت طيب
.
السلام عليكم ورحمة
الله تعالى وبركاته
ياماكس يبتاع زمان
حالنا واحد من ايام الفراعنة
مش انهزام ولا اكتئاب لكن حقيقة
تمجيد الفرد وتأليه حبة حبة
من ايام بناء الهرم خوفو عمل نقبرة لنفسة قعد الناس يبنوا فيها 20سنة وفى الاخر بيذكر اسم مين؟خوفو مش اسم العامل او الفاعل او الفلاح اللى فرضا هو بناها
احنا كده
وحنفضل كده
اما ما يتكلم عنه الابنودى فهى ايام استثنائية فى تارخنا ولكن لست قاعدة عامة فينا والا قولى كام ثورة شعبية قامت فى بلدنا؟
وشعبية يعنى شعبية؟
ما اعتقد الا قليل قليل قليل
************.
المهم ياأخى نستنى انا جايه ليه
اممممممممممممممممممممممممم
ايوة جايه اقولك صباح الخير
وكل سنة جديدة وانت طيب
وربنا ينصر الاسلام والمسلمين
ويهزم الشرك والمشكين
اعداءه اعداء الدين
قول امين
صباح الخير فى أول يوم من السنه الجديده
الله يجازى اللى مرمط كرامة و اٍسم مصر و تسبب فى اٍهانة المصريين فى الداخل و الخارج أسوء جزاء اٍن شاء الله
أتوقع أن تكون نهايته سوداء زى قلبه ليجعله الله عبره لأن الظلم لابد أن يجازى فاعله فى الدنيا قبل الآخره
قصيده جميله و رائعه و أول مره أقراها
شكرا يا ماكس
تقبل تحياتى
يارب يخللى سنة 2009 جميلة عليك .. احلى من 2008 .. و2007 .. و2006 .. و2005 .. و ..
أنت وراك حاجة؟
استاذنا الفاضل
اعتذر عن رأي مقدما
اشم رائحة الابنودي و لكنني اتشكك في اسلوبه و هذا لا يمنع ثقل و بلاغة الكلام
بالنسبة لمصر و القيادة السياسية فمصر لم تسكت و لها موقف و لكننا لا نقبل ان نكون الشاخص الذي يحلو للجميع رجمه رمزا للتخاذل و الضعف لان الجميع ضعفاء و صامتون ضربت لبنان و جيش لبنان لم يرفع حجرا دفاعا عن ارضه و بقي حزب الله يقاوم وحده و اللوم كل اللوم لمصر
تتقدم قطر بلسان لاذع تحاول انتقاص كرامة مصر و لم تخرج ذبابه في شوارعها للتظاهر و ايضا لا تملك جيشا يدعم جعجعتها ليبيا تندد و هي اول من تخلي عن جيشنا في وسط حرب اكتوبر
السعودية في سبات من الصمت عميق ولم يجرؤ احد من لوم حكامها ملخص الموضوع سيدي حماس تسعي اقحامنا في مشاكل افتعلوها لاغراض سياسيه
اخيرا شرفت بزيارتك و نصحك مما يدل علي شخصية واعية عظيمة
استأذنك بالتجول بمدونتك التي تبدو من الوهلة الاولي ثرية غنية
تحياتي
maxbeta3zaman
عار على واى عار ان لا ارد عليك ولك ان تصدق لانها الحقيقة وما اعمانى الا الشيطان حتى لا اري تعليقك وارد عليه ، وكما تعلم انى اقرا بالعدسة وتلاحق الاحداث ومحاولة مجاراتها جعلنى لااتابع بدقة والغريب انى كنت اعد اليك عتاب على تقصيرك نحوى من وجهة نظري
انى اقبل راسك معتذرا عن تقصيرى رغما عنى وبسبب ضعف بصرى وانى واثق فى نبل اخلاقك بقبول اعتذارى والصفح عن خطا غير مقصود
كل عام وانت بكل خير فى جميع المناسبات
السلام عليكم
لا نملك غير لا حول ولا قوة الا بالله,
وحسبنا الله ونعم الوكيل.
مستنين ايه منا واحنا شعب نسى دينه واخلاقه وعايش بيدور بس على نفسه وهم بطنه,
ربنا يرحمنا برحمته وينتقم من كل ظالم جبار فسد فاي ارض واي دار سواء كان ملك او حتى جزار.
