متعمللك بلوج زى الناس دول
كانت تلك كلمات صديقى عابدين الذى شجعنى وجاءنى وهو القاهرى وانشأ لى بلوجا اكتب فيه .. كان الأمر سهلا وهو بجوارى كده تدخل .. كده تدوين .. كده تعليق .. كده تسليك وكده توليع ... حاجه شيك وزى الفل .. حفظت الحطاوى ساعتها وكتبت 4 بوستس وقرأها اصدقائى المقربين فقط وانشغلت فى زواج ابنى الكبير وبعدين جانى خاطر اكتب شىء عن هذه المناسبة قلت اكتب ...جيت افتكر ازاى الدخول كيف افتح الدكانه ... افتح ياسمسم غلط ... طب يا فول ...غلط برضه
تملك الغيظ من الأسد فراح يخبط بصباعه على الحاسوب ربما يتذكر شىء عن الماضى الذى محى تماما محو الدليت للملفات طب اسمك إيه ...موش فاكر طب كلمة سرك إيه برضه موش فاكر طب ميلك إيه ياهووو والا جى ميل ؟ ياعم البلوجات والله انا لو فاكر أقول على طول بس انا الزهايمر ضربنى فى مقتل ومحى المعلومات من مخى تماما ...هنا صاح عفريت البلوجات الخفى بصوت رنان ... الواد ده باين مخه ضارب اعملو له بلوج جديد باسم جديد وعلى الله ينساه تانى ... لو جه هنا وقال انه نسى... أو نطق حرف واحد من كلمة معلشى... تحضروا السيخ المحمى طوالى أول ماسمعت الكلام بتاع عفريت البلوجات ده غاصت رأسى بين أكتافى وقلت توبه من دى النوبه ياعم البلوجاوى ده أنا حتى حاكتب اسم البلوج ده وكلمة السر بالحبر على الكومبويتر من بره بس على الله الست اللى بتنضف ما تفتكروش وساخه وتمسحه .. زمجر العفريت قائلا ....هااااه وبعدين معاك ..خلاص خلاص انا ماشى ياعم وهكذ اضطررت لعمل بلوجا جديدا ادعو الله أن تظل ذكراه فى مخى حتى لا أقابل عفريت البلوجات مرة أخرى لأن منظرى كان وحش جدا وانا ماحى
ولو فيه حد يعرف يجيب البلوج التايه بتاعى واضمه على ده يبقى له الحلاوة .. 
2 comments:
مبروك شكلا وموضوعا
اتمنى أن تدخل الى البلوجات المختلفة حتى من هم يعلقون عندى
كلهم سيعجبون بكتاباتك وقد ذكرت بعضها واشهرهم القنبلة الفولية
اطيب تمنياتى
والله نفسى أدخل على جماعة الخير بتاعتك لكن ابقى كداب لو قلت لك انى شفيت من الزهايمر ده أنا علقت على دى بالعافيه بعد ما كل متنى ... والنبى انت توصف الدكان :-هذا هو دكان صاحبى ماكسبتاع زمان ومحله المختار مكتب البلوج الفولانى بجوار محل العصير فخفخينا مباشرة
Post a Comment