انه دكان للخردوات نبيع فيه الخواطر والذكريات.. ونشارك بالقصص ونقرأ من خلاله أفكار اهل الدكاكين المجاوره ونسمع منهم كما نحكى لهم - هو مكان لتواصل جيل أوشك على الرحيل مع جيل هو بطل المستقبل القريب ...

Wednesday, December 8, 2010

ذكريات كنديه







اولا هذه أول مرة اجد الحروف العربية تحت أصابعى وأجد نفسى بعد أسابيع ثلاثة اكتب فقط بالأنجليزية خطابات وردود لأصدقائى وعائلتى اجتر فيها مابقى من كلمات انجليزيه لأصف ما أنا بصدده وما عايشته فى بلاد الكانديان ..أنا الماكس بتاعزمان ...فمع اننى بتاع زمان لكنى احب الحداثة والنظام واحترام الانسان واحب البلاد الفتية الناهضة الهادئة ...والمهدئة للأعصاب ...لا تصادف وجها متوترا كالذى نرى هنا حولنا فى كل مكان لم اشهد خناقة واحدة فى أى مكان تواجدت فيه.. فى الطائرة يسهرون على راحتك وفى المطارات ييسرون لك تحركك ويفتشونك بدقه ...لكن بأدب واحترام يسألونك عن سبب الزيارة ...ولا يقولون لك ..لا ياشيخ ....والنبى ايه فهم يصدقونك والأصل فى الانسان ان يقول الصدق ...تشترى شيئا فيودعك البائع ويستقبلك بقوله يوما سعيدا سيدى هاف اي نايس داى ..ركبت الأتوبيس خطأ 73"بى" والمفروض انه "سى" واكتشفت ذلك بعد ما انحرف يمينا على غير ما اعتدت فذهبت اليه- السائق- اسأله عما اذا كان الأتوبيس المعتاد الذى اركبه يوميا ...فأشار بإصبعه الى لافتة برتقالية فوق رأسه انه "بى" وانا الغلطان لعدم تثبتى من الرقم قبل الاندفاع والركوب ...ذن وات كان اى دو تو ريتش ماى استوب ..سألته مستفسرا ...فلم يقل لى" ابقى فتح عينك يا روح امك "..ولم يعقبها بقوله" انا عارف البلاوى دى بتتحدف علينا منين" ...انما قال لى فى هدوء وأدب جم ...تفضل بالجلوس مكانك وأنا سأعيدك لنفس المكان الذى صعدت منه ...لتركب الوجهة السليمه ..هذا مثال على تعامل الناس مع بعضها البعض.. الهدوء والعون ...أما البرد فحدث ولا حرج فى اليوم التالى لوصولى مباشرة اردت أن اتمشى فى الفجر حول المنزل كنوع من التريض واستكشاف ماحول المكان ...انا أصحو عادة مابين الثالثة والرابعة فجرا والكل حولى نيام ..(.مواهب لص هجام منازل فعلا) ..وحتى لاأحدث ضجة لمضيفى أمشى على أطراف أصابعى لكن القطة الضخمة تفضحنى وتجرى ورائى محدثة جلبة ..احضر الكاميرا >>التقط صورا للحدث النادر - بالنسبة لى فقط -
أطل برأسى خارج البيت لأجد الدنيا قد ابيضت تماما ...نزل الثلج الأبيض الرقيق كنتفات القطن الهائمة حول المنجد عندنا وهو ينجد لحاف العروسه ...ولا يتوقف نزول الثلج وهناك فرق فى تسمية نوعى الثلج تعرفونها طبعا سنو -وآيس وأظننى فى غنى عن شرح الفرق بين الصنفين ...خرجت رغم التساقط المستمر والبرد اللاسع وغطيت رأسى ومضيت اكتب على الثلج مسجلا بداية سقوط أول دفعة منه على سيارة صديقى كل ماحولى غطاه الثلج الأبيض الخفيف ...سارعت لأخذ صور بالكاميرا الصغيرة فهذه أول تجاربى مع الثلج المتساقط ..اليوم زيارة لأحد معامل كلية الهندسة هنا ...وكان فيها دعوة على غذاء خفيف "لانش " يعنى ومع برودة الجو غير المعهودة ورائحة الشواء التى تشنف الأنوف قبل الآذان قام الحضور جميعا إلانا "أنا وصديقى " فقد كنا الوحيدان الممنوعان من هذا اللانش لكوننا صائمان ..عدنا لنجد حفل افطار هو نفسه العشاء مع ان النفرة انتهت فى عرفة من زمن لأننا على فرق توقيت 7 ساعات متأخرين عن القاهرة ...باكر هو اول أيام عيد الأضحى ...أول عيد أضحى أقضيه خارج موطنى من زمن ...كنت متلهفا على حضور صلاة العيد هنا لأرى ما تعنيه للناس وكيف يحتفلون وكم عددهم النسبى فى أوتاوا العاصمة ..الصلاة فى صالة الرياضة بالجامعه صالة واسعة جدا ارضيتها باركيه التواجد كثير حضرها ما يقارب 5 آلاف فقط فى الجامعه وهناك أكثر من باحة للصلاة فى أوتاوا.. الأطفال مع اهاليهم والزينة والماء والحلوى والتكبير الرنان الله أكبر الله أكبر الله اكبر لا إله الا الله ..الله أكبر الله أكبر ولله الحمد ..يقولها من هناك فى الميك ويصدح بها الجلوس جميعا فى صوت يذكرنى بالحج ...الصلاة فى التاسعة صباحا ولا أثر للنحر هنا يبدو انه ممنوع مثل باقى البلاد الغربية الناس تشترى لحما مجهزا من محلات أحسنها اللبنانية ...لبنان هنا له تواجد ضخم فى مجال البقالة والعيش والتجارة عموما
عدنا من الصلاة لنحادث الأهل فى مصر ووجدناهم على مائدة العشاء ونحن فى صباح العيد ...العيد هنا فته ولحمه وتجمع مصرى عربى عند حليم صديقى وكل عام وانتم بخير

