خطابك وصل وشكرا

نشرت الصحف نية شبه مؤكده فى ان يتقدم طريح الفراش فى شرم الشيخ بخطاب اعتذار عن التهليب والفلوس والممتلكات التى كان يدخرها للشعب بدل ما يتلطشوا على حد ما قال وكذلك ستفعل كل الأسره فما الذى سيقوله فى الخطاب المسجل بعلم الوصول المرسل للشعب وعنوانه ومحله المختار ميدان التحرير

إكتب وقول فى السطور انك حرامى اهبل
وقول كمان فى الكلام ...كنا بنستهبل
لما لقينا الفلوس بالهبل زى الشتا بتنزل
فردنا حجر القميص.... لا البدله تتبهدل
تقلت حمولة الولاد ..قلت الحقوا بجردل
لأ هاتو حاويه وكبيره.. طياره ع المـنزل
حمل وطير ياولا.. وزع على الخــــزنات
واوعى العيون ترصدك.. أو حد م البشوات
ولو فى يوم عين رأت.. واتوجهت سؤالات
رد ببرود وبثقه ...دى فلوس جدود أموات
نزلت علينا بسلام ..من سابع السموات
وكمان هدايا الحبيب.. ألوفات ومليارات
أما الدهب والكنوز.... دى بتاعة الستات
شايلينها من يوم قارون.. موش هوه برضه مات
كان عنده مفاتيح كتير... من تقلها وقعت
والأرض غارت بدول ...لكن الخزن فضلت
لما بحثنا ف أصول العيله والشجره
لقيت مرات عم ابويا من نسله آم ورثت
مليون خزينه دهب آم ...م الفرح وقعت
ولقينا تحت البلاط مرسوم طويل بيقول
لولادى كل الفلوس والخزنه بس افحت
فى مكان مايعرفوش الا فولان.. وفلان
موش عاوز اقوللك جمال خلينى اقول مدحت
آدى ياشعب الحكايه... أرجو تكون وصلت

الطهقانـــــــــــوميتر

نزل المذيع فى الشارع يسأل الناس عن سبب قيام الثورة وكان مواليا للنظام السابق قابل رجلا فى منتصف العمر ..فسأله عن سبب خروجه للثورة ...رد الرجل عليه بكلمة واحده ...طهقت ....طهقانين يا أخى ورفع قميصه لأعلى صدره ومشى مسرعا ...استغرب المذيع وسأل نفسه يعنى إيه " طهقانين" ورجع ودخل على النت وكتب الفعل ط هـ ق ....فلم يجد لها معنى ...فتح كتاب مختار الصحاح فلم يجد لها أثرا ...ذهب الى صديق له يهوى التاريخ وسوسة قراءة وسأله قال له: شوف ياسيدى الكلمه دى تجمع بين معنيين وتم ضمهما فى قالب واحد للتعبير عن معنى مضاعف هو الزهق مع الطققان بيقوللك الواحد لما يكون محقون من حاجه ومتغاظ قوى يقوللك انا حاطق من جنابى صح ...أومأ السائل برأسه موافقا ...طيب ولما تكون الدنيا حر وهدومه موش طايقها بيقوللك انا زهقان صح ...صح جدا .طب لما تكون الدنيا بقى مضلمه فى وشه والفلوس موش مقضيه المعيشه والفساد حوله للركب وما يقدرشى حتى يقول بم.. تبقى حالته اييييييه؟؟ ....صاح الاثنان معا ....طهقان طهقان ....برافو عليك انت حليت لى لغز كان محيرنى أنا لازم اعرضه على المسئولين على شان يبتدوا يعملوا حسابهم ان مافيش ثوره تحصل تانى ....عرض الموضوع على رئيسه الذى جرى به على اكبر مسئول يعرفه ....المهم وصل فى النهاية الى اجتماع حزبى عالى المستوى ...راحو موقفين الجلسه وقالو مين عنده حل لمنع وصول الناس الى حالة الثورة والغليان اللى حصلت فى يناير اللى فات ؟ ...تقدم رئيس شركة اتصالات ومعلومات وقال انا عندى شباب يعملوا حل للمشكلة دى ....المشكله هى اننا لازم نعرف مقدار الطهقان اللى وصل له الشعب ...فلازم نقيس الطهقان عند الشعب ولما يوصل درجة الطهقان الى النسبة التى تهدد بالثوره نهدّى احنا اللعب مع الشعب زى ماالست بتوطى نار البوتاجاز لما الحله تغلى ...كمل كمل ده حل جميل جدا ...وازاى حانقيس الطهقان ؟؟ الشباب عندى طوروا" سينسور"...حساس يعنى... عنده القدره على قياس اى تغير فى طهقان الناس ولو بمقدار مايكرو طهق "والطهق "دى هى وحدة قياس الطهقان الشعبى... وسمّو المنتج ده" الطهقانو ميتر" ....الحساس ده بيركب على الهوائى الخاص بالمحمول وعلى نفس الشبكة وحجمه قد صباع الكوفته بالضبط والغرض منه انه بتتبع حالة الطهقان عند الناس وهى بتتكلم بالمحمول وبجرد مالواحد يقول فى المحمول اى عباره تدل على الطهقان أو الزهقان أو الإرهاق أو الزعل يروح الحساس مسجل ...موش بس يسجل انما كمان بيقيس شدة الطهقان عند كل مواطن وبعدين فيه بروسيسور بيجمع الطهقان بالمنطقه ويقدر يطلع لك على المونيتور الطهقان الكلى لحى زى الدقى أو المهندسين أو مصر الجديده ويقوللك طهقان مصر الجديده مثلا وصل لغاية 887 طهق .وزاد بمقدار 545 مايكرو طهق عن الأسبوع الماضى ...وزى ماحضراتكم شايفين من الرسوم والجرافيكس انه حل علمى وقائى 100% وماحدش يقول فيه عيب ....ولم يمر أسبوع الا وبدأت اجهزة الطهقانوميتر فى ارسال اشاراتها عن مقدار الطهقان فى قرى ونجوع مصر واحيائها أولا بأول الى مكتب رئيس الجمهورية .......انتهت

أنا لما اتغاظ اقول على طول

بت محقونا من السباعى الطبيب المدلس ..الذى اشترى دنياه بآخرته وزور وكذب فى معظم القضايا التى تمس السلطة واهلها ...استفزنى صلفه وكذبه الواضح وحلفانه بانه على حق ...بانت ملامحه الكاذبة جدا وتعثره فى الرد ورفضه المداخلات لذا فقد كلت له هذه السطور الهجائية آملا ان تؤدى مع جهود المخلصين الى خلعه كما خلع الذين هم أجعص منه

قالوا سباعى والسباع منه براء
سموه ضباعى أو كلب عاوى فى الخلاء
باين عليه الكدب من راسه الى كعب الحذاء
موش ده طبيب الأمن ..والأمن جازل ليه العطاء ؟
موش ده طبيب السُلطه والسَلَطه وترزى رفّا للقضاء ؟
موش ده اللى تقاريره بترمى اللوم على المقتول ...وحالف ع الولاء ؟
يكشف على المقتول يقوللك حى وحياة ربنا
خرم الرصاصه ف مخه ويقوللك ده فاق
أما النزيف الداخلى ده اصله شربات الرقاق
الواد اكل له أكله دسمه وبعدها قام نام ما فاق
والقسم ماجاش ناحيته ...كمان ده ميت فى الزقاق
وكمان زراق الوش م الزهره ومن نضح الوعاء
أما علامة الظهر م الشازلونج ...أصله خوص وضاق
لما القتيل ريح عليه فى الشمس جوه سجنه فى القشلاق
وعلامة الجزمه على وشه ده ايه ؟ ..طبطبه بالإتفاق؟
طب ليه سنانه مكسره ؟ م النقل والبندق وجوز الهند ؟
والا م الملاكمه ؟ ....ماتعرفوش انه بطل شبرا وبولاق
والبنت دى الى بيقولوا ابوها بيغتصب فيها بغباء
البت طلعت صاغ سليم وما فيش آثار للإعتداء
احنا بدقه بنشتغل والقطنه مابتكدبشى واحلف بالطلاق
ان كلامنا فى السليم والتحقيقات آخر تمام مافيش نفاق
بعتولو يكشف ع الشليح قاللو يافرج الله ...معلول مافيش له دواء
النقل حارج شارم يفرمه فرم وادعوله بدعاء
انه يطول بيه المطال من غير سؤال أو حتى داء
فيه سبع يهبر يد من كان الولى لنعمته ...فين الوفاء
ياشعب ناكر للجميل ...دانا الوفى لجيمى وعلاء

استغاثة للعدل

عندما قامت الثورة بدا واضحا ان المحاكمات تجرى على استحياء وعلى جرائم واهية غسيل أموال -تربح -غسيل مواعين - بينما دماء الشهداء التى أراقها القتلة لم تدخل ضمن التهم - والهابرين هبرات ثقال طلقاء يمرحون فى المكاتب فى حبور ويهربون ما استطاعوا من أموال سائلة ويبيعون ما تحت أيديهم من عقارات لذويهم وأقاربهم وخدمهم فى حرية تامه ورئيس بنك التهر يب الذى هو بياع مصر سابقا ينعم بحرية الحركة ويساعد عصابة على بابا فى تهريب ماتيسر من نقد الى بلاد المقر المعروفة والتى لا تسلم مجرمين ابدا ...شلة الأنس ترتب أمورها والمجلس فى صمت والنيابة لم تتحرك ولم يتقدم أحد ببلاغات والشعب يغلى لذا كتبت هذه السطور ليتحرك القضاة ورجال القانون.. بلادنا سرقت وأبناؤنا قتلوا ولم تتحرك الجهات المعنية

