انه دكان للخردوات نبيع فيه الخواطر والذكريات.. ونشارك بالقصص ونقرأ من خلاله أفكار اهل الدكاكين المجاوره ونسمع منهم كما نحكى لهم - هو مكان لتواصل جيل أوشك على الرحيل مع جيل هو بطل المستقبل القريب ...

Thursday, August 19, 2010

من أرشيف القصائد

وجدت هذه القصيده \ الفكره فى فايل مركون فى الحاسوب كانت احدى التعليقلت قد اوحت لى بفكرة القصيده واسمها أحبينى بلا عقد ...كان التعليق يقول ان بعض سطورى تشبه قصيدةاحبينى بلا عقد ...لكاظم الساهر أو النايم بعد السحور ....فأنا قلت اما اشوف ازاى جانى توارد الخواطر ده مع فنان زى ده بيقف على السلم فى فيينا فتجتمع حوله عرايس أوروبا كلها يرقصن ويتمايلن معه ...من أنا ليتلم حولى دستة كومبارس حتى ...سمعت القصيده فجاءنى عفريت الفكاهه فصغت هذه السطور بعنوان (أحبينى بلا عقد ولا شراشيب) وكتبت منها نصفها وركنتها ثم كل ماأفتح الملفات للتنظيف الاقيها أقوم خابطلى بيتين واركن... لحد النهارده قلت اما اقفل العملبه الدراميه الفكاهيه دى ونخلص بقى

أحبينى بلا عقد ولا شراشيب
أحبينى بلاش ويايا شغل الديب
ولو قولتيلى حا نسيب بعض دوغرى حاسيب
لأن انا مخى موش فاضى لــــد ى الألاعيب
زمايلى تحت ع القهوة وطالبين طقم شاى بحليب
حاروح العب لى دور طاوله على دومينو بلا تعذيب
شافولك شخص كان جاهز؟.. كمان كسيب !!
عرفتى فين بقى العقدة ....من الشراشيب

أتارى الحب كان بارد....مالوهش لهيب
كمان زن الودان شغال ززز وسهمه يصيب
تقوللك اصلى موش شايفاه مثال لحبيب !!
مانيش شايفه رومانسيه ..مالوهشى نصيب
وأحلامه.. مفيش طموحات... تصيب يا تخيب
باصصلى لتحت عالكوتشى وعينه لم رمت لبعيد
صاحبنا الموكن واد جاهز ...باينه قريب
لطنت ..وجوز خالة مامته.. لخالها نسيب
فيعنى.. زيتكو ف دقيقو ..وحشو.. زبيب
مالك انت وواد فاشل ...معندوش قرش جوه الجيب
يمرمط فيك وتعيشى ف ضنك وفقر بلا نيلة دا حتى عيب
قريبنا ده راجل قيمة وشهم وسيمة.. قولى ...يجيب
دا والا الفقرى ابو وردة .. وده يفسر ..وده بيعيد
سمعت وكنت ع البسطة حارن الباب ...بعدت الإيد
رميت كوز الدرة المشوى ..فعصت الفل.. مت أكيد
مشيت زى عمرو دياب ..وبطاقيته ..وزيه لما قال انا قلت
انا عايش وموش عايش... لكن قادر على بعدك
كمان قادر ..أحب كمان واجيب واحده أكيد بعدك

13 comments:

شمس النهار said...

:))
ده كده مش حب
ده كده سجادة
من عند ماااااك
:))

أتنين حبيبين said...

ههههههههههههههه

مش معقول تكون دى قصيده
بس بجد والله دمها خفيف
وضحكت من قلبى
ربنا يسعدك زى ما اسعدتنى

ههههههههههههههههههههههههههه

تحياتى
توتا:))

maxbeta3zaman said...

الى شمس الأصيل التى ذهبت خوص النخيل (مع تشديد الهاء المفتوحه )
طبعا ده موش حب ..انه حب العريس اللى موش فاهم الدنيا ماشيه ازاى ..وهو تصوير للواقع الحالى ألم ترى أغنية "طه انتهى" فى وش إجرام محمدهنيدى -لبلبه ..وكذلك همام فى امستردام ومثلهم أحمد حلمى مع خطيبته الجريجيه بتاعة الدباديب التى وقف يبيعها باكيا.. ولم ينصفه سوى ياسمين عبد العزيز -بنت البلد - فى صايع بحر تماما كما قال شكوكو زمان فى مونولوجاته
أحب بنت البلد من حسن عشرتها
إذا اشتكيت الفلس ترهنلى حلتها
وتأملت فيها قصص بريد أهرام الجمعه لعبد الوهاب مطاوع
هى سطور تمثلت فيها قصص بريد الأهرام لعبد الوهاب مطاوع وبرنامج الإذاعه القديم من الحياه ...وتأملاتى الشخصيه فى الحياة العصريه ...ففعلا ده موش حب انه سجاده يدوى 16 عقده ..بس من عند سجاد دمنهور وليس ماك

maxbeta3zaman said...