15 comments:

العنقاء said...

هاي ماكس بتاع زمان
nice name by the way
ومدونة لطيفة مبدئيا
بانتظار رؤية صور التلج
كل المغتربين عن مصر بياخدوا بالهم من فرق المعاملة والتصرفات الحضارية
لي أصدقاء كثيرون مهاجرون إلى كندا وفي كل عودة مزيد من الحكي عن الوجوه الباسمة وتنظيم الوقت
واحترام حرية وحقوق الإنسان
انا ايضا مغتربة عن مصر وإسكندرية
رغم انني في دولة خليجية إلا ان الفروق أيضا واضحة جدا

اجازاتي الى مصر اصبحت مراحل من العذاب
ضوضاء ووجوه كئيبة وأخبار مزعجة
تعامل غير آدمي بالمرة بلطجة جشع
ربما افضل اوقات الإجازة هي فقط حين الذهاب إلى المصيف في شرم او الساحل الشمالي أو العين السخنة
المهم
طريقتك في الكتابة والسرد تشبه المحترفين
تحياتي

maxbeta3zaman said...

أهلا بك جيهان ..اللطف والكرم منكم ان تفضلتم بزيارة دكاننا المتواضع الذى نحكى فيه عن تجارب ومرئيات صادفتنا وتعلمنا منها تكلمنا كثيرا انا وصديقى القديم حليم المهاجر لكندا منذ السبعينات عن سبب الهدوء والبشاشه على وجوه الناس هناك واتضح لنا ان سببها العدل واحترام القوانين وعدم وجود تمييز لأى فئة فى المرور والمعاملات ..المميزون فقط هم كبار السن وذوى الاحتياجات الخاصة لهم مواقف محدده لا يحتلها احد غيرهم حتى السيده الحامل لها موقف خاص قريب عادة من باب المول والباص به مصعد ينزل فيركب من على كرسى متحرك ويثنى له المقعد الأمامى ليجلس بكرسيه ..والباص يأتى فى موعده المحدد بالدقيقه للمحطه فلا يضيع وقتك فى انتظار طويل ..هناك اكتشاف لمواهب الصغار المبكره وتوجيه مبكر لهم ليعملوا فى المجال الذى يحبونه ويبرعون فيه ...وجوه كثيره يختلفون فيها عنا نحن اهل الشرق واتمنى لو نقتبسها بدلا من اقتباس الخيابه والمحزق والملزق والوسط النازل كاشفا عن البوكسر ..الناس هناك يعملون من قبل طلوع الشمس حتى الخامسة أو السابعة مساء ...كنت اصحو قبل الفجر لأرقبهم وهم يجرون فى نشاط الى عملهم ومدارسهم والبخار يطلع من انوفهم من البرد ولا تتوقف الحياة مع كل هذا البرد والثلج
تحياتى لك وابقى خلى بالك م القروش لما تروحى شرم الا دى حكايه هى كمان موش كفايه القروش اللى ع البر كمان اللى فى البحر عماله تهبر فينا ...أهلا بك صديقة وكمان اسكندرانيه اكرم وأنعم بها من بلد

شمس النهار said...