يامحــاكم يا محاكــــم
ياللى بالعدل انت قايم
لمـــا تلقى لــص قاتل
خش ع الشخص اللى نايم
قام جايب داغه وسارق
...تلتميت لحلوح وخاتم
قوم تيجى انت تحــاكمه
ع اللحاليـــــح والخواتم
والقتــيل دمه مطرطش
والسلاح فى الدم عايم
يطلع القانونــجى يكتب
العريـــــــظه ..والقوايم
سارق الرزمـــه ام ميه
والـــغوايش والخواتــــم
هدد الأمــــــلاك ولاطش
فوقها مكوه بسلك لازم
لم صُـــــّره فى الملايه
شافه كام بواب وخادم
بصمته ع الأكره تثبت
انه م الهجامه... هاجم
والقتــــيل لم يأتى ذكره
فى الحـــكايه والجرايم
بس سرقه ..بس نصبه
واد لئيم قــــارح وعاطل
يعمل ايه موش لاقى ياكل
ماتسيبوه ياخواننا يمكن
ان عفيــــــتو راح يتوب
اغفـــــروا ده الرب يغفر
الخطــــــــــــــايا والذنوب
رجع اللــــــحاليح ياشلضم
وامشى دوغرى السرقه عيب
الحـــــــــــــــرامى بعينو برق
قال خلاص حـــــامشى معاكم
وشوش الأفوكـــــــــاتو كلمه
ضحكوا ضحكـــــــه كالعوالم
قاللوا فلتحيــــــــــــا النيابه
رد روخــــــــــــر قال كمان
قول ياواد تحيـــــا المحاكم
ولما تلكأ الوريث فى المثول أمام قاضى التحقيق متشبسا بالقصر ممتنعا عن الحضور طواعية وأمهلوه فلم يحضر وأرسلوا له المحضر فلم يستلم الإعلان ...أعلنوا أنه سيحضر الأحد فلم يحضر حتى الثلاثاء أرسلت لصديق متفائل أقول

سلم لى ع الباميــــه
بتقول عداله عاميه
أمـــــّال ده يطلع إيه
ترماى وفيه ابونيه
والا دول ناميـــــــه
ماتعيبشى ف كبيرها
لو حتى جاب بيرها
وبهدل مصـــــايرها
برضو دا ابن البيه
مكتوب له فى الكرنيه
انـــــــــــه معافى وإيه
مايبنشى على قاضى
لو هوه موش فاضى
يبعت عفاف راضى
تدّينـــــــا كام كوبليه
وهو يتــــــــــــــأنتخ
ليه رجلــــــه تتوسخ
ياناس مافيش ابوخ
من كلمـــــــــه همازه
من أيــــــــــن لك هذا
ده كلام ماهوش طازه
والريـــــــحة باينه فيه

maxbeta3zaman: حزب قديم وثورة مضاده

maxbeta3zaman: حزب قديم وثورة مضاده

من تفاعلات الثورة

جاءت أحداث الثورة مفاجئة لى لم أكن اتوقع زخمها وانضمام الشارع لها بهذه القوة ...كنت أظنهم سيضربون وتفرقهم خراطيم المياه والعصى والبلطجية كما حدث فى كل الوقفات الاحتجاجية السابقة ...بل اننى كنت اشفق على صدق نيتهم من غدر قوات البطش المستعدة لهم تماما والتى كانت على علم ببدء الشرارة وموعدها ومكانها واسماء من دعى اليها على الفيس بووك ...كنت قد غيرت فكرتى عن شباب هذا الجيل جيل أولادى من كثرة ما رأيت وسمعت وقرأت فى المدونات قلت لهم فى احد ردودى اننى كنت اظنهم غير ذلك فيما يخص الجدية والاهتمام بالقضايا العامة الهامة واستعدادهم للتضحية رأيت غضبا فى كتاباتهم ورفضا لاتحدار مصر الى هذا المستوى المتدنى دوليا وعربيا ....لذلك فوجئت بحجم المتظاهرين وعزمهم وانتابنى شعور مماثل ليوم العبور المجيد فى 73 حيث كنا فى مثل عمرهم حينئذ وشاركنا مع جيلنا فى محو هذا العار الذى لحق بمصر عام 67 ...وهاهم أولاد جيل الستينات ينتفضوا ويزيحوا الغبار عن وجه مصر الفتى الذى ماكان له ان يمرغ فى الوحل هكذا طوال عقود ثلاتة كتبت مع اول تباشير الثورة واشتعال نارها هذه الأبيات فى الفيس بوك

Adel Mahdy
5:16am Feb 18

نكتب على الحيطه بدون زيطه وبالطباشير

كلام ثوره.. هتاف جامــــد ...نريد تغيير

نغير كل شىء فاسد... وبيعاند ..وعاكس سير

ديول لساها تتدحلب ..وبتقلب فى دى الأضابير

بتمسح فى الظلام آثار ..وبتموه... شوفو التقارير

وبكره نقوم نلاقى الجرم متبخر ..ومتفتفت...وواكله الطير

وكله براءه بالقانون ولا أدله ولا بصمات ...ده كان تعمير

ماشوفتوش الصحارى ازاى بقت خضره ملانه جرجير

مشفتوش الرعاع بالسيف وبالمطوه... غزو كارفور

مين اللى كان حامى الأمه... كده بهمه كبير وصغير

سيبونا نكمل الخطه ..وآدى الثوره... كانت تزمير

بلفناكم.. وكلناكم ..وطاطينا.. عملنا نفسنا أموات

ووقت ماكنتو بتغنو ...وبتصلو..وتتخانقو نفخنا الكير

عملنا ثوره ع الثوره ....وشيلناكم....دا شغل خبير

فيا ثوار... ياشعب ...نام صاحى.. ماتغفلش الا تلقاهم

فوق الاكتاف بيتشالو.... وثورتكم....... فالقها خابور

وكتبت هذه السطور مع ظهور البلطجية ومهاجمتهم للناس للترويع
Adel Mahdy 10:50pm Feb 16

‫البلطجيه اشتكو ...من كتر سكاكينه
والعادلى لما انزوى ...كترت سكاكينه
روح ياجدع للميدان ...واهتف بعلو الصوت
احنــــــــا الشباب البطل اللى طلـــــع عينو
مقدرش يكتم نواحــــــــه وصبره نفد ...فينو
... الواد بتاع الورث ويا البرص لمو ديلهم المتعاص
والطبخه حمضت وماكملش اللى عاوزينه
باظ السياريو ده اللى كان مرسوم
ده جيل مفتح رقم ايده على المفاتيح
مايخدعوش لعبكم ...والمكر عارفينو
وانا اللى كنت فاكركم شباب هايف
طلع عرابى وسعد والكامل وبعديهم
شباب يناير ..يواصلو ويعدلو اللى مال
دوس ياجدع ع الدليت وامسح نظام الغش
وان كا ن معصلج وبيهنج وموش راضى
فرمط وعيد الكود لأن الكل حافظينه

حزب قديم وثورة مضاده

انتبهنا على ثورة تحركت فحركت مصر كلها وأسقطت النظام من قمته ...ولأنها ثورة من غير المحترفين فقد تركت ذيول وأذناب النظام دون معالجة ظنا انها تسقط وحدها مع سقوط الرأس لكن سرعان ما اتضح ان البقايا وذوى المصالح قد عقدوا العزم على القيام بثورة مضاده تفرم الثوار عديمى الخبرة ومفتقدى الدهاء ....كتبت أحذر

الحزب الواطى الوطواطى

فاكرنا هبل وحانطاطى

قاعد بيخطـــــــط ويدبر

زى الصرصار النطاطى

***

قاعد بيسن فى سكاكينه

ويجمــــــــــع كل محبينه

والمنتفعين من دواووينه

وحايهجم بكره على اخواتى

***

بيقوللك فيه ثوره مضاده

بقيادة المأمور والعمـــده

والخطه كمان خطه جامده

مضمونه وسبحان العاطى

***

راح تبدأ بالعفو الكامــل

ع الفاجر وزميله القاتل

والمال المنــــهوب يتاكل

والشرطه مافيش منها مشاكل

مشروعنا جميل واستعباطى

***

والراجل عيان ع الآخر

موش قادر حتى يتاخر

صبيانه دايــره بتتفاخر

والأمه عامت فى عياطى

***

وعيال الفيس طلعو عينهم

دول كفره طلعوا من دينهم

شايفين الأسد اللى ف صدره

وماسونى جايبه وجايبينهم

كنتاكى كان هوه العاطى

***

صبيانهم قاعدين فى حكومه

عاكمه وعاكه فى المظلومه

راح تخفى ادلــــــه معلومه؟

دا الفـــــــيل باين م الزلومه

وانا حاطط ايدى فى باطاطى

***

والاعتصامات دايره وفايره

مزقوقه بدقه وبمـــــــعايره

وقف مراكبـــــــــهم السايره

دخلـــــــــــــــهم دوامه دايره

والســـعهم نـــبله مطــــــاطى

***

ونقب بقى احــــــنا فجأه

والأمـــــــه ماتقولشى لأه

والصيع يقــــفوا بسيوفهم

والشعب راكــــع ومطاطى

وانا السوع ظهره بسياطى ‬

منقول من مدونة اعجبتنى ...خاصة هذه

عندما يكون الشعر طريفا وظريفا

حــــوراءُ.. يــا حبل الغسيل.. و عودها
كالحــبلِ لكــــنْ .. مـا علـــــيه غســيلُ
و تمـــيلُ -مثلك- يا غســيل إذا اهـتدى
لك مـن "مســاحيقِ الغســيلٍ" رســولُ
تـأتى قلــــــــــوبُ العــاشقـــين تعلقــــًا
بغسيلـــها , و تميـــل حيـث يميـــــــلُ
عَلِقَــت قلــوب العــاشقين بحبلــــــها
فـفؤادُهـم وســـخٌ..و ذاك غسيـــلُ
و يجنِّـن العشـــاقَ عطـرُ غـــسيلِها
إن مسَّ ذيــلَ غسيلِــــها "البرســيلُ"
إن أعطـت الأثــوابَ فُمَّــاً عاديـــاً
غبـطَ الفـــراتُ غــسيـلــَها والنيــل ُ
و كلامُـها يُرضِـى المسامـعَ كلَّـــها
عنــد الغســيل فَفَمُّـــها "تسجيــلُ"ِ