كل عام وحضرتك بخير
أستاذي الكريم ..
أظننا بحاجة لقصيدة أخرى غير قصيدة الأبنودي ..
ما رأيك في قصيدة أحمد مطر هذه :
عربيٌّ أنا أرثـيـنـي ## شقّي لي قبراًً .. و اخـفـيـني
ملّت من جبني أوردتـى ## غصّت بالخوف شرايـيـني
ما عدت كما أمسى أسداً ## بل فأر مكسور العينِ
أسلمت قيا د ى كخروفٍ ## أفزعه نصل السكينِ
ورضيت بأن أبقى صفراً ## أو تحت الصفرِ بعشرينِ
ألعالم من حـو لى حرٌّ ## من أقصى بيرو إلى الصينِ
شارون يدنس معتقدى ## ويمرّغُ فـي الوحل جـبـيـني
وأميركا تدعمه جهراً ## وتمدُّ النار ببنزينِ
وأرانا مثلُ نعاماتٍ ## دفنت أعينها في الطّينِ
وشهيدٌ يتلوهُ شهيدٌ ## من يافا لأطراف جنينِ
وبيوتٌ تهدمُ في صلفٍ ## والصّمت المطبقُ يكو يني
يا عرب الخسّةِ دلونى ## لزعيمٍ يأخذ بيميني
فيحرّر مسجدنا الأقصى ## ويعيد الفرحة لسنيني
عزيزي ماكس بتاع زمان
حمد الله علي السلامه و كل عام و انت بخير فكرتني القصيده باوبريت لسيد درويش
المهم انا المصري الغلبان الفدائي اللي بعت عمري لجيراني و دلوقت باكل من صناديق القمامه و شعبي عريان و مرمي في العشوائيات و لما غاروا عليا و عاوزين حته مني اتهموني بالخيانه
انا المصري المهان علي الفضائيات و اللي بياخدوا مصروف ابنه في المدرسه للتبرع بينا اغنياؤهم في اوروبا و امريكا اكلين شاربين و بايعين القضيه
و حماس العظيمه بتجري ورا كرسي سلطه بالي كان فضل لمين
المصري دفع و دفع و حضرتك ظابط و عارف اخدنا ايه؟
العزة و الكرامه في اننا نصون اجساد شعبنا الاول من البرد و الجوع و نعلمهم و نوعيهم بحقهم المسلوب
روح اتمشي في اسطبل عنتر و الدويقه و لا المرج و دي ابسط حاجه بس و انت رايح خد معاك كام بطانيه و بلوفر للعيال البردانه و بتجري علي المدارس و هي يتترعش
تحياتي
شمس النهار
لا ده له واحدة تانيه كمان ممنوعه اسمها الإسم المشطوب عن عبد العاطى صائد الدبابات الذى مات مريضا دون أن يدرى به أحد ودون أن يحاول أحد علاجه من التهاب كبدى ..وعبد العاطى هذا كان أشهر صف ضابط فى حرب أكتوبر؟؟
==========================
موجه فى بحر الحيه
الكل متألم لمنظر القتل اليومى والتخاذل فى العون يؤلمنا أكثر
============================
صفاء
كنا كبارا وكانت لنا كلمة وموقف ..فكنا محترمين فلما صغرنا وانصعنا للإملاءات صار العالم يقذف سفاراتنا بالطوب يوميا..وكل عام وأنت بخير
===============================
النور اللى بيهاتى ..آمين أولا ..
طب مادام الناس بتألهه وبتدلعه وتلمعه
موش يعمل اللى الناس عايزاه ؟؟ يعنى موقف حازم.. شخطه.. تهديد بقيقى بإعادة النظر فى السلام ...منع الغاز..حاجة كده يعنى تخلى لنا وش ..أو جزء من رقبه أكبر قليلا من السمسمة ...آمين وكل عام وأنتم بخير
==============================
عمرو
امس كان فيه ناس "أجانب" فى النرويج تحتج أمام سفارة مصرهناك ؟؟؟..واحنا طالعين نبرر التخاذل !!!