بصراحه الواحد بيرجع من الزيارات دي متغاظ جدااااا

بلاقي ان مصر ممكن تبقا كده واكتر

مش اسكندريه كانت جميلة كده زمان

دلوقتي الكورنيش بقا غابه من الاسمنت

البلاد حوالينا بتنهض وتتقدم واحنا عايشين علي الذكريات

Mohamed said...

مرحب بحضرتك في كندا..تتشرف أكيد بزيارتك ليها
اتوا جميله أكيد ..التجمع العربي هناك و النظام حقيقي رائع..لو اخترت مدينه اخري في كندا للعيش بها أكيد حختار اتوا
اول مره ازور مدونة حضرتك و قضيت وقت
اتصفح الزكريات الجميله..متابع إن شاء الله
مرحب بك في كندا مره اخري مرحب بيك ي
لو احتجت اي شيء في مدينة تورونتو أو اتوا
مرح بيك يا دكتور في اي وقت
كل التحيه و التقدير

maxbeta3zaman said...

شمس النهار
والله انا أعود ممتلئا بالحماس ان تصبح بلادنا مثلهم وناسنا كناس كندا فى ابتسامهم وهدوئهم واتمنى ان تصيبنا عدوى النظافة والنظام الموجوده هناك وأن تملأ صحارينا المياه فتخضر كما غاباتهم وأن ننصرف كمجتمع عن مراقبة غيرنا والكلام عليه وتقطيع فروته ونتفرغ للعمل ..وأن يكف الحراميه عن نهب البلد ..وأن توظف الضرائب التى تحصل فى خدمة الطرق والتعليم والعلاج والمواصلات ..وأن نصبح منظمين مثلهم وتعلوا عندنا القيم النبيله كما يأمرنا الدين ويزيد الاحساس بقيمة الوقت والزمن فلا نضيعه هباء لقد شاهدت كيف يهرع الناس لعملهم بمنتهى الحماس فجرا والشمس لم تطلع بعد وكيف تزدحم الطرق بهم عائدين فى السادسة مساء وليس الواحدة ظهرا كما عندنا كل ذلك لم يصيبنى باليأس بل بالحماس لقد
اشتريت من مالى الخاص جهازا للكشف على أعطال السيارات الحديثه وأنوى استخدامه متبرعا لتدريب المهندسين والفنيين على استخدامه فى الكشف على اعطال السيارات وبدونه لا يمكن معرفة الخلل فى أنظمة السيارات الحديثة ..انا بالعكس تزيدنى هذه الزيارات حماسا لنقل الجيد فيما شاهدت والاستفادة منه ..وأحمد الله على مانحن فيه من جو معتدل برده مقبول وحره يمكن التغلب عليه ...وأتمنى ان يصبح شبابنا فى جديتهم وأن يقلدوهم فيما ينفع فقط وليس فى المظاهر الخايبه كما يفعلون

maxbeta3zaman said...

mohamed
طبعا انت لست خواجه يامحمد انت كنداوى المعيشة ويبدو أنك أوتاواوى السكن أنا قابلت العديد من المصريين من جامعة كارلتون ومن تورونتو حيث جمعنى بهم صديقى القديم يحيى عواره المقيم هناك ..ولو كتبت لى تليفونك سأتصل بك انا عندى الآن خط مباشر يجيب كندا وأمريكا على طول ..ويسعدنى جدا زيارتك والتحدث اليك يا محمد هو انت فى تورونتو ؟ انا احب هذه المدينة جدا هى أكبر المدن وأقواها اقتصاديا وفيها الجاليات المختلفة الأعراق والأصول تصادقت مع اناس كثيرين من البائعين ودهشت لتذكرهم لشخصى فى زيارتى الثانيه منهم شاب كاميرونى على مدخل محل بست باى داون تاون تورونتو تحدثنا كثيرا عن فريق كرة القدم المصرى والكاميرونى ..هو شاب لطيف باسم الوجه ..اتمنى لقاءك فى المرة القادمه لأنى قادم فى الصيف ان شاء الله

Mohamed said...