. . *
إن قــالَ قبلــى المُنشـدون بشعـرنا
ما ذاك تدليـــــــسٌ ولا تمثــــــــيل ُ
لكنَّـــه نظـمُ القــرونِ بأهلـِـــــــها
مـن جــاءَ بالأولــى تــراه يقــولُ
وأتيـتُ آخـرَ أهــلِها.. ما لــى يـدٌ
فيــما أقــولُ و ماعــلىَّ سَـــبـيلُ

منقول من مدونة مررت عليها فأعجبتنى هذه السطور فيها ...ظلت هذه الأبيات فى ملف عندى وفى يوم كنت انسق ذاكرة الحاسوب عثرت عليها مركونة فنشرتها تهدئة لحوادث الأخبار المنهكة ...الفضل لصاحبها الأصلى

على بابا الملحمه الشعبيه

على بابا بعد الضنا لابس حرير فى حرير

ياساده كان ياما كان :. فى سالف الأزمان

راجل فــــقير غلبان :.اسمه رئيس بــــــابا

اسمه رئيس بابا

قاعد فى عرض كبير :. لابس هدوم كشمير

والياقه حـــــــلوه حرير :. ودماغه فيــــه كابا

ودماغه فيه كابا

نزلو تلات شبان :. نشوا اللى جنبه وبان

إنه ماهوش غلبان :. فلسع ولا إصابه

فلسع ولا إصابه

نزلتلو ع الطبطاب :. جات له لحد الباب

رمى جزمته والكاب :. قاللك أنا بابا

قاللك انا بابا

مااقعُدشى فيها كتير :. حلمى انّى أبقى سفير

دى الناس عددها كتير :. والدوله دى غابه

والدوله دى غابه

أوم لما أترستق :. قاللك نهار ازرق

إزاى أنا أسرق :. دى السلطه جذّابه

دى السلطه جذابه

كل الفلوس دى إيراد؟ :. من غير مكن عداد ؟؟

دا خــــــــير بلدنــــــــا زاد :. لمــــــــا بقيت بـــــابا

لما بقيت بابا

وف ريحُه مرجانه :. ساهيه وتعبانه

مكاره سهتانه :. خليك هنا مــــــــعانا

خليك هنا معانا

قالتلو خد غَرفَه :. طب ليه مااخد قُفّه

ياوليه موش شايفه :.دى اليغمه جلابه

دى اليغمه جلابه

إدُّى ابـنك المتـعوس :. قصـرين وتل فلوس

لو بكره رحت يحوس :. حانكون فيها غلابه

حانكون فيها غلابه

قاللك واروح انا فين :. لو جت سنة الفين

حانعيش كمان عقدين :. ونروح على طابا

ونروح على طابا

بس ساعتها حاكون :. حوشت كام مليون

لاصــــــفار تكون مليون :. قدام واحد يابا

قدام واحد يابا

يادوب نكون عاملين :.حسابين هناك فى العين

هما العرب خاينين ؟؟ :. والا احنا نتــــــــــغابى

والا احنا نتغابى

والواد جمال خليه :. يمسك رئيس دا عنيه

طلعت مذاكره وإيه :. ومــــــواهبه خلابه

ومواهبه خــلاّبه

خليلو دى الشله :. ضـــبط لنا الفله

وقميص مع فانله :. بصمه وسبّابه

بصمه وسبّابه

اسجن له مين حاسس :. شرد له مين نافس

حابس ياناس حابس :. دى الطلعه جذابه

دى الطلعه جذابه

ارقوه ياناس ارقوه :. وعلى الجلوس زفوه

ايّـــــــوْه ياناس ايّوْه :. ايش جبتى ياسحابه

ايش جيبتى يا سحابه

قال الرئيس دا الواد :. فيه ناس قصاده شداد

لو عنتر ابو شــــــــــــداد :. حايقول عاوز بابا

حايقول عاوز بابا

وانا صحتى كحكوح :. قربت احصل نوح

ماقدرش اعيْن انزوح :. مابلاش كده يابا

مابلاش كده يابا

راحوا الولاد نازلين :. قالبينها زفت وطين

أمروه يلت عــــــــجين :. كالقرد فى الغابه

كالقرد فى الغـــــــــابه

ونهاية المشوار :. راح نط دوغرى وغار

راح شرم فيها مطار :. جنبيها بقى طابا

جنبيها بقى طابا

آدى اللى كان وكان :. للراجل الغلبان

والست خشيشبان :. دى الفطنه حسّابه

دى الفطنه حسّابه

توابع الثوره

ثورة على الثورة بقلم: طاهر أبو زيد

كتب طاهر ابو زيد لاعب الكره الشهير والمعلق الرياضى حاليا مقال فى جريدة الشروق بعنوان ثورة على الثورة وكان ردى على المقال هذه السطور

صدقت يا طاهر

لكن اللى لى ظاهر

ان الجماعه دول

على حاجه متعاهدين

وعليها حلفوا يمين

ان البعيد حايروح

من غير مساءله ونوح

وف خانة اللحلوح

حايسف كام مليار

وهمــــــه يتوللوا

كـــل اللى بيطلوا

بالودن والا العين

ويقطعوا الأوراق

يتلكـــــــعوا بإبطاء

وولاء يشــــد علاء

وجمال كمان لو فاق

حايسف مليـــــارين

والشعب حايس لاص

ماباينلهمومشى خلاص

ملــــــعون ابو الإخلاص

لو كان للص متين

وبعد بيان شرم الشيخ الذى أذيع من العربية وكتبت سطوره بلؤم ظاهر وادعاء كاذب بالبراءة والشرف وتوعد لكل من كتب عن الفساد والسرقات والتهليب والتهريب بالملاحقة القضائية كتبت اقول

1:34pm Apr 10 ‫بيان من شارم

فتشونى مامعاييش ولا حتى مليار يتيم

دانا يابنى كل دخلى ييجى تسعميت مليم

باقبضهم واديهلها واقعد ادعى الكريم

عايش فى قصر الرياسه ..والدخل عندى عديم

مكسور على الإيجار والنور وصولاته كوم

والجزار عنده لسته ..بوفتيك بتلو ولحوم

وقف بضاعته وواقف ع الباب ببلطه وشوم

بيقول فين الجدع ده ...حاضرب دماغه بقدوم

علىشان كده موش بتشوفونى لاخصوصى ولا فى العموم

طب دانا لما اختفيت ..كان لاختفائى لزوم

رحت بطياره دوغرى ..على شارم اغطس واعوم

وانتو تسدوا ديونى ..بدل اما ابيع الهدوم

موش انتو شعبى وناسى ...كان بينا عشره فى يوم

حوارات شعريه ثوريه

‫الى الزميل يحيى عواره ...عبر المحيط

ايها المصلح دايما والملقب بالعواره
كنت من يوم ما عرفتك
فى طريق قصر الدوباره
رافض الإفساد ومصلح
دى السفاره فى العماره
...والصهاينه فى الزمان ده
من ورا ركن الستاره
يمسكو زى العرايس
جوز خيوط خشبه ودوباره
والشخوص مسرح عرايس
يلعبوا من غير مايدروا
دور سخيف ناقصه المهاره
والمهم ان العرايس
واقفه بتقول وبجساره
شوفوا لون الجلابيه
خط ابيض خط احمر
ناقصك ايه... ايه العباره
قلت له كده موش ملاحظ
ان روس كل العرايس
باصه فى الأرض وقفاها
فى السما ملعلع وباصص
موش شايف لها اى معنى
غير واحد راخى الدوباره‬


وقد رد على صديقى نبل البواب بالرد التالى
12:37pm Mar 19

‫الجميل فى الأمر إنك
شفت فين آخر الدوبارة
وف إيدين مين اللى خلى
وضعنا آخر مرارة
بس إحنا بكل جرأة
حطينا فى ...... الخيارة‬

ومن توابع الثورة ايضا

:هناك مجموعه اسمها حافظوا على بريق الإنسان المصرى ولهم قلت

بريق المصرى زغللنا
غلبنا ياناس نلمع فيه
فى شله بدها يجنزر
بيرمو ليه زباله عليه
كنسنا طريق دهنا رصيف
بيصبح طب مطوس ليه
بقايا زفاره فى الطاسه
رمينا كيس بيريل عليه
نجرب دعك بالرمله ؟؟
طلع مارد وقال شوبيك
فقلنا المصرى موش لامع
ما عندكشى تيفال بومبيه
ورق الومونيا ميت روله
وتكسى الشعب من رجليه
ضحك شمهورش ابو قرنين
وقال والدمع مالى عينيه
وقال دى اللمعه من جوه
بتنضح ع الوجوه لو إيه
سلوكنا يتعدل دوغرى
ونبرق كالنجوم فى عينيه