كل عام وانت طيب
=============================
شريف
واديها كمان -1و-2 و-3 ...الى ماينص سبعتلاف كده لما رمسيس طرد الهكسوس كل عام وانت والأسرة بخير
==============================
أحوال الهوى
أيام الفتوات لما الفتوة يشوف واحد بيضرب عيل والاست ماكانش يدور وشه ..كان أهل الحته يخلعو منه اسم الفتوة على طول ...كمان هو ماكانش يقف ويقول طب انتو يا فرافير معملتوش حاجه ليه ؟؟ الفتوه هو الذى يتدخل بدون النظر لدور الآخرين ويحاول تخليص الضحية من ايد المفترى حتى ولو كانت الضحية ست قليلة الأدب ..تصرفاتها موش عاجباه ..فقط لأنها بنت الحته..لايجب السماح بمرمطتها ..أهلا بك وتفضل وأرجو ألا تزهق من التعمق قبل الوصول لقصيده اسمها" مشمش يتحدث عن نفسه" تجدها فى بوستات أغسطس على ما أتذكر
أهلا بشاعر الأحوال الجويه
=============================
البيرم المصري
لا عتاب بين الأهل والأحباب ..وقد قال صديقنا حليم بلاش عتاب ..القلب العاصى تاب... مصدقت انه تاب ..كذلك حالنا كلنا لهتنا الأحداث والأخبار المفزعة ...لعل العام الجديد يحمل بين أيامه شيئا مختلفا
============================
سلمى
والله معظم الشعب عاوز نصرة المظلوم حتى وهو جعان ..بس فيه ناس مديانا أوامر نسكت ونبص الناحية التانيه عشان مانشوفش الضرب
==============================
ماما أموله
وأنت بخير وصحة دائما
===============================
الباحث عن ذاته
والله جميلة مطر ده شاعر همام ويقرأ الشأن العربى بعين واعيه ويعبر بصدق عن حالنا ..شكرا لك
===============================
some one in life
صحيح الاهتمام بشعبنا واجب وله أولويه لكن أيضا الجيران لهم علينا حق الوقوف بجانبهم بالموقف ...لأن من يضرب الآن هم أهل غزه بالكامل ...التخلى عن دورنا هكذا ليس فى صالحنا وادينا شايفين العالم كله بيحتج علينا وبيتظاهروا أمام سفاراتنا ...مصر لم تكن أبدا سلبية هكذا ..طب حتى بؤ تهديد ..مسانده موش تبرير للتخاذل ده حتى سيد درويش بيقول فى نفس الأوبريت: أحسن جيوش فى الأمم جيوشنا ## وقت الشدايد تعالى شوفنا## ساعة مانلمح جيش الأعادى ## نهجم ولا أى شىءيحوشنا ..
موش "نهرب ولا أى شىء يشوفنا" ..كما هو حادث الآن
ماكس بتاع زمان
معلش هاعلق تاني و مش غلاسه و الله
احسن جيوش في الامم جيوشنا لما كان عندنا جيش مش لما مصانعنا الحربيه الان بتنتج احلي و اجود بسكويت و تليفزيونات و كمبيوتر و شويه شويه كمان هاتنتج لبان بينما اسرائيل بتنتج نووي
احسن جيوش لما كان شبابنا صاحي مش غرقان في البانجو و الفقر
لما كان الرجاله بتشتغل مش بياكلوا من دم الستات
لما كان الراجل عندة نخوة مش بشوف حد بيتبهدل في الشارع و يودي وشه الناحيه التانيه و لا الفرخه الدايخه
احنا شعب مغيب يا فندم شعب جعان و نصه بقي عريان شعب الطالب بيتخرج من الجامعه مش عارف يكتب كلمتين صح و ابسطها الاخطاء الاملائية في المدونات
و قادة الجيش بتوعنا اكتفوا بمراكز اداريه او شرفيه في شركات و بتهيألي لو كان ابويا لسه عايش يمكن كان عمل كدة هو كمان بس مارجعش من الحرب و مش راجع
شعب مش فاهم حاجه في اي حاجه في عز الضرب و العذاب بيسألني واحد هاتقضي رأس السنه فين
ده شعب عاوز يفوق اولا علشان يفهم و بعدين يحتج و يساعد نفسه و انشالله يساعد عاشر جار
تحياتي
some one
صحيح أننا أناس لا تفيقنا الا الكوارث ..وحتى حدوثها لا يفيقنا إلا لثوان محدودة ..ونبحث عن كبش فداء نرمى عليه السبب دون حل جذرى لسبب الكارثة ونعود لنفس السبات بعد الهوجة ماتخلص انتظارا لكارثة جديدة ..وذلك أوجد بلادة غريبة فى الشعور هو ما نراه اليوم فى تصرفات الناس حولنا ...لكن يبقى شىء فى أغوار النفس - مردوم عليه و مغيب - اسمه النخوة