مرحب يا دكتور مره تانية
أنا طالب في جامعة يورك يا دكتور في تورونتو-عربي الهويه-كندي الجنسيه-مصري من اعلاني حتي اخمص قدمي,مصر بلدي الاول الذي لا أعرف غيره حتي و لم لم املك جنيستها
أنا سكنت في مدن كتير في كندا لكن تورونتو المكان الوحيد الي مش بتحس بغربه علي الاطلاق.حقيقي

فيه منتدي مصري للمهاجرين المصريين تحديدا والعرب عموما,و من هم علي طريق الهجره بيتشاركوا هموهم وخواطرهم عن كندا ,حتي لو زيارة قصيره,اتمني نقل تجربتك لهم,لعل حد يستفيد
منتدي الهجره لكندا,منتديات المطاريد
http://www.almatareed.org

دعوه مفتوحه لحضرتك ومن تحب لتشريفنا أنا و اسرتي الصغيره في الصيف القادم إن شاء الله في اي وقت حضرتك في تورونتو
أو احتجت اي شيء في اي مدينه في كندا إن شاء الله
كل التحيه والتقدير
محمد
cozymoe@gmail.com
+1416-467-7818

maxbeta3zaman said...

محمدالتورونتاوى اللى فى الأصل مصراوى
تشرفنى معرفتك وسوف احادثك هاتفيا مع مراعاة فروق التوقيت حتى لا أوقظك من عز النوم كما فعل بى اصدقائى وانا عندكم ..فقد كانت مكالمات التهنئة بالعيد تاتينى فى انصاص الليالى لكونهم لا يعرفون اننى مسافر وكان المحمول به روومنج بنفس رقمه المصرى فودافون ...ولكن لأنى خفاش ليلى اصحو فى الثانية صباحا او الثالثة فانى كنت اتلقى هذه المكالمات بسعادة ..وعلى فكره انا حاكتب لك تليفون يحيى عواره المصرى المهاجر لتورونتو وهو دفعتى وزميل سلاح فى الجيش ايام الحرب وشخصيه سوف تعجبك وله تجمع للمصريين المهاجرين -الأكبر سنا والشباب- فى تورونتو وانا حضرت احدى جلساتهم اللطيفة جدا مساء الجمعه فى احد الكافى شوبس فى تورونتو بالقرب من بريدل سيركل التى احسبها فى غرب تورونتو بالقرب من هاى واى 401 وقد نمت منهم لأنى انام مبكرا وأصحو قبل الفجر لكنى صورتهم وهم يتناولون الطعميه وسلطة الطحينة ويتناقشون فى نقار تتخلله الضحكات ...اتصل بيحيى وتعرف عليه فهو شخصية ستعجبك ان شاء الله وتليفونه هو 647 345 2904 باين التليفون اتكتب من اليمين للشمال طبعا انت تعرف تعيد كتابته صح يعنى ستمائه وسبعه واربعين هو كود المنطقه ثم الباقى(تلتمائه خمسه واربعين ثم الفين تسعمائة واربعه ) حاجه تلخبط بس انت حاتحلها ... من اليمين للشمال الرقم بتاعه الأرضى وكمان الموبايل بتاعه هو
416-729-4780 "ده بقى انكتب صح "
قول له انك صديق عادل المهدى -ماكس هو شهرتى ..وانا كنت سبب تعرف هانى داوود جارى المهاجر لتورونتو على يحيى المهاجر لتورونتو أيضا وذلك ابان زيارتى الأولى لكندا فمرحبا بك صديقا تشرفنى صداقته وزيارته والتحدث اليه دائما بس انت قوللى ايه نظامك ومواعيدك اللى بتكون صاحى فيها عشان متندمشى انى باكلمك وازعجك اهلا بك يا محمد

maxbeta3zaman said...