وادى واحده بعد الاستفتاء

وعندما رأيت صورة الصبى ذو الأصبع الملون قلت
تعا شوف صباعى ياعمى تعا شوف صباعى ياخال
...صدق اللى قال ثورتك مين فجروها رجال
....والبوهيه دى ع الصباع ...رمز لدماغ شغال
...ماتقولشى صوتى عدم ....الصوت يهد الجبال
...موش لما مات الزعيم... قولنا الوداع ياجمال
ولما نخ التقيل ...قولنا ده هم وزال
شوفت الطابور طوله كام ...ستات شيوخ والعيال
...حلفوا يحطو صباعهم ...فى الحبر حتى ان ما زال
...بعدين يحطوه فى عينهم... مين هددونا البغال
....حسرة بتوع المطاوى ...حسرة بتوع الجمال
...واقفين يبصوا بمراره ...معقوله يصبح ده حال

جمعة الخلع

آبو أجنده والتنـــــــوح

واقف يخطب زى اللوح

سد ودانه قافل مــــــخه

عمر عقله ماكان مفتوح

عاوز يهرب فين حايروح

حايروح بره فيها مخاطره

لو بات فيها موش مسموح

برضه كمـــــان الغله تقيله

شوف هابرله كـــام لحلوح

والجيش قاعد جنبه وساكت

قــــــوم واتلحلح شيل اللوح

اخــــلع جدره شيل مساميره

شيل اللزقه كفــــــــانا نوح

شـــدله رجله شق له صدره

والا الخلع ده موش مسموح

دى موش طاعه ديه نطاعه

والجماهير صوتها مبحوح

اقلب ضــــــده إمزع كبده

اصل ده ديك فرفر مدبوح

شوف واقف يتكلم بارد

والتحرير هايج ماتروح

رفعوا الجزمه والكتانله

والتانى مصمم ..أنزوح

والطرشان سلكنا ودانهم

والأموات سابو تربتهم

وانا شايف سيدنا نوح

جاى بسفينه وبيقول اركب

لا حــــاتنفع تله ولا دوح

الكرسى -الورث

بمناسبة العند والزرجنه لقيت كام بيت كده عندى من زمان كتبتهم فى القطار أيضا ويظهر ان القطار ده وخصوصا الأسبانى ملهم .. أو يمكن لأن المسافر هناك يقعد على كرسى فخيم فيوحى الكرسى له بزخرف القول ....القصيده اسمها "الكرسى -الورث" وأظن أنى كتبتها عند بداية الكلام عن نية التوريث ...بس هى لها مناسبة الآن لأن فيه قوة جامده بتشد الجالس على هذا الكرسى الرئاسى ...أقول


كرسى الرياسة بمغنطيس جامد يشد المقعده

قاعد عليه حالف ماهو قــــايم ولو كره العدا

والمسندين متغريين فى الكوع بماده مقدده

والضهر ملزوق فى الكتاف وفى الضلوع بأمير....وده

عذره ماهو قاعد.. ماهوش قادر يقوم.. م البغدده

أصله بيدى اللى عليه العز والجاه .. موش كده؟

**************

كرسى الرياسة بيتورث م الأب لابنه لما يموت كمان

والجوقه تعزف لحن نصبه بالناى والعود والكمــــان

والنمل يهتف بالدموع شيلو الملك هاتو المليك والكل فان

أهوده عرفناه والسلام ..أحسن من المجهول .. ولو كان ألعوبان

طب ماحنا زى السورى زى الليبى زى المغربى والأمريكان

موش بوش كبير ..راح مًّدى كرسيه للولا البوش الجبان ؟

والأردنى قام من سرير الموت .. وجه ..قلوظ لأبنه الصولجان

والسورى عّدل في القانون ... والصبح بدري كان شاغل المكان

والمغربى شال نعش ابوه وقبل مايشيلو الصوان كان اسمه منقوش عالحيطان

عاش المليك... مات المليك... والزمبليك راكب حصان

والشعب بيعيط... ودمعه م الفرح الحزين يملا جفان

دا الشرع ... والقانون .. ودستور البلد والأمر باين للعيان

الواد بيورث ملك ابوه ..... ويورثـــــــه لابنـــــــه كمــــان

فيه حد بيسيب شقته لما يموت غير العويل والأهطلان ؟؟

والحكم زى الشقة .. بالقانون كده تتورث ....حكم الزمان

الكرسى والمال والشعوب ... دول للوريث ..صدر البيان

لكن شباب 25 يناير كان لهم رأيا مخالفا

قبيل الثورة بأيام

كنت مسافرا فى القطار لزيارة اولادى بالقاهرة ...كانت ثورة تونس طازجة وأحداثها تتوالى ...سرح خيالى فى نظرية الدومينو ..وتخيلت عدوى الثورة كيف ستكون إذا أصابتنا ؟...ومع تجبر النظام وإحكام قبضته على البلاد وتحجيمه لكل محاولات الاحتجاج ...تخيلت هذه الفانتازيا التى جاءت على خاطرى والتى حدث عكسها عندما ثار الشباب فكل الشخوص الذين ذكرتهم هم نفسهم الذين طردوا ماعدا واحد