والله ما حد ممرمط كرامة مصر قد الناس اللى كاشية تقول انها مكسوفة من جنسيتها المصرية
انا معترضة على موقف مصر من 3 نقط
الغاز و المعبر(للادوية و الحاجات الانسانية فقط) و السفير بتاعنا اللى هناك لسه مش عارفة بيعمل ايه
غير كده و بالرغم من ان دور مصر الاقليمى فقد كتير من مكانته الا ان مصر لا زالت اكتر دولة قدمت مساعدة لغزة كفاية صمت كتير من الدول و اكتفاء الباقى بالتنديد و القمم الاقتصادية..ربنا يرحم اهل غزة و ينصف اهل مصر اللى اتبهدلوا من غير اى داعى
أنا حرة
لا محدش يتبرى من مصريته ...انما الموقف الحالى موش عاجبنا من ممثلى مصر الرسميين والأبنودى بيقول - وأنا معه فى قوله - ان احنا موش كده وعمرنا ماكنا كده ندير وجهنا عن اللى حاصل ونؤجل التجمع العربى ونروح لكبير تانى يحمل عننا التركه ..هوه ده اللى مخللى الناس ترشقنا بالحجاره وتلسن علينا ..العالم يعرف دور مصر - الكبيره- ..واللى انت ذكرتيه ده كان المفروض يتم من أولها ...الناس فى واد والأنظمة كلها فى واد ...فيه مواطن مصرى بسيط أبكانى موقفه كان واخد كرتونة شمع عشان مستشفيات غزه مقطوع عنها الكهرباء
اخى وصديقى . maxbeta3zaman
بعد تقديم كل مايليق بك وبمكانتك فى نفسى من تحية وشكرك على التعليق
تقديمك لقصيدة شاعرنا الابنودى ، ولا راى لى فى كتابتة وشعره الجميل ، فقط لم افهم (ومين اللى سرق شعله سكوت )
بصدق يا اخى لاافهم على وجه الدقة الدوافع لجعلنا فى موقف الخنوع لدرجة عدم الالتزام بحكم المحكمة بشان الغاز ، والاصرار على عدم جدوى طرد السفير
شكرا لزيارتك ولك تحياتى
اخى وصديقى . maxbeta3zaman
لي رجاء ، حيث انك كنت من رجال الجيش هل تذكر كتاب كان يوزع على الضباط تقريبا بعد 67 وفى هذا الكتاب بعض اعمال اليهود من جرائم منها ذبح مبشر لبنانى فى ايام محمد على
ان كنت تعرف فارجو ارسال اسم الكتاب او رقم ايداعة لانى قرات هذا الكتاب من قبل
لك تحياتى
max, you have many readers, congratulations!
your posts look like mine, a little introduction, then the poem. i wish i could read one of yours, as even your commentary is poetic! i'll reiterate what i wrote to you on my blog: i would love to read even a verse or two of a poem if you have the time and desire to translate yourself for me. i am moved by your poetic sensibility and your heart. the greatest poetry is heart, don't you think?
so i would like to have the chance to read you. suddenly, my second language, french, seems utterly insufficient, as it always feels when facing the multitude of beautiful languages in this world. there are two other languages i absolutely wish i knew, italian and arabic, but i don't have enough time left to become proficient in them; then add chinese, german, sanskrit, i would become a multifaceted person! (i do listen to arabic music, though--idir, natacha atlas, dalida, just discovered sami yusuf--i don't know much but i love what i have found, a unique and melancholic sound, rich with strings and acoustic instruments.
i wish i could read every language in the original. few great poets are even know due to the language barriers. one day we will speak in a spiritual tongue, the true language of poetry, but it will still be loaded with all its mystery and obscurity. i wonder if everyone will have the gift then; i doubt it. everyone will have his or her special place in the sun.