اثنين حبيبين
اوعوا تبصوا على البتاعه دى دى مجرد شطحه جاتنى من رد وتعليق من احدى المدونات هى التى وجهتنى لكتابة الكوميديا البايخه دى ..وحتى كنت راكنها ولا أتذكرها الا عند تنظيف الملفات التعبانه ..فأمس وأنا أكنس الهارد لقيتها قلت اكملها وبثيتها كده يعنى تفاريح ..زى البمب اللى العيال بتضربه فى رمضان ...بس انا باحضر للبومبه الكبيره بقى ...الأوزون وجهاز الأوزون المنزلى ...واستخداماته العديده والمفيده جدا جدا ...ده انا جبت لأسرتى - وهى أسرة كبيرة العدد جدا - كل واحد جهاز أوزون منزلى ولسه طلباهم لم تنتهى الصحاب والقرايب ...لقد أصبحت موزع البريد الأوزونى فى اسكندريه على أهلى وأصدقائى والكل ماسك فى زمارة رقبتى عاوز جهاز والا ...

الشاعر الفنان أحمد فتحى فؤاد said...

يا جامد يا قوى

ربنا يكون فى عونها

تحياتى

maxbeta3zaman said...

أحمد فتحى الفنان
ولا جامد ولاحاجه دنا حتى راجل غلبان
ماتلاقى غير بقين ..طالعين من نص لسان

أم الخـلـود said...

بصراحة أنا زعلت على كوز الدره المشوي إللي رميته مش حرام عليكم تسبني جيعانه كدا وتستخسره فيه

يا قاسي بص في عينيه وشوف طرقعت الدره

ألف سلام وتحية لكل الناس الحلوة بس وربنا يكتر الشراريب

اقصوصه said...

رمضان كريم

وكل عام وانتم بخير :)

سـولــو - QŁρ 7žēŋ said...

ايه رايك بقى نعلمها اغنيه ونخلى كاظم يغنيها

سـولــو - QŁρ 7žēŋ said...

ايه رايك بقى نعلمها اغنيه ونخلى كاظم يغنيها

maxbeta3zaman said...

طازه وعال يام الخلود
حلوه وعال يام الخلود
طازه
هكذا فالت فرقة الفنون الشعبيه يوما ما فى السبعينات ...ما علينا ..لا تزعلى على كوز الدره لأن البطل المهزوم فى القصه عاد والتقط كوز الدره اللى رماه ومسحه بكمه من التراب ونزل أكل فيه بنهم قائلا حساره فيها وفغيلتها الدره والبطاطا المشويه ...آكلهم انا أحسن ..كما أنه التقط غقد الفل الذى كان سبق وفعصه ..وأخذ يشم فيه بنهم ويقول غاضبا ...خساره ف منخارها اللى زى كوز الصفيح والا شكمان العربيه ..وقد سمعته طنت ام اللى ماتتسماش فعاحلنه بجردل ميه موش نضيقه على راسه وهو يقول هذه الكلمات ...هذا وللحدبث بقيه فى القصيده التاليه

maxbeta3zaman said...

أقصوصة قصت علينا قصصها
فبدا لنا جد الحدبث وزيلت احساسها
خير الجليس كتابها وعصيرها
عنوانه عنوانها
وخلاصة تظفر بها
وتبثه أخوانها
أتعم به ...أنعم بها
أهلا بها ...أهلا بها

maxbeta3zaman said...

.؟؟ . أيها السولو
العزف المنفرد أتظن أن الساهر

الذى لا ينام أبدا من واقع اسمه
برضى أن يغنى كلاما فيه كوز الدره وحبيب بيتبهدل ..آى نعم مره خدها عوم" وكان حا بغرق لما قللك"
كل مره احس الموج جوه اشهاج انفاسى "
وموش عارف ايه على راسى
وباينه كان شايل الحلوه على دماعه وهو معدى الترعه وكانت تقيله بدرجة انها كانت حاتغرقه وكان بيلقف التفس كده ههه..ههه .مع الحشرجه .يعنى هوه شعبى وبينزل الترعه بس "كوز دره" وعريس مريش ياكل منه المزه بتاعته؟! ..دى موش سكة الساهر دى سكة شعبولا وسكة حكيم الذى لديه من التناحه انه يجرى ورا الحبيب ويصمم على بوسه وبقوللك :أجرى عليه وابوسه شوف التناحه !! ..أما أخونا الساهر فالمزز هى التى تترمى عليه وتجيب له دباديب كتير جدا لدرجة انه بيبيعهم تانى للراجل اللى واقف بره

About Me

My photo
أحب الثقافة والفنون والشعر وتبادل الأفكار النافعة والهوايات المتعددة والمصنوعات اليدوية والرسم والمسرح والأغانى القديمة ذات المعانى الراقية والأفلام الكوميدية اتقن الكثير من الأعمال اليدوية (اصنع بنفسك )واهوى أصلاح أى معدة تتلف : حته جديده بقى أنا الماكس فى أحشائه الضحك كامن فهل ساءلوا بلوجاتى عن طرفاتى