عدوى الثورة
أوحى إلى خبر طريف أو نكتة أرسلها أحد الزملاء تقول النكتة ان الدولة أمرت بتجهيز طائرات شركة الطيران الوطنيه فى حالة رحيل الشعب وطلبه للمغادره الفوريه حركت هذه النكتة الفانتازيا التاليه داخل خيالى وتخيلت ان عدوى الثورة التونسية قد سرت عندنا ولكن على طريقتنا نحن فمجرد ان ذاعت اخبار ثورة تونس وفرار رئيسها جوا انتقلت رياح الثورة للحكومة عندنا واستدعت الحكومة الحزب والوزراء لاجتماع عاجل وترأس الاجتماع اعضاء لجنة السياسات وجلسوا متحفزين على المنصة والقاعة تعج بأعضاء الحكومة والحزب والمحافظين ....افتتح الجلسة ثعلب لجنة السياسات وأخذ يخبط على الميكروفون ويهمس ...تسسست تسسسست واحد اتنين تلاته عشره ...السادة أعضاء الحزب كلنا شاهدنا وسمعنا احداث ثورة جمهورية مطوبس الخضراء لقد ثار الناس على الحاكم لأنه لم يعلمهم الأدب وترك لهم الحبل على الغارب فهبوا ضده ...لو كان وزير الداخلية المطوبسى دكر ماكانش طلع واحد منهم من عتبة بيته ....مقاطعه من وزير العربات الخضراء والعصى الغليظه : الكلام ده موش عندنا ياباشا احنا محزمين البلد كويس ومحدش يقدر يعمل هنا كده فيرد التعلب: احنا موش مطوبس ..وموش حانستنى اما يهجمو علينا ...احنا اللى حانهجم عليهم ونعمل الثوره المضاده ونطردهم كلهم بره ....لازم ننتفض ....لازم نثور ...لازم يكون عندنا زمام المبادره بدل ما يتغدو بينا نتعشى بيهم أصوات مستنكره :العكس العكس ياتعلب.. اسكتو اسكتو انا عارف باقول إبه أنا قصدى إذا كانو ناووين يتغدوا بينا النهارده نتعشى بيهم احنا امبارح يعنى مايصبحشى عليهم النهارده من أصله تصفيق حاد وهتاف من الحضور وكلمات جانبيه الراجل ده بيتكلم صح هى كده الثوره الاستباقية ....ايوه خدهم على مشمهم ومنخليهومش يلحقو يعملو حاجه ...يطلب وزير التضامن الكلمه ياسعادة التعلب الناس دى لازم تخرج م البلد ده انا تعبت معاهم مهما اديهم مابيشبعوش الدعم فلسنا والعيش قرفنى والبوتاجاز طلع عينى دول شعب جاحد تصيح مجموعة هتيفة الحزب الثوره الثوره الثوره الثوره الشعب ده لازم يطلع بره وترج الهتافات القاعه يقف وزير الفلوس والضرايب متحدثا :الناس دى لازم تتأدب بعد كل اللى عملته لهم ومع كل اللى لهفته منهم موش عاجبهم وبيشنعو عليا وبينقوا على قصرى دى ناس جاحده يالا نثور عليهم كفايه استغلال كفايه فساد احنا صبرنا عليهم كتير آن وقت الثوره على الرعاع مصاصين الدماء ينهض الرجل الفل الذى يعلوه البياض فى هامته وشاربه من فرط حكمته وهو من فرط طوله دوى صوته مجلجلا فى القاعة وقال أظن محدش قاسى من ظلم الشعب ده للحكومة قدى الناس دى لو ولعت لهم صوابعك العشره شمع برضه موش حايرضى وحايفضل يشتكى هما الفاسدين وهما الكسالى هما أعداء الأمه موش احنا ...تهدر هتافات مجموعة الهتيفه نضف نضف يانظيف واطرد الفساد والزيف تصفيق حاد وزغاريد من من بعض النسوة الجالسات فى الخلف يقوم وزير التخطيط ليدلى بكلمته وسط الحضور فيقول ياجماعه احنا عاوزين نظام ثورتنا على الشعب موش همجية لازم نكون منظمين انا عاوز نقسم نفسنا مجموعات مجموعة القناه وسينا تكسح الناس الموجودين هناك وتطاردهم بالطوب والنبابيت حتى حدود العراق ومايسبهومش الا وهما جوه المجموعة التانيه مجموعة الساحل الشمالى من بورسعيد لحد السلوم دى بقى عليها تطارد وتكرش الناس بتوع الدلتا والبدو وتدفعهم للهروب من البحر المجموعة التالته عليها بغرب النيل تكسح الناس بتوع الصحرا الغربيه ادامهم لغاية ليبيا المجموعة الرابعه بقى عليها بالصعيد طفشوهم للسودان وكينيا والمجموعه الخامسه والأخيره البحر الأحمر زقوهم ناحية البحر وياخدوها عوم بقى للسعوديه والابالمراكب ملناش دعوه كده يبقى الكل انكشح من هنا ومشى وتكون ثورتنا البيضاء نجحت تصفيق حاد وهتاف من القاعه بالنظام والنبوت وموش عاوزين حد يموت يقوم ثعلب السياسات ومدير الجلسه هدوء من فضلكم ياللا انطلقوا اتعشوا بيهم الليله والعربيات بتاعة الطوب والنبابيت جاهزه بره ومحمله طوب وشوم وفيه زلط للى عاوز كمان شركات الحديد عندها اوامر بعمل اسياخ حديد ليكو وحرفها حامى السيخ مقصوص اتنين متر كل واحد له نص طن اسياخ بس ماحدش يعور حد خوفوهم بيها وزقوهم قدامكو من غير ماتغزو حد ياللا كلنا ايدينا فى ايدين بعض والنصر للحزب والكوادر يصيح وزير الصناعة والتجاره ياجماعه فكرو شويه طب لو كل الناس هربت مين اللى حايدور البلد الصناعه والزراعه يتدحل وزير العربات الخضراء والنبابيت وحاملى العصى ولا يهمك قوات الضرب المركزى جاهزه وهى معانا فى الثوره الحكوميه دى وعددهم بالملايين وبعد جلاء الشعب الفاسد كله يبقوا دول هم القوة المنتجه زراعه وصناعه وكمان يضربو بعض لما اى واحد منهم يخالف القانون كده يبقى الضرب منه فيه ....تصفيق حاد وهتافات من باقى الحضور
المشهد الثانى ...الثورة ....انتفاضة الحكومة ضد الشعب
ينطلق جحافل الحزب وكوادره وأعضاء الحكومة والمحليات الغاضبين كل فى مجموعته المحدده له ..ويبدأوا فى محاصرة الناس فى بيوتهم ويهتفون فى غضب ...ياللا بره بره عاوزين شعوب حره ويفاجا الناس الجالسين ليلا امام الشاشة فى البيوت بالأصوات الهادرة تصم آذانهم وينقطع لفيلم العربى الذى تعرضه القناة الأولى ويخرج المذيع خيرى حسن ليعلن فى صوت رخيم اليكم هذا النبأ العاجل لقد انتفضت جحافل الحكومة والحزب الغاضبة فى انتفاضة حكومية شاملة تعلن رغبتها فى التغيير تغيير الشعب الفاسد المستبد ووضع حد لممارساته المستبدة والمستفزة على مر السنوات والعقود العشر الماضيه انها انتفاضة تلقائية عفوية جاءت نتاجا لما عانته الحكومة من عنت وظلم وابتزاز على مدى أعوام متعاقيه ...وهاهم كوادر الحزب مع الحكومة والمحليات هبوا جميعا فى ثورة حكومية عارمه لن تترك الشعب الفاسد الا بعد ان يجلوا عن البلاد وبدون رجعه هنا القاطره مارشات عسكريه وأناشيد وطنيه بصوت فايده كامل ومحمد فوزى ويخرج الناس للشرفات لمشاهدة مايجرى فيفاجأ الجميع بأنه محاصر من جحافل الحزب والحكومة ويهرب الناس امامهم مذعورين من الصيحات والهتافات الغاضبه ويأتى صوت المنادى فى الميكروفون محدش ياخد حاجه اكتر من بطانيه وخمس ارغفه وحتتين جبنه نستو أجهزه كهربية لأ تليفونات محموله لأ ثم ينهال الطوب والزلط تجاه الناس المذعورين وتبدأ المطاردات عبر الشوارع الى الطرق التى حددها المخطط الثورى
المشهد الثالث
مجموعه مذعوره من الشعب تجرى تجاه النيل فى منطقة مصر القديمه ويقذفون بأنفسهم فى النهر والطوب يتساقط من حولهم كالمطر ...يهمس أحدهم حانروح فين ...انا سامع اننا مفروض نهرب للسودان ....بس دى مسافة جامده حانخدها عوم والا إيه ...يهمس جاره طب ماناخد الأتوبيس النهرى والا ناخد فلوكه ...يشاور الجميع لأحدى وحدات الأتوبيس النهرى المملوءه على آخرها بهاربين من حى الزمالك والمهندسين فيقول السائق لهم مافيش مكان الباص كومبليه خليكو عايمين لحد ما أودى دول اسيوط وارجع لكم
المشهد الرابع
سكان الصحراء الغربيه يهرولون على الجمال ومعهم أغنامهم والبطاطين المسموح بها ووراءهم جحافل الحزب بالطوب وأسياخ الحديد تدفعهم نحو الحدود الغربية بكامل طولها والصيحات ترن فى آذانهم ...ياللا على قرايبكو اللى هناك مالكوش عيشه هنا خلاص
المشهد الخامس
سكان الدلتا يهرعون مذعورين أمام جحافل المطاردين وقاذفى الطوب والزلط والهتافات تصم آذانهم ...ياشعب يا هجاص الثوره قامت خلاص ...ياللا بره ع اليونان ....ياشعب جشع جعان بالطوب بالأمر حانزق الشعب البحر تصيح إحدى السيدات المذعورات فى جارتها : هوه فيه إيه ياختى ؟ أصل الحكومه فاض بيها ياختى وعملت ثوره زى بتاعة مطوبس ...بس ياختى دى مطوبس هى اللى كرشت الحكومه والراجل بتاعهم ....اصلهم بيقولوياختى انها ثوره مضاده بقسماطيه باين يعنى ايه كده يام احمد ...يعنى كل النمل قبل مايكلك مضاده بقسماطيه !! طب ياللا بينا ياختى قبل مايفعصونا اجرى يا ام احمد اجرى
وبعد 5 أيام لم تنطفىء خلالها ثورة الحكومه على الشعب الفاسد الذى كبل الحكومة لعقود طويله تنجح الثوره الاستباقيه البيضاء فى طرد الشعب بالكامل الى البلاد المجاوره دون اراقة الدماء ويخرج خيرى حسن فى نشرة التاسعة ليعلن البيان الأول للثورة ..ثورة الحكومة
بيان واحد جاءنا البيان التالى من قيادة ثورة التطفيش البيضاء
نجحت ثورة الحكومة البيضاء فى إقصاء الشعب الغاصب عن تراب الوطن وتمكنت جموع الحكومه الحاشده الغاضبه باتحادها مع كوادر الحزب الواعيه مدعومين بقوات الضرب المركزى درع الأمة الواقى وسندها فى الملمات نجحوا سويا فى فى فرض ارادة الحكومة على الشعب الفاسد الغاصب والمستبد لقد طالت سنوات القهر قهر الشعب الحكومة وسلب مواردها أولا باول فى شكل مرتبات ومعاشات ودعم للطعام والوقود وعلاج وتعليم وطرق ومواصلات ..عملت الحكومة تحت سخرة الشعب الغاصب الذى كتم حريتها ففاض بها الكيل ( بحوالى اتنين قدح ونص ) فانفجرت الحكومة غاضبة فى غضبة حكومية غير مسبوقه وغير دموية ..ونزلت الى الشارع معلنة غضبها فأجبرت الشعب الذى كبل حريات الحكومة والحزب ومنعهما من من كل ما تنص عليه القوانين من حريات أجبرته على الرحيل والهرب خارج البلاد تاركا واءه كل أموال وممتلكات الأمة
تحيا الثوره .......عاشت كوادر الحزب الواعيه
موسيقى عسكرية ......اناشيد حماسية انا حزب وأمانى وثوره وغد يصنع للإنسان فجره ....يخرج الرواد فيه من كل ثغره ....وستبقى بلدى حره بلدى حررررره .....دع سمائى فسمائى محرقه دع مياهى فمياهى مغرقه واحذر الأرض فأرضى صاعقة دع سمائى دع سمائى دع سمائى فسمائى محرقه
وتعرض الشاشة صورا لجلاء آخر فوج من الشعب الهارب بحرا
ثم صوره لعلم كبير يرفرف على ميدان خال تماما من الماره
انتهت

قصيده زجليه خطرت على بالى

وانا اسير فى شوارع السويس فوجئت بتداعى ابيات قصيدة قديمه كتبها منعم صديقى وزميل الدراسة فى الكليه كتبها كرساله لشقيقه النقيب فى الشرطه وقتها ..قصيده وصفيه تصف حالنا فى اعدادى الكليه الفنيه العسكريه عام 67 مجهود بدنى وضغط عصبى هائل يعرفه كل من عاشه كان اسمنا "تحف -أو متاحف " الدفعة التاسعه ...كان الطلاب الأقدم منا ينادونا: تعالى ياتحفه انت وهوه... اجمع بالخطوه السريعه ..تسعه استعد يا نمره ..(.يعنى استعد لأداء تمرين الضغط )...المسمى" بوش آب "فى استار أكاديمى الآن ...الويل لك ان كان شعر رأسك يمكن مسكه بظفر اليد ...بمعنى انه طويل جدا وفى الحال تتلقى عبارة النهر التاليه : ايه ده يا تحفه ناوى تضفره والا ايه ؟؟؟ انه يتكلم عن شعر طوله اقل من مليمتر واحد ...لكنه فى عرف العسكريه طويل جدا لدرجة انه يمكن عمله كضفيره كما البنات ...مبالغة لزوم الجديه والالتزام ...كنا نرتدى الشورت والشراب الطويل تمييزا لنا لكوننا الأحدث المستجدين ...نأكل فى دقيقتين فى الميس ثم ينادى افدم طالب علينا انصراف طلبة اعدادى !! وباقى الكليه تستمر فى الأكل ...ويستمر اليوم فى دراسة وعذاب وارهاق لدرجة ان لحظة الوثوب فى السرير مساء تصبح اسعد لحظة فى حياتك ..ويصبح النوم بعد العناء اعز الأمانى ...ولا نلبث ان نقوم مفزوعين فى الخامسه والنصف على صوت البروجى " النفير " فى نوبة صحيان فى ميكروفوان بالغ القوة إضافة الى شخط وزعيق من فى عنبر النوم من طلبه اقدم يحثونا على سرعة القيام وتسوية السرير وتمشيطه والاستعداد لطابور الرياضه فى الملعب ...فى وسط هذا الوضع وفى عام 67 كتب منعم الخطاب \القصيده التاليه لأخيه النقيب حسن لوصف معاناتنا فى هذه الفترة فقال