so good to meet you! let's talk more. my email is on my "dashboard". ~laura tattoo
فمين ساعدنا ع الوضع المهين..؟
أنفسنا ولا يوجد غيرها
فلا يغير الله ما بقوم حتى يغيروا ما بأنفسهم
تحياتى
أخى البيرم
طبعا الأبنودى خالنا وعمنا الجامد جدا شعريا ..وانا مثلك موش فاهمها لكننى اعتقد أنه يقصد مين اللى خلانا سكوت وخرس هكذافى المواقف التى لا تحتمل السكوت ولا الطناش ؟؟ والحمدلله ان طلعت "أم بودرة "المصرية اليوم لتذر بعض الرماد فى العيون
أما الكتاب فلا أظن أنى قرأته ..وانما أحيل الأمر لصديقى شريف فهو دفعة..وزميل سلاح ربما وقع فى يده..وأسأل لك بعض الزملاء الذين أعرف عنهم أنهم سوسة ثقافة وقراءة وان شاء الله نجيب معلومات عنه
moineau En France
glad that you visited my blog - witch is mostly poetry - actually the Arabic language is is very rich when used in poems , even daily used language gives the writer a very good tool to compose a poem ,here in Egypt very talanted poets are using normally spoken words in their poems others are using perfect Arabic , I'll try to translate one or two poems I wrote though translating poems can rip them of the rythem .
thanks for commenting
الى اخوانا العرب
هى جايه تقرا والا تنق علينا
بتقوللك قراءك كتير من غير ماتقول ماشاء الله والا حاجة كده من بتوعنا ياللا اهو عدينا المتوسط والسلام
السلام عليكم ورحمة
الله تعالى وبركاته
ماكس بتاع زمان ودلوقتى وبكرة كمان:)
مبروك ياأفندم التعدية للبحر الابيض
عقبال المحيط الاطلسى غربا والهندى شرقا
بسم الله ماشاء الله وربنا يزيد ويبارك يافندم بس فعلا فعلا فعلا وكمان واحدة فعلا كلام حضرتك وشعرك يستحقوا هذا واكثر(انا ما بحسد اهوه ماتخافش!!)نهارك
ابيض إن شاء الله وربنا ينصر الحق بأذن الله تبارك وتعالى
norhaty
الله يكرمك ..وعلى فكرة الست دى لها مدونة حاكتب رابطها لها مقالة كاتبه فيها رأيها فى الحرب الدائرة ورأيها عاقل جدا مع انها أمريكية وده خلانى أدخل عنها واشكرها على صدقها ووعيها بالأحداث.. واللى يحب يقرا شعرها برضه قوى وادى الرابط
http://moineauenfrance.blogspot.com/
بقلم: محمد سيف الدولة
تنص المبادرة المصرية الفرنسية على الآتي:
1- قبول الكيان الصهيوني والفصائل الفلسطينية بوقفٍ فوري لإطلاق النار لفترة محددة.
2- دعوة مصر كلاًّ من الكيان والجانب الفلسطيني إلى اجتماعٍ عاجلٍ من أجل التوصل إلى الترتيبات والضمانات الكفيلة بعدم تكرار التصعيد الراهن ومعالجة مسبباته بما يضمن إعادة فتح المعابر ورفع الحصار.
3- تجديد مصر دعوتها السلطة الوطنية وكافة الفصائل إلى التجاوب مع الجهود المصرية للتحقيق الوفاق الفلسطيني.
وهي في حقيقتها لا تعدو أن تكون دعوةً إلى التفاوض مع الكيان في ظل إكراه وتهديد باستعمال القوة، وهو ما يبطل شرطًا من شروط الإرادة طبقًا لقواعد القانون الدولي.
والإكراه في وضعنا الحالي ينشأ بسبب:
- عدم انسحاب القوات المعتدية؛ حيث لم تنص المبادرة على انسحابها.
- التهديد باستكمال العدوان إذا لم تقبل حماس الشروط الصهيونية؛ حيث تم النص على أن يتم وقف إطلاق النار لفترة محددة فقط لا وقف إطلاق نار دائم، وهو ما يعني احتمال استكمال العدوان إذا فشلت المفاوضات، وسيعتبر الكيان الصهيوني بالطبع أن عدم قبول حماس شروطه فشلاً للمفاوضات.
- وهو ما سيترتب عليه العودة إلى العدوان مرةً أخرى، ولكن هذه المرة سيعلن الكيان أنها بسبب تعنت الطرف الفلسطيني؛ مما سيترتب عليه تقليص المساحة الضئيلة من التعاطف الدولي الحاليِّ مع ضحايا غزة.