محمدالتورونتاوى اللى فى الأصل مصراوى
تشرفنى معرفتك وسوف احادثك هاتفيا مع مراعاة فروق التوقيت حتى لا أوقظك من عز النوم كما فعل بى اصدقائى وانا عندكم ..فقد كانت مكالمات التهنئة بالعيد تاتينى فى انصاص الليالى لكونهم لا يعرفون اننى مسافر وكان المحمول به روومنج بنفس رقمه المصرى فودافون ...ولكن لأنى خفاش ليلى اصحو فى الثانية صباحا او الثالثة فانى كنت اتلقى هذه المكالمات بسعادة ..وعلى فكره انا حاكتب لك تليفون يحيى عواره المصرى المهاجر لتورونتو وهو دفعتى وزميل سلاح فى الجيش ايام الحرب وشخصيه سوف تعجبك وله تجمع للمصريين المهاجرين -الأكبر سنا والشباب- فى تورونتو وانا حضرت احدى جلساتهم اللطيفة جدا مساء الجمعه فى احد الكافى شوبس فى تورونتو بالقرب من بريدل سيركل التى احسبها فى غرب تورونتو بالقرب من هاى واى 401 وقد نمت منهم لأنى انام مبكرا وأصحو قبل الفجر لكنى صورتهم وهم يتناولون الطعميه وسلطة الطحينة ويتناقشون فى نقار تتخلله الضحكات ...اتصل بيحيى وتعرف عليه فهو شخصية ستعجبك ان شاء الله وتليفونه هو 647 345 2904 باين التليفون اتكتب من اليمين للشمال طبعا انت تعرف تعيد كتابته صح يعنى ستمائه وسبعه واربعين هو كود المنطقه ثم الباقى(تلتمائه خمسه واربعين ثم الفين تسعمائة واربعه ) حاجه تلخبط بس انت حاتحلها ... من اليمين للشمال الرقم بتاعه الأرضى وكمان الموبايل بتاعه هو
416-729-4780 "ده بقى انكتب صح "
قول له انك صديق عادل المهدى -ماكس هو شهرتى ..وانا كنت سبب تعرف هانى داوود جارى المهاجر لتورونتو على يحيى المهاجر لتورونتو أيضا وذلك ابان زيارتى الأولى لكندا فمرحبا بك صديقا تشرفنى صداقته وزيارته والتحدث اليه دائما بس انت قوللى ايه نظامك ومواعيدك اللى بتكون صاحى فيها عشان متندمشى انى باكلمك وازعجك اهلا بك يا محمد

بس خلاص ... said...

السلام عليكم
الف حمد الله على السلامه شرفت ونورت بلدك مصر والنور كان زيادة لما شرفت واشرقت فى مدونتى المتواضعة بالنسبة للزعبوط لاترفعه حرصا من البرد الشديد لك كل تحياتى واحتراماتى ولكنك ماكس لكل الازمان فانت دائما متجدد
بس خلاص

maxbeta3zaman said...

بس خلاص
الله يسلمك ياستى.. عدنا فوجدنا اسكندريه مزعببه والناس اتهمتنى انى انا اللى جبت البرد معايا فى الشنطه اهلا بك زائرة نورتنا وشرفتنا بالحضور انا مليت الفيس بووك صور لكندا والتلج باين فيها كمان حاولت احمل فيلم قصير صورته آخر يوم لى هناك بس موش عارف لما يتحمل بيروح فين بالضبط ...بياكله العفريت

هبة النيـــــل said...

على الرغم من إني أقرا لحضرتك كثير

وبتستهويني تفاصيلك جداااا

لكن أحيانا لا أجد رد

هي ابتسامة فقط تعلو وجهي

هبة النيـــــل said...

شفت حضرتك

نسيت أقولك حمدا لله على السلامة :)

maxbeta3zaman said...

هبة النيل ...الذى تمشيت بجواره فملاقتكيش...
وهو المطلوب اثباته ..اذا تفرج ضيوفى على الدنيا بعينى ..وصادفوا ما صادفت نيابة عنهم بنفسى فقد تم المراد ...أما إذا زاد الكرم لحد الابتسام او تجاوز للقهقهة العاليه فهذا غاية الأمانى لأنى أضحك على النوادر التى قابلتها وتعرضت لها فى مشوار حياتى وأشارك اصدقائى فيها

maxbeta3zaman said...

هبة النيل التى تمشيت على شاطئيه من الناحيتين فوجدتها جالسة على شطه تقرض الشعر
الله يسلمك بعدد مرات سفرياتى فأنا دائم الترحال فأنا الآن فى السويس فولا يهمك اذا نسيتى المره دى تلاقيها وصلت عند عودتى من السويس والا بورسعيد ..سلمك الله فى حل وترحال

About Me

My photo
أحب الثقافة والفنون والشعر وتبادل الأفكار النافعة والهوايات المتعددة والمصنوعات اليدوية والرسم والمسرح والأغانى القديمة ذات المعانى الراقية والأفلام الكوميدية اتقن الكثير من الأعمال اليدوية (اصنع بنفسك )واهوى أصلاح أى معدة تتلف : حته جديده بقى أنا الماكس فى أحشائه الضحك كامن فهل ساءلوا بلوجاتى عن طرفاتى