بعد التحية والسلام :.والشوق يطير بيه الحمام

وتمنيات بالإنسجام :. والانبساط والفرفشه

وابعت امسى ع الحبيب :. الغالى ابو علوه النقيب

عن مخى لا يمكن يغيب :. م الفجر لما للعشا

الحال يابيه اصبح عدم :. ولا عاد يفيد فيه الندم

والضهر يشكى والقدم :. والحاله عامه ملطشه

تلقاه يابيه يسرح كتير :. ويفوقه صوت النفير

وينام وتأنيب الضمير :. يجعل دماغه مدشدشه

والناس بتستغرب عليه :. وتقول جراله بس ايه

جسمه دبل شايفين عينيه :. غايره وجفونه مدغششه

الحاله عندى موش تمام :. والجسم عاوز ميت لحام

واقف ينام قاعد ينام :. ولا حتى ياكل فى العشا

وبرغم ده صابر انا :. وبقول يسهل ربنا

والغمه تنزاح عننا :. وانشالله اسافر مهمشه

هكذا كتب منعم قصيدته على صورة خطاب لأخيه يصف فيه حالنا ايام فترة المستجدين فى الكليه معبرا بطريقه جميله وصادقه عن احساس كل واحد منا فذلك كان فعلا مانحسه وما نعانيه فى فترة من أقسى ما عرفته مصر من انكسار وإحساس عام بالغضب ورفض الواقع المرير

تمشية صباحية على كورنيش القاهرة

http://www.youtube.com/watch?v=QYmkPY8VzEc
http://www.sm3na.com/song34188.html
كلمات هذا النشيد العظيم
مصر نادتنا فلبينا نداها
وتسابقنا صفوفاً فى هواها
فإذا باغ على الارض رماها
ترخص الارواح والدنيا فداها
ونروى بالدم الغالى ثراها
ونخوض الموت فى كل البقاع
نحن جند النصر ابطال الدفاع
يوم يدعونا لنار الهول داع
حدثى ياشمس عن ماضى حمانا
كم قهرنا فوق شطيك الزمانا
وابينا العيش ذلاً وهوانا
من رآتا فليقل كيف رآنا
من رحيق الدم يسقى شهدانا
فى هوا مصر تحيات الوداع
نحن جند النصر ابطال الدفاع
يوم يدعونا لنار الهول داع
اجرى يانيل عزيزا فى الوجود
واروى للايام تاريخ الجدود
وانهضى ياجنة الدنيا وسودى
واعيدى مجدك الماضى اعيدى
بأس احرارك من بأس الحديد
فأثبتى كالطود فى يوم الصراع
نحن جند النصر ابطال الدفاع
يوم يدعونا لنار الهول داع
فأسعدى يامصر إنا لانبالى
نوب الدهر واحداث الليالى
كل من رماك حتى فى الخيال
سير النيل جحيما فى الرمال
يفزع الدنيا بأهوال القتال
ويغنى الشعب فى كل البقاع
نحن جند النصر ابطال الدفاع
يوم يدعونا لنار الهول داع
عدت من السويس فى استراحة هاف تايم كما فى ماتشات الكوره لأن عندى عمل فى السويس أيضا الأسبوع القادم ..فقلت اقضى الخميس والجمعه مع اولادى وأحفادى وانا لسه واخد جرعة وطنيه من هناك لما زرت مسجد الشهداء ..المسجد الذى قاد منه الشيخ سلامه المقاومة الشعبية وانطلق منه الشهداء يهاجمون اليهود الذين جاءوا على مشارف حى الأربعين بالدبابات والمسجد تتقدمه لوحة على حائط خرسانى مدون عليها اسماء شهداء المقاومة السويسية الباسلة ...رحم الله الشهداء الأبرار .. .وصلت القاهره بصعوبة فى حافلة من السويس اخترقت القاهره وحدها فى ساعة ونصف ومثلها من السويس حتى الدائرى !!الزحام فى مداخل القاهرة مريع واسكندرية بدأت تنهج نفس النهج وستختنق هى الأخرى قريبا المهم وصلت المنيل مركز العائلة هنا وقمت صباح الجمعة مبكرا لأشترى الحليب ثم آخذ تمشية صباحية كالمعتاد هنا مابين كوبرى الجامعه وعباس ( الجيزه ) فى مشوار دائرى أحبه ويكفينى كرياضة اجباريه نصح بها الطبابه لكنس اللو دينستى ليبيد الذى يرتع فى شراييننا متلطعا ذات اليمين والشمال وتساعد عليه الحياة العصرية التى تجعلنا "كملكات النحل" نجلس مسترخين والأكل يأتى الى الأفواه والريموت يقوم بكل العمل والمصعد يرفعنا والسيارة تنقلنا حتى الكرسى الذى نقعد عليه لندق هذه اللوحة ذات المفاتيح كرسى بعجل ...فكيف يجرى الدم فى العروق اذا ...بملابس رياضيه - وكأنى شاب - غمزة بالعين وضغط على الشفة السقلى باسنان الفك العلويه -..مشيت لميدان الباشا ثم الى الكورنيش اللى على النيل الكبير متجها نحو كوبرى الجامعه ..الشوارع خاليه الا من بعض الممارسين للمشى مثلى "3 بنات محجبات يمشين فى همة وشاب فى اذنيه سماعات" وصلت لجامع صلاح الدين ثم الى الكوبرى الذى كان يهتز تحت قدمى كلما مرت عليه سياره وذلك معروف هندسيا بدأت اتأمل صفحة النيل الهادئة والعمارات الشاهقة عن يمينى مبنى التليفيزيون وبرج القاهرة وشيراتون الجزيره وبيت السادات على النيل ...وعلى يسارى كورنيش المنيل ومصر القديمه يبدوان خلف ضباب او دخان اقتربت من آخر الكوبرى فانقبض صدرى هنا على اليمين مقر لا احبه ولا استسيغ وجوده ...السفاره فى العماره ..من هنا جاءتنى موجة الوطنية الجارفه ورن فى ذهنى لحن وكلمات نشيدى الجهاد ومصر نادتنا فلبينا نداها الذين علقتهما فى صدر هذا البوست ...تأملوا كلمات هذين النشيدين لعبد الوهاب كيف كان الشعراء وقتها يتغنون بالوطنية والدفاع عن الوطن ..واتحسر لما ارى عليه الناس اليوم من بلادة فى الحس لدرجة اننا نرى اشقائنا يذبحون ولا نتحرك ...والذابح ينعم بالحراسة والحماية الشديدة وسطنا ويبرز علمه الأزرق مطلا على النيل ...اصابتنى غصة وضيق افسد الهواء النقى الذى خرجت استنشقه ...ولما اردت النزول على السلم لآخذ طريقى الى كوبرى عباس نظرت للماء عند نهاية الكوبرى فهالنى ما رأيت ...كمية زباله ووساخه واقفاص خضار معفن وعلب وزباله من كل نوع تعوم على الماء فى نهاية كوبرى الجامعه من ناحية الجيزه اذا كانت هذه الزباله متروكه لتسمم الماء الصاعد للسفاره اياها فلا بأس وندلق شويه عليها من عندنا اما اذا كانت للعامه فالله يعوض على الشاربين ...الايوجد فلوكه وفرد نظافه بشبكه يلم هذه الزباله ؟ويرميها فى المقلب ...تذكرت فورا ما رأيته فى كندا عند زبارتى لشلالات نياجرا ..شاهدت لنش فيه اتنين رجاله بتوع نظافة به يطاردون كيس نايلون واحد وعلبة كانز فارغه وحيده فى البحيره ويلتقطونها فى همة ..طبعا اللى رمى دول سائح ويمكن من منطقتنا لأنهم هناك لايفعلون ذلك ابدا ..لنش بيمر وينضف اول بأول ...قارنت هذا بذاك فحزنت ...الجوله كلها حزن والا ايه
ياللا...النيل ناحية الجيزه الكورنيش يعنى اكثر نظافة وترتيبا من نظيره المنيلاوى وذلك لفرق العمله ومستوى السكان فى الناحيتين ..هنا برج الرياض الشاهق ثم السفاره التركيه باين لأن فيه نجمه وهلال احمر ...على الله مايكونوش النجمه والهلال بتوع مصنع المكانس وفرش النضافه الشهير ... وبعدهم بشويه بقى عمارة فيرست ريزدنس النى اعرف صاحبها ..فهو نفسه صاحب شركة الصيانة التى عملت بها فى السعودية زمان المدخل مذهب والرخام مقوللكشى والأدوار العليا فلل على مايبدو لأن ارتفاع النوافذ بها عالى جدا ,,وفعلا لقيت لافته تقول مدخل الفيلات ...كنت امر على هذه العماره وهى فى مرحلة البناء فاجد شركة بكتل العالميه تعمل بها ..بمتل دى شركه عملاقه ومستواها عالى جدا اسمع ان مشاهير الفن من قاطنى هذا المبنى الفخيم فاللهم لا نق ولا حسد وربنا يزيدهم من نعيمه احنا بنتفرج بس ...لاحظت تجمع شرطى كبير بالقرب من البرج الفخيم ولست أدرى اهى له ام للسفارات كانوا يشربون الشاى ...ويحدقون فى عينى كمن بستفسر ...عدو والا حبيب ؟؟ حبيب ياخويا انت وهوه حبيب ...على اليمين بقى الفيش ماركت والسفن السياحيه والمطاعم العئمه ذات التماثيل الفرعونيه على مدخلها وتبدو فخيمه ايضا ..وصلت لكوبرى عباي واحترت انزل النفق والا افضل فوق لأن زمان كان فيه سلم تصعده فتكون على الكوبرى اما الآن فهناك نفق والعمليه اتغيرت ...فى وسط الكوبرى وقفت ثانية اتأمل القاهرة واشتنشق الهوا البحرى البارد وابعد عينى عن اكوام الزباله النيلية هنا ايضا ..القاهره جميله وهى فارغه وقليلة الزحام ومزعجه فى غير ذلك وتحتاج شركة نضافه المانى موش طليانى عشان تنضف ..هذا ماخلصت اليه من جولتى القاهرية الصباحية النيليه