- أنها في خلاصتها لا تعدو أن تكون تفاوضًا على الأجندة الصهيونية.
إن الظروف الملائمة للتفاوض تتحقق فقط بالشروط الآتية:
- وقف العدوان، يليه ولا يسبقه إيقاف إطلاق الصواريخ الفلسطينية.
- ثم انسحاب القوات المعتدية إلى مواقعها قبل الحرب.
- ثم رفع كامل للحصار.
إذا تحققت هذه الشروط يمكننا أن نقبل التفاوض؛ فلا يجب أن نتفاوض أبدًا تحت التهديد الحاليِّ.
والقانون الدولي يحمي موقفنا؛ إذ تنص اتفاقية فيينــا لقانون المعاهدات الصادرة في سنة 1969م في المادة رقم 51 على: "ليس لتعبير الدولة عن رضاها الالتزام بمعاهدة- والذي تم التوصل إليه بإكراه ممثلها عن طريق أعمال أو تهديدات موجَّهة ضده- أي أثر قانوني".
كما تنص في المادة رقم 52 على أن: "تعتبر المعاهدة باطلة بطلانًا مطلقًا إذا تم إبرامها نتيجة تهديد باستعمال القوة أو استخدامها بالمخالفة لمبادئ القانون الدولي الواردة في ميثاق الأمم المتحدة".
سابقة تاريخية سلبية
لا تضعوا غزة في ذات الظروف التي حكمت المفاوضات المصرية الصهيونية بعد ثغرة الدفرسوار عام 1973م، والتي أدَّت إلى تنازل السادات ووقوعه في خطأ تاريخي بقبوله انسحاب قواته من سيناء وإعادتها مرةً أخرى إلى غرب القناة مع إبقائه قوات مصرية رمزية في سيناء؛ هي 30 دبابة و7000 جندي مصري، بعد أن كنا قد نجحنا في العبور بـ80 ألف جندي و1000 دبابة.
وهو الأمر الذي انعكس بشدة بعد ذلك بست سنوات عند الاتفاق على الترتيبات الأمنية النهائية في سيناء التي أعطت مصر ربع القوات التي كانت قد نجحت في عبورها بعرق جبينها وبدمائها، وهي الترتيبات المجحفة التي ما زالت مستمرةً حتى الآن.
إن المبادرة العربية أقرب إلى الموقف الصحيح؛ فهي تنص على:
1- إصدار قرار يُنهي أولاً العدوان الصهيوني على الشعب الفلسطيني في قطاع غزة.
2- الدعوة إلى وقف فوري لإطلاق النار.
3- الدعوة إلى رفع دائم للحصار وفتح جميع المعابر المؤدية إلى قطاع غزة.
4- السماح بمرور المساعدات الإنسانية وحماية المدنيين الفلسطينيين.
5- استئناف عملية السلام الفلسطينية الصهيونية.
6- وضع آلية لمراقبة الهدنة وحماية المدنيين.
وهي قد لا تتطابق تمامًا مع برنامجنا الوطني، بالذات في البند الخامس منها، ولكن هذا حديث آخر.
وفي النهاية يبقى شرط مهم للنجاح، وهو تصعيد الضغط الشعبي العربي خارج الأرض المحتلة في الساعات والأيام القادمة لدعم مركز ممثلينا في أرض المعركة.
وتحقيق هذا الشرط بيدنا نحن ولا حيلة لهم فيه
****** حمله المقاطعه
لا تستطيع ان تجاهد
لاتستطيع ان تتظاهر
لا تستطيع ان تتبرع بالمال
اذن قاطع وادعو غيرك للمقاطعه
منتجات كل من يدعم العدو
**** هل تعلم أن:-
1- شركه ستار بوكس(للكافيهات والقهوة) تدعم العدو ب 2 مليار سنويا من ارباحها
2- شركة فليب موريس (مارلبورو & مريت ) تدعم العدو وتدفع بصفة يومية ما مقدارة 12% من ارباحها.وعليه فإن مدخني العالم الإسلامي فقط يدفعون كل صباح 12 مليون دولار اي ما قيمته طائرة اف-16 كل اربعة ايام .