ذكريات كنديه

اولا هذه أول مرة اجد الحروف العربية تحت أصابعى وأجد نفسى بعد أسابيع ثلاثة اكتب فقط بالأنجليزية خطابات وردود لأصدقائى وعائلتى اجتر فيها مابقى من كلمات انجليزيه لأصف ما أنا بصدده وما عايشته فى بلاد الكانديان ..أنا الماكس بتاعزمان ...فمع اننى بتاع زمان لكنى احب الحداثة والنظام واحترام الانسان واحب البلاد الفتية الناهضة الهادئة ...والمهدئة للأعصاب ...لا تصادف وجها متوترا كالذى نرى هنا حولنا فى كل مكان لم اشهد خناقة واحدة فى أى مكان تواجدت فيه.. فى الطائرة يسهرون على راحتك وفى المطارات ييسرون لك تحركك ويفتشونك بدقه ...لكن بأدب واحترام يسألونك عن سبب الزيارة ...ولا يقولون لك ..لا ياشيخ ....والنبى ايه فهم يصدقونك والأصل فى الانسان ان يقول الصدق ...تشترى شيئا فيودعك البائع ويستقبلك بقوله يوما سعيدا سيدى هاف اي نايس داى ..ركبت الأتوبيس خطأ 73"بى" والمفروض انه "سى" واكتشفت ذلك بعد ما انحرف يمينا على غير ما اعتدت فذهبت اليه- السائق- اسأله عما اذا كان الأتوبيس المعتاد الذى اركبه يوميا ...فأشار بإصبعه الى لافتة برتقالية فوق رأسه انه "بى" وانا الغلطان لعدم تثبتى من الرقم قبل الاندفاع والركوب ...ذن وات كان اى دو تو ريتش ماى استوب ..سألته مستفسرا ...فلم يقل لى" ابقى فتح عينك يا روح امك "..ولم يعقبها بقوله" انا عارف البلاوى دى بتتحدف علينا منين" ...انما قال لى فى هدوء وأدب جم ...تفضل بالجلوس مكانك وأنا سأعيدك لنفس المكان الذى صعدت منه ...لتركب الوجهة السليمه ..هذا مثال على تعامل الناس مع بعضها البعض.. الهدوء والعون ...أما البرد فحدث ولا حرج فى اليوم التالى لوصولى مباشرة اردت أن اتمشى فى الفجر حول المنزل كنوع من التريض واستكشاف ماحول المكان ...انا أصحو عادة مابين الثالثة والرابعة فجرا والكل حولى نيام ..(.مواهب لص هجام منازل فعلا) ..وحتى لاأحدث ضجة لمضيفى أمشى على أطراف أصابعى لكن القطة الضخمة تفضحنى وتجرى ورائى محدثة جلبة ..احضر الكاميرا >>التقط صورا للحدث النادر - بالنسبة لى فقط -

أطل برأسى خارج البيت لأجد الدنيا قد ابيضت تماما ...نزل الثلج الأبيض الرقيق كنتفات القطن الهائمة حول المنجد عندنا وهو ينجد لحاف العروسه ...ولا يتوقف نزول الثلج وهناك فرق فى تسمية نوعى الثلج تعرفونها طبعا سنو -وآيس وأظننى فى غنى عن شرح الفرق بين الصنفين ...خرجت رغم التساقط المستمر والبرد اللاسع وغطيت رأسى ومضيت اكتب على الثلج مسجلا بداية سقوط أول دفعة منه على سيارة صديقى كل ماحولى غطاه الثلج الأبيض الخفيف ...سارعت لأخذ صور بالكاميرا الصغيرة فهذه أول تجاربى مع الثلج المتساقط ..اليوم زيارة لأحد معامل كلية الهندسة هنا ...وكان فيها دعوة على غذاء خفيف "لانش " يعنى ومع برودة الجو غير المعهودة ورائحة الشواء التى تشنف الأنوف قبل الآذان قام الحضور جميعا إلانا "أنا وصديقى " فقد كنا الوحيدان الممنوعان من هذا اللانش لكوننا صائمان ..عدنا لنجد حفل افطار هو نفسه العشاء مع ان النفرة انتهت فى عرفة من زمن لأننا على فرق توقيت 7 ساعات متأخرين عن القاهرة ...باكر هو اول أيام عيد الأضحى ...أول عيد أضحى أقضيه خارج موطنى من زمن ...كنت متلهفا على حضور صلاة العيد هنا لأرى ما تعنيه للناس وكيف يحتفلون وكم عددهم النسبى فى أوتاوا العاصمة ..الصلاة فى صالة الرياضة بالجامعه صالة واسعة جدا ارضيتها باركيه التواجد كثير حضرها ما يقارب 5 آلاف فقط فى الجامعه وهناك أكثر من باحة للصلاة فى أوتاوا.. الأطفال مع اهاليهم والزينة والماء والحلوى والتكبير الرنان الله أكبر الله أكبر الله اكبر لا إله الا الله ..الله أكبر الله أكبر ولله الحمد ..يقولها من هناك فى الميك ويصدح بها الجلوس جميعا فى صوت يذكرنى بالحج ...الصلاة فى التاسعة صباحا ولا أثر للنحر هنا يبدو انه ممنوع مثل باقى البلاد الغربية الناس تشترى لحما مجهزا من محلات أحسنها اللبنانية ...لبنان هنا له تواجد ضخم فى مجال البقالة والعيش والتجارة عموما

عدنا من الصلاة لنحادث الأهل فى مصر ووجدناهم على مائدة العشاء ونحن فى صباح العيد ...العيد هنا فته ولحمه وتجمع مصرى عربى عند حليم صديقى وكل عام وانتم بخير

Canada2-2

This is my my 4th day in Ottawa Canada November 18th 2010 wokeup 3AM as usual every body in town is ASLEEP this is also the 3rd day of the 3eed Adha Mobarak but no signs of any features of 3eed here >>only when you go to a store you may find some kids with teier Muslem family plying around or carrying toys >>beginning from day 2 Monday ...first day in Ottawa Halim took me to a fire lab of Carleton University where they have a presentation carried out by the lab operators & lab manager we were driven by a Canadian fellow who lost the way searching for the lab & they had to make several rounds to reach the lab site - so I am not the only one getting lost in Ottawa roads - reached the site at last we found many PH.D students from different nationalities awaitng us so we spent the day seeing the presentations abuot the fire lab they are exposing diferent materials to fire and studying the effect of the flames on the stucture & so on >>Korea sent a Train to study the case of fire accedent in the Korean Metro ..they have a big air tunnel -oven that can take big items for expermental fire exposure ..It was cold there 3degrees above zero though the sun was there shining I put on my only Jacket to get warm ..the show was broken by a lunch break hot dog & parbque ( notice that Halim & me are the only fasting men around ) it was 3arafah day & being so cold & hungry we stood away from the food aroma & the chef - wish that this was an other day to enjoy the smoking food in such a cold day ..anyway the we ran to Halim's house at noon to prepare breakfast before sunset but halim drove to the collage for some paper work so we took a piece of brad as Tasbera couse sunset is 4:33 PM here then we went to cool some beef for FETAR ..bev-Halim's wife is at work so we have to cook I made the beef with lemon & onion >>it came out great ...next morning was 1st day of 3eed Adha we went 8 Am to the great sports hall of the university the prayer time is 9 AM here (sun rises at 7AM)>>I was glad to find this BIG number of Muslems in OTTAWA praying the Adha` 3eed SALAH men women & kids are there >>I wish I took my camera to get a shot of this nice seen >>>after the Salah we went home for phone calls & we ate a great breakfast fool medammes with onion cheese -tomatos -eggs -olive & a big & hot coffe >>we stayed home watching tv & opening the mail ..we went to the tyre shop asking them to change the summer tyres & install the winter tyers ..the guy there said no you have to get a reservation date as thursday morning !!! here you have to get everything reserved not like us home >>whether it is a doctor or even a car tyer repair shop -3agaby- you have to get a date >> Wednesday is the big day for the food ..Haim invited 3- PH.D students to have dinner together with thier families & his Mom who is living here but in a separate house , so we are the "cook " the food was Fakhdet KHAROUF FELFORNN & FATTAH BETTOUM WEL KHALL & some chicken fore those who do not like LAHMA -DANY >>>we spent the whole noon making the Khaltah & the SHURBAH, cutting onion & Garlic -getting the bread toasted & the salad made ..around 4PM I was over come by the eager need of sleeping ..so I went up for a nap & asked them to wake me up when the guests come & the food is ready >>I slept so deeply - surely snoaring- may be for an hour or so ,like in a dream I Heared the voice of Halim calling me for the dinner -3eed party.. I woke up not knowing whwere I am ( Alexandria - Cairo - OTTWA) sometimes when you go deeply into sleeping you became like dead ..so I came down to check the FAKDAH in the oven ..it smells great the fattah was ready too I was the one to cut the cooked KHAROUF >>It sprays souse all around >>I think BEV got mad at me for staining her table's cover by BAHAREEZ >>but everything tasted great except they do not like salt or sugar here I am the only one here to put sugar in his tea & coffe my wisdom here says: (live short but happy better than long but msirable) ??talking about suger & salt not any thing else >>I told them when they hide suger from me : "I drink tea & coffe for the sugar they contain" >>hell with the flavour & hell with the taste & tozz for them both !!..that is how days are passing here in Ottawa Canada while approaching the end of the year 2010.