*** قائمة المقاطعة
ستار بوكس
ماكدونالدز
برجر كينج
كنتاكي
بيترا كينج
كوكاكولا
بيبسي
فردركرز
شيليز
لنوقف شراء البضائع الأمريكية والبريطانية لشهر واحد فقط
سوف تكون تكلفة هذا الشهر عليهم خسائر مقدارها
37 بليون دولار
***
السلام عليكم استاذ ماكس
عديت عيك اكتر من مرة اشوف ايه الجديد عنجك بس انت كنت مسافر زي ما قلت في بداية كلامك
المهم لما جيت لقيت آخر كتاباتك مش من كلماتك و من كلمات الاستاذ الابنودي و ده طبعا مش حينفع نتناقش في كلامه...
بس انا بحب كمان اقرأ التعليقات وشدني التعليق الانجليزي العظيم :)))))))))))))))))))))))))))))))))))))))))))))))))))))))))
ايوة يا باشا هو ده الكلام
ونقول ماشاء الله عشان مكنش بنؤ عليك ولا حاجة ربنا يوفقك يا سيدي بس ابقى افتكر اخوك السنكدري الصغير هههههههههههههههههههههههههه
حسيبك للترجمة و سعيد بعودتك
الحسينى لزومى
اى مبادرة ولا حتى قرار لمجلس الأمن لن يكون له أى موقع من الإعراب إلا إذا أحس الصهاينة بالفشل أو الخطر ..والمصيبة ان المقاومة حتى رفضت المبادرات والقرارات ..وده خلى المعتدى يزود القتل ...أما بطل السيما الحقيقى فهو من فنزويلا واسمه شافيز
المقاطعة واجب وهيا اليها
البندوق
انت فين ايها الغاطس الخفى
حاحكيلك عاللى حصل مع اهل الفرنجة فصل مضحك جدا ..قلت اترجم قصيدة من بتوعى واخترت واحدة كده كان فيها عبارة عريس وعروسة ..وانا منهمك فى الصياغة والترجمة واختيار اللفظ الأقرب رحت زى الباشا كاتب
bride & broom وطبعا برووم دى تبقى المكنسة ...وطبعا بعد ما قريت الموضوع وبعته من غير ماخد بالى من النكته الفظيعة دى وانا دلوقتى عرقى مرقى ..الست تقول علينا إيه عرايسنا مكانس ؟؟..بعد كده موش حاتكلم الا ومعاى المحامى ...يظهر يابندوق الواحد لما يكبر الرامات بتضرب ..
ماتخافش أى حاجة تيجى من بره حاخد القشر بس واديك القلب ...يابندق
دابراهيم سماحه
أهو التغيير حدث وعملنا ام بودرة المصرية يارب تنجح وتتوقف المجازر دى
هل رأيت شافيزا ياسماحه؟؟
ماكس
ويبقى الحال كما هو عليه.. لا كلام نافع ولا السكوت نافع..
Happy
بيبقى الوضع .... والمتضرر يلجأ
حتى وبعد لجوء المتضرر "للقضاء" اللى
هو مجلس الأمن ...لم يجدى القرار ولا الغضب الدولى نفعا مع الصهاينة واحنا قاعدين نشتم و نخون فى بعض ..مع استمرار بحور الدم وامتلاء الثلاجات بالقتلى ...ونفاجا بدولة أخرى مثل بوليفيا تقف وقفة الرجال ...كان الله فى عون أولى الشعور
maxbeta3zamanاخى وصديقى
السلام عليكم ورحمة الله وبركاته
صديقى العزيز اهلا بك ومرحبا ، وبالمناسبة ذكرت فى ردى على الاخت مجداوية انها قد تجد معنى اغنية الابوح واللعبة عندك لان انطباعى عن شخصك ان لديك قدرة على التحقيق وجمع شتات الا شياء ، ولعلى استفيد من معلومتك هل هذه الاغنية ظهرت بعد النكبة ام متى
ابوح يا ابوح
كلب العرب مجروح
وامه وراه بتنوح
يا طالع الشجرة
هالت لى معاك بقرة
تحلب وتدينى
بالمعلقة الصينى
والمعلقة انكسرت
صدقنى انى اسعد لمجرد رؤية ماكس بتاع زمان ،
لك تحياتى والسلام عليكم ، ولا سلام مع اليهود
اين انت من زمان
منتظرين انتاجك و ابداعاتك
تحياتي
أبو البيارم الصداح
سعدت جدا بالقصيدة لمعناها وروحها الشعبية الفولكلورية ..وتصور أن هذه الأغنية أسمعها من مدة وليست وليدة النكسة يمكن يكون لها علاقة بنكبة 48 لأن فعلا اشمعنى كلب العرب يعنى ..وبعدين كان فيه فى الستينات ..أدباء وشعراء يتناولون اللامعقول ويكتبون عنه ومنهم توفيق الحكيم والشاعر العظيم عبد الفتاح مصطفى الذى كتب عدة أغنيات عن اللامعقول مثل هنا مقص وهنا مقص هنا عرايس بتترص ....وأغنية أخرى كانت فوازير لا معقوله مثل تساؤله على لسان الثلاثى المرح وثلاثى النغم " والزر اللى ما لوش طربوش ؟؟
ترد المجموعة ..زر خيار ..زر خيار وهكذا
وعلى فكرة عبد الفتاح مصطفى كتب أروع أغانى أم كلثوم
نائب تجرى دموعى ندما
يا لقلبى من دموع الندم
ليتنى ذبت حياء كلما
جدد العطف عطاء المنعم
أخونا أحوال الهوى
تصور أخى أنى كنت فى مهمة عمل فين بقى ..الغردقة !! والكل هنا عمال يقوللى _ مع الغمز بالعين اليمنى وربما اليسرى .. أيييييوه يااااااعم رايح الغردفة فى عز الموسم والبحر والفرفشة ..وانا هناك لا أعرف من الغردفة سوى الفندق والدورة التدريبية طول النهار ..والفندق كله ناس مأجزين ومفرفشين ومأنتخين على الرمال فى الشمس "كلهم روس ...واحد منهم قعد قصادى فى العشا مرة وحول يكلمنى ...لا يعرف سوى الروسى ..تفاهمنا بلغة الإشارة والرسم فى الهواء ..كل ما فهمته منه أنه من أذريبيجان وأنه فى الجيش الروسى ويلعب ملاكمه إجبارى ...هذا ما غيبنى طول المده الماضيه إضافة لمسئول الآى تى فى الفندق الذى منع النت الموجود والذى فتحته لمدة نصف يوم لا سلكيا ثم وضعوا عليه كلمة سر قفلته عنا ..ولا أخفيك مدى اكتآبى من حرب غزه وغضبى على موقفنا الضعيف فكنت مكبوسا مزعولا مفروسا وما فشنى من الزعل سوى رجب طيب أردوغان الذى تظربن عن حق ونطق بما لم ينطقه أى لسان عربى ..عاش أردوغان حبيب الملايين
السلام عليكم ورحمة
الله تعالى وبركاته
ماكس بتاع زمان
ودلوقتى وبكرة كمان
حمدلله على السلامة من الغردقة
من غير عين بتغمز لايمين ولا شمال:)
لكن اقولك لك حق تزعل من حرب غزة
ومن مواقفنا كلنا تجاهها لكن الف سلامة عليك من الفرسة ومن الغيظ.
ربنا يقيض لنا من يهدينا ويهدى حكامنا لخير الاسلام ولرفعة
شأنه.
امين
norhaty
السلام عليكم ورحمة الله وبركاته
عدنا بسلام من حور جاده ويبدو ان هذا هو الاسم القديم للمكان فقد دفعنى الفضول للتأمل فى العلاقة مابين الاسم الإنجليزى هيور جادا Hurgada وبين الغردقة طلع انه فيه اسم موش عارف رومانى والا بيزنطى والا فرعونى وهو حور جاده ...واللى يفتى فى الموضوع ده واحد من اتنين أعرف انهم يعرفون عنى فى التاريخ ومهتمون به واحدة اسمها كيارا دليل الحيارا والتانى اسمه فشكول زعيم تأصيل الأصول
وما فشنى سوى الرجب الطيب التركى التمام ..وما فرفشنى سوى قصة الحب الطوبية البطحية السطوحية عندك
وكانوا يقولو"مصر"الشمس تطلع
حقيقي فعلا
صدق الأبنودي
واختيار موفق جداجدا
أول مرة أقرأها بصراحة فعلا
ربنا يكرم حضرتك
Post a Comment