To CANADA once more

writing in English is not my choice ..it is not even a FAZLAKA from my side ....it is a take it or leave it choice ...since my friend's laptop is a KHawaga one having no arabic letters & I am in his house now in Ottawa Canada ...wokeup 2AM as usual everybody is asleep sneeking out to the living room to find something to do while being active like I always am at that early hours ...this is ARAFAT Day so we are fasting as we do at home this is a great day to fast ....I arrived at OTTAWA airport 8pm last night after spending 17 hrs sitting in a seat flying & waiting for a connection flight .....I was the only passenger wearing a short sleeve shirt while checking out every body else in a coat ...but being inside the Heathrow AP made feel no cold except some sneezing every now & then -crowded as usual place every body is running to his gate or coffeshop the security measurs are very strict searching suspected people made lines so long ..finishing the security search I found a young man raising a sign having my name in a big font >>Mr Hassanin ...yes go to the counter & get your boarding <<>>felt important while riding among all those rushing around >>>this is AIR CANADA ..a company that respect the client making it easier for him to go ...now I had to delay my watch 2 hrs >>> the boarding gate was rather far so I just arrived on time >>but the plane was delayed for 55min due to storms & turbelance over the atlantic >>>so I was alittle pit worried about my next connection (Monterial-Ottawa) ... the plane was so nice & neat with a nice service >>It was fully booked <<

sat beside an Egyptian cople with their newly born baby ....they soon moved to an other posion where they can lay the infant ahead ...that gave me a vacant seat to my left & so I have a room to change my posture every now& then & to stretch my legs too ....it is a 7-hrs-trip across the atlantic ....I always follow up the flight details through the screen ahead watched a nice movie by Meryl strib named Jolie & Julia this actress is really talented & very naturally acting ...but I have some food requested by halim namely a drum of GEBNA ROOMY BATREKH - wrapped in a 8 layers of plastic bags

!!!Alhamdo lellah it worked out they trusted me being an old man ...In Canada you have to be checked in the first international port you land in even your destination is different so I got myself & my baggage checked in monteal though Iam heading to Ottawa the Capital >> lines were abnormally long long & that made me worried to loose my next flight to Ottawa >>but I managed to do it on time ...flight was delayed because one passenger put his baggage in side the plane but did not show up so they had to unload his baggage from the plane for security reasons ..Halim awaiting me ...Ottawa was cooooooolllldddd!! it was 7 degrees above zero & we came from a city of 31 degrees in a hot front in Cairo?? that was my first night in CANADA 2

العباسية الثانوية - العيد المئوى

فى مكالمة هاتفية دعانى مفيد - فيدو- صاحب كارت التهنئة الشهير الذى نشره 123 عنوة هنا- دعانى الى حضور حفل المدرسة العباسية الثانوية العريقه بالإسكندرية الحفل بمناسبة العيد المئوى لتأسيس المدرسة ...طبعا سارعت بالذهاب.... وأنا أقترب من المدرسة تداعت كل ذكريات الشباب فى مخيلتى>> الفصل.. الأساتذة العظام... قوة الناظر وشخصيته المهابه ..الشىء الذى يحيرنى للان كيف كان يتم اختيار اساتذة هذه المدرسة العريقه لقد كان من الأساتذة الذين درسوا لنا اربعة حاصلين على درجة الدكتوراه ...الكيمياء د صلاح هبه ...الفيزياء د نعيم دويدار الفلسفه وعلم النفس دكتور صبحى الأحياء د سمير ...ناهيك عن مستوى اساتذة اللغات والرياضيات كان مؤلف كتابى الكيمياء والفيزياء"الممتاز" الخارجيين الوحيدين وقتها من مدرستنا العباسية الثانويه ...لم نعرف الدروس الخصوصية ابدا واذكر ان احد المنقولين عندنا حديثا طلب من الاستاذ جرجس استاذ اللغة الانجليزية درسا خصوصيا فكان ان نهره علنا أمامنا وقال له: الا تفهم من شرحى فى الحصه ؟؟ لابد من وجود خلل ما فى عقلك لتطلب هذا الطلب ...هكذا كنا فىشبابنا كنا نقف على الناصيه "القمه" أو" الإمه" - بالاسكندرانى - لا لنعاكس البنات ولكن لنتبارى فى مسائل الفيزياء والرياضيات ...هكذا كان جيلنا خصوصا فى هذه المدرسة العريقه ...دخلتها وأنا من أوائل اسكندريه فى الإعداديه ومستلما لوشاح عيد العلم العاشر بلونه الأخضر وصورة لى - مازلت اعلقها فى بيتى بالعجمى - وأنا اسلم على المحافظ حمدى عاشور وأستلم شهادة التفوق وشيكا بقيمة ستة جنيهات مصرية ...أذكر جيدا اننى اشتريت بها ماكان فى نفسى وقتها وهو بنطلون ووتر بروف كحلى غامق وحذاء ببوز مربع- وكانت الموضه وقتها - كانت الجنيهات السته كافيه لشراء هذين الصنفين معا وقتها فى عام 64 ..وكانت سعادتى الكبرى فى حضور والدى رحمه الله هذا الحفل وجلوسه مزهوا بى وسط الصفوف ..وهذا ما دعانى لبذل جهد أكبر وتصدرى اوائل المدرسة فى سنة اولى ثانوى ...وقابلت فى هذه المدرسة زملائى الذين بقوا للآن هم اقرب الأصدقاء نلتقى ونتحدث هاتفيا باستمرار ..جال .كل هذا بخاطرى وأنا اخطو نحو شارع جرين حيث تقع مدرستنا العباسيه نفس البوابه الحديديه المنقوشه والسلالم الرخاميه والشبابيك العاليه ومعامل الكيمياء والفيزياء وملعب السله ...دخلت من البوابه وطالعت اللافتات المرحبة بالدكتور مفيد شهاب والدكتور يسرى الجمل خريجى المدرسه ..على الباب شباب يرحبون بالقدوم ويكتبون اسامينا وسنة التخرج والوظيفة الحاليه ورقم التليفون ثم يعلقون على صدرنا بادج شيك يحمل شعار المدرسة ويعطوننا شهادة يكتبها خطاط على الفور تشكرنا فيه المدرسة على ماقدمنا من خدمات لهذا الوطن فى مواقع عملنا ...المدرسة تشكرنا!! وهى الأحق بالشكر على ماقدمته لنا من علم وتربيه ..اخذت شهادتى وعلقت الوسام وخطوت لأجد عشرة من زملائى ودفعتى تقابلنا بالأحضان والابتسامات كلنا بان عليه السن بالمشيب عدا بهى الدين فوزى لواء متقاعد اسمر وليس به شعرة واحدة بيضاء ...وجدنا الديبه ومحمود بكر بتوع الكوره هناك وقابلنا رجل طاعن فى السن فال لنا انتو دفعة كام قلنا 67 ...قال ياه ده انتو حداث قوى !!! الظاهر انه دفعة 35 او ماقبلها ...المدرسه عمرها مائة عام واسسها ضمن المؤسسين الأمير طوسون صاحب المحطة الشهيرة باسمه قرب ابوقير وساهم اول النظار بمبلغ 50 جنيها فى التأسيس ولا يخفى قيمة هذا المبلغ فى عام 1910 ..وقت أن كان الجنيه المصرى اغلى من الجنيه الذهب ...وزع الطلبه علينا ونحن جلوس كتيبا يحوى تاريخ المدرسه وأسماء النظار وتاريخ تقلد كل منهم المنصب ...أما المفاجأة الكبرى فكانت ان توفيق الحكيم من خريجى العباسية الثانوية وكل من عبد العزيز حجازى وممدوح سالم رؤساء الوزاره والعديد من الوزراء والمشير الراحل احمد بدوى قائد الجيش الثالث ووزير الحربية فى السبعينات والفريق احمد فاضل قائد القوات البحريه ورئيس هيئة قناة السويس حاليا وأحمد رجب الكاتب المعروف فى الأخبار ومحافظ اسكندرية الحالى ... عدت من الحفل سعيدا بالذكريات ومعتزا بمدرستى ولم انسى استخراج شهادة وتسجيل اسم صديقى الدكتور عبد الحليم المهاجر لكندا سأحملها معى باكر وانا متوجه لكندا لزيارته ...سأقضى العيد فى كندا